APOCALIPSIS 12:7 - Chatino Tataltepec

⁷ Li' nguxana cha' cusu̱u̱ ca su ntucua ycui' Ndyosi. Ndu̱ Miguel nu laca xu'na xca̱ ji'i̱ ycui' Ndyosi, ndu̱ lo'o xca̱ nu cuentya ji'i̱ Ni; jua'a̱ cua ndu̱ nu cuaña tonu lo'o xca̱ ji'i̱. Ti'í tsa ngusu̱u̱ tya'a ngu' li'.

APOCALIPSIS 12:7 Iomraidhean Croise

SAN MATEO 13:41

Tsa̱ bi', na' nu cua lijya̱a̱ cha' caca na' ñati̱, ta na' ji'i̱ xca̱ 'na cha' xuti'i̱ xca̱ bi' ji'i̱ lcaa ñati̱ nu ngulu'u qui'i̱ ji'i̱ tya'a cha' cua'ni ngu' cha' cuxi; tyu'u ti'i̱ lcaa ñati̱ nu cuxi tyiquee, cha' ná ntsu'u chacuayá' tyanu ngu' bi' ca su laca ycui' Ndyosi loo.

SAN MATEO 16:27

Chañi cha' chaca quiya' ca̱a̱ na' nu cua nda Ni 'na lijya̱ na' cha' caca na' ñati̱, stu'ba ti ca̱a̱ na' lo'o lcaa xca̱ ji'i̱ ycui' Ndyosi; ndubi tsa ña'a̱ loo na' lo'o xee ji'i̱ ycui' Ndyosi Sti na' li'. Lo'o li' ta na' xcaya' ngu', ni cña nu cua ngua'ni scaa ngu' lo'o ya̱a̱ ngu' chalyuu.

SAN MATEO 24:31

Nu lo'o lye cañi cui' chcua̱, li' culo na' cña ji'i̱ quiña'a̱ tsa tya'a xca̱ 'na cha' ca̱a̱ xca̱ bi', cha' xuti'i̱ se'i̱ ti ji'i̱ lcaa ñati̱ nu cua ngusubi ycui' Ni ji'i̱; macala su ndi'i̱ ngu' tyucui ña'a̱ chalyuu tyu'u ngu' ca̱a̱ ngu' li'.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN MATEO 26:53

¿Ha ná jlo ti' nu'u̱ cha' si jña na' ji'i̱ Sti na', hora ti culo ycui' Ni cña cha' ca̱a̱ tii tyucuaa tya'a taju xca̱ ji'i̱ Ni, cha' xtyucua xca̱ bi' 'na?

2 CORINTIOS 12:7

Lo'o li' nda ycui' Ndyosi chacuayá' cha' caja xi cha' chcube' na', cha' ná lye tsa caca tyucuaa ti' na' lo'o ñati̱ xqui'ya cha' tlyu ca nde cua̱ nu cua na'a̱ na' laja xcalá̱; nda Ni sca lo quicha 'na nu ti'í tsa ndyu'ni lo'o na'. Lo'o jua'a̱ laca bi' ñi'ya̱ laca lo'o ntsu'u na ya' nu xña'a̱ nchcube' ji'na, cha' ti'í tsa ndyu'ni quicha bi' lo'o na', cha' ná caca tyucuaa ti' na' lo'o xa' ñati̱.

EFESIOS 6:12

Si'i na nxu̱u̱ tya'a na lo'o ñati̱ chalyuu ti, siya' la juersa ntsu'u ji'i̱ ngu' bi'; tya'a cusu̱u̱ na laca lcaa cui'i̱ cuxi nu ntsu'u nde cua̱. Nguula tsa nu bi', hasta ngua ti' bi' tyiji̱loo ji'i̱ ycui' Ndyosi; pana ná ngua ji'i̱. La cui' laca nu ngua ti' caca xu'na chalyuu, lo'o jua'a̱ nclyo bi' cña ji'i̱ ñati̱ cha' cua'ni ngu' lcaa lo cha' cuxi nde chalyuu juani.

2 TESALONICENSES 1:7

Nga'aa cua'ni lya' ti' ngu' ji'na tsiya' ti lo'o tyu'u tucua ycui' Jesús nu Xu'na na nde cua̱. Laja xee tlyu tya̱a̱ Jesús li'; stu'ba ti ca̱a̱ Ni lo'o quiña'a̱ tsa ngu' xca̱ ji'i̱ Ni, cha' tlyu tsa cña nchca ji'i̱ xca̱ bi' nu ndu'ni ngu' cuentya ji'i̱ ycui' Ndyosi.

HEBREOS 2:10

Clyo ngüiñá ycui' Ndyosi lcaa ca na nu ntsu'u chalyuu, jua'a̱ tya ña'a̱si̱i̱ Ni lcaa na; lo'o jua'a̱ nti' Ni cha' tyalaa ca ta'a na nu laca na sñi' Ni ca su tso'o tsa ca su ntucua ycui' Ni. Bi' cha' clyo ndulo tsa cha' ji'i̱ Ni cha' tye lcaa cña nu ngua'ni Jesucristo; lo'o nu juani cua ngulaá na ji'i̱ nu cuxi xqui'ya Jesús, masi ti'í tsa ngua ti' yu lo'o ngua'ni yu cña bi'.

2 PEDRO 2:4

Nu cua sa'ni ni, ná ngua'ni clyu ti' ycui' Ndyosi ji'i̱ nu ngu' xca̱ ji'i̱ Ni nu ntsu'u qui'ya ji'i̱; nguxcua̱a̱ Ni ji'i̱ ngu' xca̱ nu xña'a̱ bi', ndyaa ngu' nde ca bilyaa, ca su talya ña'a̱ tsiya' ti. Ndyaaca̱' ngu' xca̱ bi' lo'o ju̱u̱ chcua̱, cha' ca bi' tyanu ngu' ña'a̱ cuayá' nu cua'ni cuayá' Ni ji'i̱ lcaa ñati̱ chalyuu, lo'o ji'i̱ ngu' xca̱ bi'.

JUDAS 1:9

Pana si'i jua'a̱ ngua'ni Miguel nu laca loo ji'i̱ xca̱ ji'i̱ ycui' Ndyosi; nu lo'o ngusu̱u̱ tya'a nu Miguel bi' lo'o nu xña'a̱ xqui'ya jyo'o Moisés, ná nchcui' ni sca cha' cuxi lo'o nu xña'a̱ bi'. Ndi'ya̱ ti nchcui' lo'o: “Ycui' nu Xu'na na' ntsu'u cha' cua'a jinu'u̱”, nacui̱ Miguel ji'i̱ nu xña'a̱ bi' li'.

APOCALIPSIS 12:8

Pana cua ntiji̱loo Miguel ji'i̱ nu cuaña bi', nga'aa ngua ji'i̱ nu cuaña bi' tyanu ca slo ycui' Ndyosi lo'o xca̱ ji'i̱ Ni li';

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

APOCALIPSIS 13:7

Ngujui chacuayá' ji'i̱ ni' cha' xu̱u̱ tya'a ni' lo'o ñati̱ nu ntsu'u cha' ji'i̱ lo'o ycui' Ndyosi, cha' tyiji̱loo ni' ji'i̱ ngu' bi'. Lo'o li' ngujui chacuayá' ji'i̱ ni' cha' caca ni' loo ji'i̱ tyucui ña'a̱ chalyuu mala su ndi'i̱ ñati̱, masi lcaa lo ñati̱ chalyuu nu ngutu'u cua ña'a̱ ca quichi̱ tyi ngu', nu nchcui' cua ña'a̱ ca lo cha'cña nu nchcui' ñati̱ chalyuu;

APOCALIPSIS 20:2

Li' ndaya' xca̱ bi' ji'i̱ nu cuaña tlyu, la cui' cuaña laca nu ndi'i̱ chalyuu tya sa'ni, la cui' nu xña'a̱ nu naa Satanás laca bi'. Tachaa ngusca̱' xca̱ bi' ji'i̱ nu xña'a̱ bi' lo'o carena ña'a̱ cuayá' talo sca mil yija̱ ndyaaca̱'.