APOCALIPSIS 13:10 - Chatino Tataltepec

¹⁰ Si lo'o nscua cha' tsalo'o ngu' ji'i̱ tsaca ma̱ ne' chcua̱, jua'a̱ caca lacua. Ná cutsi̱i̱ ma̱ li'. Si lo'o nscua cha' cujuii ñati̱ ji'i̱ tsaca ma̱, masi lo'o maxtyi, jua'a̱ caca lacua. Ná cutsi̱i̱ ma̱ li'. Ndu'ni cha' talo tsaa tyiquee na ji'i̱ cha' cuxi; ndu'ni cha' lcaa tsa̱ taquiya' na ji'i̱ ycui' Ndyosi si ntsu'u cha' ji'na lo'o Ni nde chalyuu.

APOCALIPSIS 13:10 Iomraidhean Croise

SAN MATEO 26:52

Lo'o li' ngulo Jesús cña ji'i̱ yu bi': ―Xco'o nu'u̱ maxtyi cusu̱u̱ cua hi̱ ―nacui̱ ji'i̱ yu bi'―. Lcaa ngu' nu nxu̱u̱ tya'a lo'o maxtyi, jua'a̱ cajaa ngu' bi' xqui'ya maxtyi.

SAN MATEO 7:2

La cui' ñi'ya̱ nchcui' cuxi ma̱ ji'i̱ xa' la tya'a ñati̱ ma̱, si tyaala tsa ma̱, la cui' jua'a̱ cua'ni cuayá' ycui' Ni ji'i̱ ma̱. Lo'o jua'a̱, la cui' cuayá' milya ñi'ya̱ nu nda ma̱ ji'i̱ tya'a ñati̱ ma̱, la cui' jua'a̱ ta ycui' Ni ji'i̱ ma̱.

SAN LUCAS 21:19

Nu lo'o cua ndalo ma̱ ji'i̱ lcaa cha' cuxi bi', li' tya caja chalyuu ji'i̱ ma̱ lo'o cua ndye cha'.

COLOSENSES 1:11

Nguula tsa cña ndu'ni ycui' Ndyosi ca su tlyu ca su ntucua ycui' Ni; bi' cha' cua ndijña na' ji'i̱ Ni cha' ta Ni la cui' juersa bi' ji'i̱ ma̱, cha' caca tso'o ti tyiquee ma̱ talo ma̱ ji'i̱ cua ña'a̱ ca cha' cuxi nu tyacua ji'i̱ ma̱.

HEBREOS 6:12

Ná nti' ya cha' caca taja ma̱; na cua nti' ya cha' cua'ni ma̱ ñi'ya̱ nu ngua'ni xa' la tya'a ngusñi na cha' ji'i̱ Jesús tya clyo la, nu cua ndalo tsa tyiquee cha' ndu̱ ti' ngu' ji'i̱ ycui' Ndyosi. Bi' cha' cua ngujui lcaa cha' ji'i̱ ngu', ñi'ya̱ nu nacui̱ Ni cha' tyacua ji'i̱ ngu'.

APOCALIPSIS 1:9

Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na.

APOCALIPSIS 11:18

masi ti'í tsa nchca ñasi̱' xa' la ñati̱ nu ná ndaquiya' jinu'u̱. Cua ngulala ti tyempo cha' ta nu'u̱ cha' ti'í ji'i̱ ngu' bi', cha' cua'ni cuayá' nu'u̱ ji'i̱ lcaa jyo'o. La cui' tyempo tya nu'u̱ xlya'be ji'i̱ ñati̱ nu ngua'ni cña jinu'u̱, cha' cua ngua'a̱loo nu'u̱ cña ji'i̱ ngu' cha' chcui' ngu' cha' jinu'u̱ nde chalyuu; jua'a̱ tya nu'u̱ xlya'be ji'i̱ ñati̱ nu ndaquiya' jinu'u̱, masi ñati̱ cuañi', masi ñati̱ cusu'. Cua ndyalaa tyempo cha' cua'ni ñu'u̱ nu'u̱ ji'i̱ ñati̱ nu ngua'ni ñu'u̱ ji'i̱ ñati̱ chalyuu.

APOCALIPSIS 14:12

Lo'o nu na ni, talo na ji'i̱ cha' cuxi sca ti si ntsu'u cha' ji'na lo'o ycui' Ndyosi, sca ti si taquiya' na cña nu ngulo Ni ji'na, sca ti si xñi tso'o na cha' ji'i̱ Jesús; sca ti jua'a̱ taca ji'na talo na ji'i̱ nu cha' cuxi bi'.

APOCALIPSIS 16:6

Tya ndyi'u ti' nu'u̱ ñi'ya̱ ngua lo yuu tya sa'ni la, nu lo'o cua ndyujuii ngu' ji'i̱ ñati̱ jinu'u̱; cua ndyujuii ngu' bi' ji'i̱ tyu̱u̱ tya'a ñati̱ nu ngua tu'ba jinu'u̱ cha' nchcui' nu'u̱ lo'o ñati̱. Lo'o juani la cui' ñi'ya̱ nu ngua'ni ngu' tya li', la cui' jua'a̱ nda nu'u̱ cha' ti'í ji'i̱ ngu', cha' tyi'u ti' ngu' ji'i̱ jyo'o nu cua ndyujuii ngu' ji'i̱ tya sa'ni la.

APOCALIPSIS 17:11

Lo'o nu na'ni nu ngutu'ú nu ngua sa'ni bi', pana nga'aa lu'ú bi' juani, bi' laca tya chaca tya'a rey nu laca loo; ñi'ya̱ laca loo nu cati tya'a rey bi' nde chalyuu, jua'a̱ caca loo nu chaca rey bi' nde lo yuu chalyuu, cha' la cui' bi' laca nu cua tyaa ti ca bilyaa ―nacui̱ xca̱ jna'―.

APOCALIPSIS 17:8

Na'ni nu cua na'a̱ nu'u̱ jua, ngutu'u bi' nu ngua tya sa'ni la, nga'aa lu'ú bi' juani; pana cua ngulala ti tyu'ú ni' chaca quiya', masi nscua nde tyuquee qui'ñi bi', cha' tyaa ni' ca chalyuu talya su tye ni' cati̱ ni' tsiya' ti ―nacui̱―. Cua ña'a̱ ca ñati̱ nu ná nscua xtañi lo quityi ji'i̱ ycui' Ndyosi, quiña'a̱ tsa cha' culacua ti' ngu' lo'o ña'a̱ ngu' ji'i̱ na'ni bi'; pana tya clyo lo'o tya lyiji xana chalyuu re, cua nscua xtañi ñati̱ nu cua nda ycui' Ndyosi chalyuu nu ná nga'a̱ cha' tye ji'i̱. Ngutu'ú na'ni bi' nu ngua tya sa'ni la, masi nga'aa lu'ú bi' juani; pana ña'a̱ ti tya tyu'ú bi', masi chaca tya quiya'.

APOCALIPSIS 2:19

Cua jlo ti' na' lcaa ña'a̱ nu ndu'ni ma̱, nacui̱ Ni. Ntsu'u tsa tyiquee ma̱ ña'a̱ ma̱ ji'i̱ tya'a ma̱ nu ntsu'u cha' ji'i̱ lo'o na', cha' tso'o tsa ngusñi ma̱ cha' 'na; nxtyucua ma̱ ji'i̱ ñati̱ nu lyiji tsa cha' tso'o ji'i̱, jua'a̱ ndalo tsa tyiquee ma̱ lo'o ndyu'ni lya' ti' ngu' ji'i̱ ma̱. Lo'o juani tso'o la xi ndyu'ni ma̱, nga'aa si'i ñi'ya̱ nu ngua'ni ma̱ tya sa'ni la, nacui̱ Jesús.

APOCALIPSIS 2:2

Cua jlo ti' na' lcaa ña'a̱ nu ndu'ni ma̱, nacui̱ Jesús. Jlo ti' na' cha' ndalo tsa tyiquee ma̱, masi ndyiji tsa cha' ti'í ji'i̱ ma̱ cha' ndacu̱' ma̱ cha' ji'i̱ ngu' xña'a̱, nacui̱ Ni. Lo'o jua'a̱ jlo ti' na' cha' ná ndalo ma̱ tsiya' ti ji'i̱ ñati̱ cuxi. Cua ngua'ni cuayá' ma̱ ji'i̱ ñati̱ nu nacui̱ cha' cua nda na' ji'i̱ ycui' ngu' lijya̱ slo ma̱, masi ná nda na' ji'i̱ ngu' bi' lijya̱; cua nquijeloo cha' ji'i̱ ma̱ cha' cuiñi ngu' bi', nacui̱ Ni.

APOCALIPSIS 3:10

Cua ndyi'u ti' ma̱ cha' nu nacui̱ na' ji'i̱ ma̱ tsubi', cha' talo tyiquee ma̱ cha' tu̱ ti' ma̱ 'na ni tsa̱ tya̱a̱ na' chaca quiya'; bi' cha' juani cua'ni na' cha' ná sca caca ji'i̱ ma̱ lo'o tyalaa tyempo cuxi nde chalyuu. Cua lijya̱ caca cha' cuxi bi', nu cua'ni cuayá' ji'i̱ lcaa ñati̱ chalyuu.

APOCALIPSIS 3:3

Tyi'u ti' ma̱ cha' tso'o tsa ngusñi ma̱ cha' 'na nu lo'o ngulu'u ngu' cha' ji'i̱ ma̱ tya clyo; taquiya' ma̱ ji'i̱ cha' bi' chaca quiya', pana culochu̱' ma̱ cha' cuxi nu ndyu'ni ma̱ juani, nacui̱ Jesús. Si ná tyaja'a̱ ma̱ taquiya' ma̱ cha' 'na, li' tsiya' ca tyu'u tucua na' ca̱a̱ na' slo cu'ma̱, ñi'ya̱ nti' lijya̱ sca nu cuaana; ca̱a̱ na' cha' xcube' na' ji'i̱ ma̱ lo'o ná ca tii ma̱ ni hora laca nu ca̱a̱ na', nacui̱ Ni.