APOCALIPSIS 1:2 - Chatino Tataltepec

² Nde nscua na' lcaa cha' nu cua na'a̱ ycui' na'; jua'a̱ nchcui' liñi na' lo'o ñati̱ ji'i̱ Ni lcaa cha' nu cua nda ycui' Ndyosi lo'o ngu', la cui' cha' tso'o nu nchcui' tsa Jesús ji'i̱ lo'o ñati̱.

APOCALIPSIS 1:2 Iomraidhean Croise

SAN JUAN 1:32

Chaca quiya' tso'o tsa nchcui' Juan cha' ji'i̱ Jesús lo'o ngu': ―Cua na'a̱ na' lo'o ngutu'u Xtyi'i ycui' Ndyosi nde cua̱ ya̱a̱ ngua'ya lo Jesús ñi'ya̱ nda'ya sca paloma ―nacui̱―.

SAN JUAN 12:17

Jua'a̱ ngua li'. Nu ñati̱ nu nguti'i̱ slo Jesús nu lo'o ngusi'ya Jesús ji'i̱ jyo'o Lázaro ca tyuquee su nguatsi' cha' tyu'ú Lázaro chaca quiya', nda ngu' cha' lo'o ngu' quichi̱ ñi'ya̱ nu ngua cha' bi';

SAN JUAN 19:35

Lo'o na' nu nscua̱ quityi re, Juan laca na', na'a̱ na' cha' jua'a̱ ña'a̱ ngua cha' bi'. Chañi cha' jlo ti' na', bi' cha' nchcui' na' cha' liñi lo'o cu'ma̱, cha' lo'o ma̱ taca jlya ti' ma̱ cha' bi'.

SAN JUAN 21:24

Lo'o na' laca̱ nu qui'yu nu ngua tsa'a̱ ji'i̱ Jesús bi'. Na' nguscua̱ cha' re lo quityi, lo'o jlo ti' na' cha' liñi tsa nchcui' na' lo'o ma̱. Jlo ti' na' cha' liñi laca lcaa cha' nu nscua na' re.

SAN JUAN 3:11

Liñi tsa cha' nu nda na' lo'o nu'u̱. Nu cuare, liñi nchcui' ya ji'i̱ sca cha' nu cua jlo ti' ya, sca cha' nu cua na'a̱ ya, pana ná ntucuá ma̱ tsiya' ti cha' nu nchcui' ya ―nacui̱ yu―.

LOS HECHOS 22:15

“Ntsu'u cha' tsaa nu'u̱ slo lcaa ñati̱ cha' cacha' nu'u̱ ji'i̱ ngu' lcaa ña'a̱ cha' nu cua na'a̱ nu'u̱, lcaa ña'a̱ cha' ji'i̱ ycui' Ndyosi nu cua ndyuna nu'u̱.

LOS HECHOS 26:16

“Tyatu̱ nu'u̱ juani. Cua ngulu'u loo na' jinu'u̱ juani cha' cua'ni nu'u̱ cña jna', cha' cacha' nu'u̱ ji'i̱ xa' ñati̱ cha' cua na'a̱ nu'u̱ jna' tsa̱ juani. Lo'o jua'a̱ ntsu'u cha' ta nu'u̱ cha' lo'o ngu', lcaa ña'a̱ cha' nu culu'u na' jinu'u̱ nde loo la.

LOS HECHOS 4:20

Tso'o la nti' ya cha' cua'ni ya cña nu ngulo ycui' Ndyosi ji'i̱ ya; bi' cha' ná tye chca cha' chcui' ya lo'o ñati̱, lcaa cha' nu cua na'a̱ ya ji'i̱ Jesús, lo'o lcaa cha' nu cua ndyuna ya, cha' nu nchcui' yu lo'o ya.

1 CORINTIOS 1:6

Jua'a̱ nchca cuayá' ti' xa' ñati̱ cha' liñi laca cha' nu ngusñi ma̱ ji'i̱ Jesús, cha' cua na'a̱ ngu' lcaa cña nu ndu'ni ma̱ su ndi'i̱ ma̱ chalyuu.

1 CORINTIOS 2:1

Cu'ma̱ tya'a ngusñi na cha' ji'i̱ Cristo, tyi'u ti' ma̱ ñi'ya̱ ngua'ni na' tya clyo, lo'o ndyalaa na' su ndi'i̱ ma̱ cha' chcui' na' lo'o ma̱ cha' tso'o nu cua nda ycui' Ndyosi lo'o na, cha' ji'i̱ Jesucristo bi'; ná quiña'a̱ tsa cha' tucui nchcui' na' lo'o cu'ma̱ li', si'i cha' nchca tsa na' nchcui' na' lo'o cu'ma̱ li'.

1 JUAN 1:1

Cua laca ntucua Jesús lo'o ycui' Ndyosi Sti yu nu lo'o nguxana chalyuu tya clyo; la cui' yu laca nu nchcui' ya ji'i̱, nu lo'o nscua ya tilaca laca Jesucristo. Cua jlo tso'o ti' ya cha' bi', cha' cua na'a̱ tso'o ya ji'i̱ yu lo'o cloo ya, cha' stu'ba ti nguta'a̱ ya lo'o yu; cua ndyuloo ya ji'i̱ yu lo'o cua ngua'ni ca'a̱ ya' ya ji'i̱ ycui' yu. Cua nchcui' ya lo'o cu'ma̱ cha' Jesucristo laca nu nda chaca chalyuu cucui ji'i̱ ñati̱.

1 JUAN 4:14

Cua na'a̱ ycui' ya ji'i̱ Jesús. Chañi laca cha' nu nchcui' ya lo'o ma̱ juani, cha' cua nda ycui' Ndyosi Sti Jesús chacuayá' ji'i̱ Sñi' ycui' ca Ni cha' cua'ni lyaá ji'i̱ cua ña'a̱ ca ñati̱ ji'i̱ nu cuxi.

3 JUAN 1:12

Tso'o tsa nchcui' lcaa ñati̱ ji'i̱ Demetrio; masi ycui' ca na, lo'o ña'a̱ na ji'i̱ yu nchca cuayá' ti' na cha' tso'o tsa ndyu'ni yu lo'o lcaa ñati̱. Jua'a̱ cuare, nchcui' ya lo'o ma̱ juani cha' chañi tsa cha' nu nchcui' ngu' ji'i̱ yu cha' tso'o tsa tyiquee yu. Cua jlo tso'o ti' ma̱ cha' nchcui' ya cha' liñi lo'o ma̱.

APOCALIPSIS 1:11

Ndi'ya̱ nchcui' nu bi' lo'o na': ―Ñi'ya̱ nti' letra A, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na' ―nacui̱ nu nchcui' bi'―. Scua clya nu'u̱ lcaa cha' nu cacha' na' jinu'u̱ juani; lcaa cha' nu ña'a̱ nu'u̱ juani, scua clya nu'u̱ ji'i̱ lo quityi. Li' ta nu'u̱ quityi re cha' tsaa slo nu cati tya'a taju ñati̱ nu ntsu'u cha' ji'i̱ lo'o Jesucristo ca quichi̱ tyi ngu', ca loyuu su cuentya Asia nu ñacui̱ na' re: quichi̱ Efeso, jua'a̱ quichi̱ Esmirna, jua'a̱ quichi̱ Pérgamo, jua'a̱ quichi̱ Tiatira, jua'a̱ quichi̱ Sardis, jua'a̱ quichi̱ Filadelfia, jua'a̱ quichi̱ Laodicea.

APOCALIPSIS 1:19

Scua nu'u̱ cha' nu ndyaca re juani, cha' nu ña'a̱ nu'u̱ ca nde, jua'a̱ cha' nu caca nde chalyuu tyempo nde loo la, cha' tsaa quityi slo taju ñati̱ 'na nde quichi̱ tyi ngu' bi'.

APOCALIPSIS 1:9

Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na.

APOCALIPSIS 12:11

Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús.

APOCALIPSIS 12:17

Ngunasi̱' tsa nu cuaña bi' ji'i̱ nu cuna'a̱ bi' li', ndyaa ndyaana ni' cha' cusu̱u̱ lo'o lcaa ñati̱ nu tyu'u ji'i̱ nu cuna'a̱ ca tiya' la; nxu̱u̱ tya'a ni' lo'o lcaa ñati̱ nu taquiya' ji'i̱ cña nu ngulo ycui' Ndyosi ji'na, nu ña'a̱ ti ná ntsi̱i̱ ngu' cha' cacha' liñi ngu' cha' ji'i̱ Jesús ji'i̱ xa' ñati̱.

APOCALIPSIS 20:4

Lo'o li' na'a̱ na' su ntucua tyu̱u̱ tya'a yaca xlya tlyu. Ndyuloo na' ji'i̱ ngu' nu ntucua lo yaca xlya bi', cha' laca ngu' nu ntsu'u chacuayá' ji'i̱ cua'ni cuayá' ji'i̱ ñati̱ chalyuu. Laja ngu' nu ntucua bi' na'a̱ na' ji'i̱ ñati̱ chalyuu nu cua ndyujuii tya'a ñati̱ ji'i̱, xqui'ya cha' ná ntsi̱i̱ ngu' cacha' liñi ngu' cha' tso'o ji'i̱ tya'a ñati̱, cha' nu cua nda Jesús lo'o na cuentya ji'i̱ ycui' Ndyosi Sti yu. Ná ngua'ni tlyu jyo'o bi' ji'i̱ na'ni chiya'a̱ ña'a̱ bi', la cui' ti ná ngua'ni tlyu ngu' ji'i̱ lcui̱ ji'i̱ na'ni bi', jua'a̱ ná ngua'a̱ cuayá' na'ni bi' nde tyaca̱a̱ ngu', nde chu̱' ya' ngu'; cua ndyu'ú ngu' bi' chaca quiya', lo'o juani laca ngu' cña lo'o Cristo ca su ntucua ycui' Ndyosi ña'a̱ cuayá' tyu'u scua sca mil yija̱.

APOCALIPSIS 22:21

Ña'a̱ ti cua'ni Jesús nu Xu'na na cha' tso'o lo'o lcaa cu'ma̱ lacua. Tsa lo cua ti cha' chcui' na.

APOCALIPSIS 6:9

Lo'o li' nu nchca ca'yu quiya' ngusuu nu ñi'ya̱ ña'a̱ xlya' bi' nguiña' nu nga'a̱ tu'ba quityi bi'. Li' na'a̱ na' sca mesa tlyu nde loo su ntucua ycui' Ndyosi, mesa bi' laca nu tyucua msta̱ lo. Nde ne' mesa bi' ntsiya tyu̱u̱ tya'a ngu' nu ngujuii; cua ndyujuii ñati̱ ji'i̱ ngu' bi' xqui'ya cha' nu nda ycui' Ndyosi lo'o ngu' bi', cha' ná ntsi̱i̱ ngu' bi' nchcui' ngu' cha' bi' lo'o tya'a ñati̱ ngu' li'.