APOCALIPSIS 12:5 - Chatino Tataltepec

⁵ Ngula sca sñi' qui'yu ji'i̱ nu cuna'a̱ bi' li'. Cua lijya̱ bi' chalyuu, cha' liñi ti culo bi' cña ji'i̱ lcaa ñati̱ chalyuu; pana hora ti ngüi'ya ycui' Ndyosi ji'i̱ sñi' nu cuna'a̱ bi', ndyalo'o Ni ji'i̱ yu nde su tlyu su ntucua ycui' Ni.

APOCALIPSIS 12:5 Iomraidhean Croise

SAN MATEO 1:25

pana ná ngujua' yu lo'o ña'a̱ cuayá' nu cua ngula sñi'. Lo'o cua ngula cubi', li' ngua naa Jesús.

SAN MARCOS 16:19

Lo'o ndye nchcui' Jesús nu Xu'na na, li' ngua'ni ycui' Ndyosi cha' ndu'u yu ndyaa yu nde cua̱; ndyaa tucua Jesús la'a tsu' cui̱ ji'i̱ ycui' Ndyosi ca bi'.

2 CORINTIOS 12:2

Sca ñati̱ nu cua ngusñi cha' ji'i̱ Cristo laca na'; nu juani cua ntsu'u tii jlyacua yija̱ tya lo'o ngua ti' na' cha' ya̱a̱ ycui' Ndyosi ya̱qui'ya Ni 'na, cha' li' ndya'a̱a̱ ca chaca chalyuu nde cua̱ la, ca su ntucua ycui' Ndyosi. Nga'aa jlo ti' na' si chañi cha' ndya'a̱ na' ca ndacua, si laja xcalá ti na' ngulu'uloo ti cha' bi' 'na; sca ti ycui' Ndyosi jlo ti'.

2 CORINTIOS 12:4

Ca bi' cua ndyuna na' quiña'a̱ tsa cha'; cua ntsu'u tsa cha' nu ná nchca chcui' na' ji'i̱, jua'a̱ ná caja ñi'ya̱ chcui' ñati̱ chalyuu ji'i̱ cha' bi' tsiya' ti.

APOCALIPSIS 11:12

Li' ndyuna tyucuaa ñati̱ bi' lo'o ngusi'ya ycui' Ndyosi ji'i̱ ngu' ca su ntucua Ni nde cua̱: ―Tyacuí̱ clya ma̱ ca nde cua̱ re ―nacui̱ Ni. Laja lo'o ña'a̱ tya'a cusu̱u̱ ngu' ji'i̱ ngu', li' ngutu'u ngu' ndyaa ngu' nde cua̱; laja coo ti ndyaa ngu'.

APOCALIPSIS 12:13

Nu lo'o ngua cuayá' ti' nu cuaña tonu bi' cha' cua ngulo'o ycui' Ndyosi ji'i̱ lijya̱ nde lo yuu chalyuu, li' ngutu'u lca'a̱ ni' ji'i̱ nu cuna'a̱ nu ntsu'u sñi' qui'yu bi', cha' lye tsa cua'ni lya' ti' ji'i̱ ma' ngua ti' ni'.

APOCALIPSIS 12:2

Cua ntsu'u sñi' nu cuna'a̱ bi'; nchcube' tsa nu cuna'a̱, ngusi'ya tsa cha' cua ngulala ti cala sñi'.

APOCALIPSIS 19:15

Liñi tsa cha' nu ndyu'u tu'ba Ni lo'o nda Ni cha' lo'o ñati̱ chalyuu. Lo'o jua'a̱ tatsaa Ni ji'i̱ ñati̱ tyucui ña'a̱ chalyuu cha' taquiya' ngu' cha' ji'i̱ Ni. Lye tsa culo Ni cña ji'i̱ ngu', jua'a̱ xcube' Ni ji'i̱ ñati̱ cuxi; ñi'ya̱ laca lo'o satá ngu' si'yu losu' tyixi ne' sca pilya quee nu tlyu xi cha' tyu'u hitya si'yu bi', la cui' jua'a̱ xcube' Ni ji'i̱ ñati̱ bi', xqui'ya cha' ñasi̱' tsa ycui' Ndyosi ji'i̱ ngu', ycui' Ni nu nchca ji'i̱ ndu'ni Ni lcaa lo cña.