APOCALIPSIS 11:10 - Chatino Tataltepec

¹⁰ Chaa tsa ti' caca ñati̱ chalyuu cha' cua ngujuii tyucuaa ñati̱ nu ngutu̱ bi', bi' cha' cua'ni ngu' ta'a; lu'ba ti ta ngu' xlya'be tyaa su ndi'i̱ tya'a ngu', cha' chaa tsa ti' ngu'. Xqui'ya tyucuaa jyo'o bi' quiña'a̱ tsa cha' nchcube' ngujui ji'i̱ ñati̱ chalyuu, nacui̱ ngu'.

APOCALIPSIS 11:10 Iomraidhean Croise

SAN MATEO 10:22

Lo'o jua'a̱ caca ti'í ti' lcaa ngu' ña'a̱ ngu' ji'i̱ ma̱ xqui'ya na'. Pana ñati̱ nu talo ji'i̱ lcaa cha' cuxi bi', clyaá ngu' li', caja chalyuu nu ná nga'a̱ cha' tye ji'i̱ ngu' bi'.

SAN JUAN 16:20

Liñi tsa cha' nu ta na' lo'o ma̱ juani ―nacui̱ Jesús ji'i̱ ngu' bi' li'―, cha' chañi xi'ya ma̱, chañi cunaa ma̱ nu lo'o cua ndya'a na', masi chaa ti' xa' la ñati̱ chalyuu. Pana ná cube tsa ti' ma̱, masi xñi'i̱ ti' ma̱; caca chaa ti' ma̱ lo'o tyu'ú na' chaca quiya' li'.

SAN JUAN 7:7

cha' ná liye' ti' ngu' ña'a̱ ngu' ji'i̱ ma̱; pana liye' tsa ti' ngu' ña'a̱ ngu' 'na, cha' nchcui' liñi na' lo'o ngu' cuentya ji'i̱ cha' cuxi nu ndu'ni ngu' ―nacui̱―.

LOS HECHOS 5:33

Lye tsa ngunasi̱' ngu' cusu' li', lo'o ndyuna ngu' cha' nu nchcui' Pedro lo'o ngu'; nti' tsa ngu' cujuii ngu' ji'i̱ ngu' nu ngua tsa'a̱ ji'i̱ Jesucristo bi' li'.

1 CORINTIOS 13:6

La cui' jua'a̱ si'i na chaa ti' na lo'o ndyacua sca qui'ya ji'i̱ ngu', tso'o la nti' na si xñi ngu' bi' sca cha' liñi.

APOCALIPSIS 12:13

Nu lo'o ngua cuayá' ti' nu cuaña tonu bi' cha' cua ngulo'o ycui' Ndyosi ji'i̱ lijya̱ nde lo yuu chalyuu, li' ngutu'u lca'a̱ ni' ji'i̱ nu cuna'a̱ nu ntsu'u sñi' qui'yu bi', cha' lye tsa cua'ni lya' ti' ji'i̱ ma' ngua ti' ni'.

APOCALIPSIS 13:14

Lo'o jua'a̱ nguñilo'o ni' ji'i̱ lcaa ñati̱ tyucui ña'a̱ chalyuu xqui'ya cha' tlyu nu ndyu'ni ni' lo'o ndi'i̱ ni' slo nu na'ni nu ya̱a̱ tya clyo bi'. Li' nchcui' ni' lo'o lcaa ñati̱ chalyuu cha' cuiñá ngu' sca lcui̱ tyu̱, cha' cua'ni tlyu ngu' ji'i̱ lcui̱ bi'; ngüiñá ngu' lcui̱ ji'i̱ nu na'ni nu ya̱a̱ tya clyo bi' li', na'ni nu ngua tso'o masi ti'í tsa ngula'a hique ni'.

APOCALIPSIS 13:8

lcaa ñati̱ tyucui ña'a̱ chalyuu cua'ni tlyu ngu' ji'i̱ na'ni bi' li', si ná nscua xtañi ngu' lo quityi ji'i̱ ycui' Ndyosi. Nu ngua tya clyo la lo'o tya lyiji cuiñá Ni chalyuu, tya li' nguscua Ni xtañi ñati̱ nu ná nga'a̱ cha' tye chalyuu ji'i̱. Cua ndyanu quityi bi' cuentya ji'i̱ nu ñi'ya̱ ña'a̱ xlya' nu cua ndyujuii ñati̱ ji'i̱ tsaca quiya'.

APOCALIPSIS 16:10

Lo'o li' ndyaa xca̱ nu nchca ca'yu, ndyaa ngusalú na nu ntsu'u ne' ca'ña ji'i̱ nde loo su ntucua tlyu na'ni nu chiya'a̱ ña'a̱ bi'; ngua talya yata tyucui ña'a̱ su laca ni' loo li'. Ti'í tsa nti' ñati̱ chalyuu, cua laca ñi'ya̱ si na cua nguliji ti' ngu'.

APOCALIPSIS 3:10

Cua ndyi'u ti' ma̱ cha' nu nacui̱ na' ji'i̱ ma̱ tsubi', cha' talo tyiquee ma̱ cha' tu̱ ti' ma̱ 'na ni tsa̱ tya̱a̱ na' chaca quiya'; bi' cha' juani cua'ni na' cha' ná sca caca ji'i̱ ma̱ lo'o tyalaa tyempo cuxi nde chalyuu. Cua lijya̱ caca cha' cuxi bi', nu cua'ni cuayá' ji'i̱ lcaa ñati̱ chalyuu.