APOCALIPSIS 12:6 - Chatino Tataltepec

⁶ Li' ngusna nu cuna'a̱ ndyaa ne' quixi̱' ca su tyi'i̱ ycui' ti ma'; cua laca ngua'ni cho'o ycui' Ndyosi sca su tyi'i̱ ma', su ña'a̱si̱i̱ Ni ji'i̱ ma', ca bi' tyanu ma' tii tyucuaa siyento ntucua snayala tsa̱ li'.

APOCALIPSIS 12:6 Iomraidhean Croise

SAN MATEO 4:11

Li' ndu'u xu'na cuiñaja ndyaa. Li' ndu'u tucua xca̱ ji'i̱ ycui' Ndyosi cha' xtyucua ngu' ji'i̱ Jesús, cha' ta ngu' xi juersa ji'i̱ yu.

APOCALIPSIS 12:14

Li' nda ycui' Ndyosi sca latya lu'be ji'i̱ nu cuna'a̱ bi', ñi'ya̱ ña'a̱ lu'be sca cua'ya tlyu, cha' taca ji'i̱ ma' tyacui ma' tsaa ma' ca su tyanu tso'o ti ma' ne' quixi̱', su tyijyu' tsa ji'i̱ ca su ndya'a̱ cuaña bi'. Ca bi' ña'a̱si̱i̱ Ni ji'i̱ ma', ña'a̱ cuayá' nu tyu'u scua sna yija̱ cla'be.

APOCALIPSIS 12:4

Ngujui'i̱ xtyi'i̱ ni' cuii nu ntsu'u nde cua̱; ngusalú ni' ña'a̱ tsaca cla'be lcaa cuii bi', ndyalú cuii nde lo yuu chalyuu. Li' ndatu̱ nu cuaña bi' nde loo su ndu̱ nu cuna'a̱ nu cua cala ti sñi'; lo'o cala bi', hora ti cacu cuaña ji'i̱, ngua ti' ni'.

APOCALIPSIS 13:5

Cua ngujui chacuayá' ji'i̱ nu na'ni chiya'a̱ ña'a̱ bi', cha' chcui' cua ña'a̱ ca ti cha', masi lye tsa cua'ni tyucuaa ti' ni', masi chcui' cuxi ni' ji'i̱ ycui' Ndyosi. Tu'ba ntucua tucua co' ntsu'u chacuayá' ji'i̱ ni' cha' caca ni' loo nde chalyuu.

APOCALIPSIS 17:3

Li' ndyalo'o Xtyi'i ycui' Ndyosi 'na, ndyaa na' lo'o sca xca̱ ji'i̱ ycui' Ni ca ne' quixi̱' su ná ndi'i̱ ñati̱. Ca bi' na'a̱ na' su ntucua sca nu cuna'a̱ hichu̱' sca na'ni nga'a, nu chiya'a̱ tsa ña'a̱; hichu̱' ni' nscua quiña'a̱ tsa cha' cuxi, nu ti'í tsa nchcui' ji'i̱ ycui' Ndyosi. Ntucua cati tya'a hique ni', cuati ntucua tii tya'a sata ni'.