APOCALIPSIS 12:8 - Chatino Tataltepec

⁸ Pana cua ntiji̱loo Miguel ji'i̱ nu cuaña bi', nga'aa ngua ji'i̱ nu cuaña bi' tyanu ca slo ycui' Ndyosi lo'o xca̱ ji'i̱ Ni li';

APOCALIPSIS 12:8 Iomraidhean Croise

SAN MATEO 16:18

Pedro naa nu'u̱, lo'o jua'a̱ caca nu'u̱ ñi'ya̱ laca sca quee quiya' ni'i̱. Nu lo'o nchcui' nu'u̱ tsa̱, cha' liñi laca nu nchcui' nu'u̱; bi' laca su̱u̱ cha' ji'i̱ ñati̱ 'na, cha' tso'o tsa ndyanu tachaa cha' nu nchcui' nu'u̱ jua'a̱. Ná taca ji'i̱ cuiñaja, ni cui'i̱ cuxi, ni jyo'o, ni tsaca ñati̱, ná taca ji'i̱ ngu' tsiya' ti tyiji̱loo ngu' ji'i̱ ñati̱ 'na, masi cajaa ñati̱ 'na xqui'ya cha' cuxi.

LOS HECHOS 1:25

cha' taca tsaa yu bi' xa' quichi̱, cha' chcui' yu cha' jinu'u̱ cña su ndu̱ jyo'o Judas nquicha'. Na cua nguxtyanu jyo'o bi' cña cha' xña'a̱ tsa bi', lo'o li' ndyaa ca su ndyanu cha' tsaa.

JUDAS 1:6

Lo'o jua'a̱ tyi'u ti' ma̱ ji'i̱ xca̱ ji'i̱ ycui' Ndyosi nu ná ntaja'a̱ taquiya' ji'i̱ cña nu nda Ni ji'i̱ ngu' nu ngua sa'ni, bi' cha' nguxtyanu xca̱ bi' tyi ngu' ca slo ycui' Ndyosi. Pana juani cua ndu̱ xca̱ cuxi bi' ndyaaca̱' lo'o carena; ca su talya ña'a̱ tsiya' ti ndu̱ xca̱ cuxi bi', cha' preso ji'i̱ ycui' Ndyosi laca ngu' juani. Jua'a̱ ntsu'u cha' jatya xca̱ bi' ni jacua' tyalaa tsa̱ nu cua'ni cuayá' ycui' Ni ji'i̱ lcaa ñati̱.

APOCALIPSIS 12:11

Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús.

APOCALIPSIS 12:7

Li' nguxana cha' cusu̱u̱ ca su ntucua ycui' Ndyosi. Ndu̱ Miguel nu laca xu'na xca̱ ji'i̱ ycui' Ndyosi, ndu̱ lo'o xca̱ nu cuentya ji'i̱ Ni; jua'a̱ cua ndu̱ nu cuaña tonu lo'o xca̱ ji'i̱. Ti'í tsa ngusu̱u̱ tya'a ngu' li'.

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

APOCALIPSIS 20:11

Lo'o li' na'a̱ na' cha' ntucua sca ñati̱ tlyu lo sca yaca xlya tlyu nu ndubi tsa ña'a̱. Li' nguti̱ lcaa chalyuu, jua'a̱ nguti̱ lcaa ca na nu ntsu'u nde cua̱, nu lo'o ndu'u tucua ycui' Ni; nga'aa tyaca̱' tsiya' ti ma nde su nguliji yu'u chalyuu bi'.