Lo'o cu'ma̱ ngu' Capernaum ni, ¿ha tso'o tsa quichi̱ tyi ma̱ nti' ma̱? ¿Ha laca quichi̱ tyi ma̱ loo ji'i̱ xa' quichi̱ nti' ma̱? Pana nde loo la quiñu'u̱ tsiya' ti quichi̱ tyi ma̱, tyaa ycui' ma̱ ca bilyaa li'. Quiña'a̱ tsa cha' tlyu ngua'ni na' slo cu'ma̱, lo'o ná jlya ti' ma̱ 'na tsiya' ti. La cui' jua'a̱ nu ngua sa'ni, xña'a̱ tsa ngua ngu' quichi̱ Sodoma; pana ná na'a̱ jyo'o ngu' bi' cha' tlyu ñi'ya̱ nu cua na'a̱ cu'ma̱ ngu' Capernaum. Si cua na'a̱ ngu' cha' bi', cua ngua tyuju'u ti' ngu' ji'i̱ cha' cuxi nu ngua'ni ngu' li', cua ngulochu̱' ngu' ji'i̱ cha' cuxi bi'; tya nscua quichi̱ tyi ngu' bi' juani lacua.
APOCALIPSIS 1:18 - Chatino Tataltepec18 Ycui' Ni nu lu'ú ca laca na' ―nacui̱ Ni―. Cua ngujuii na' nu ngua li', pana xa' ndyu'ú na' chaca quiya', lo'o juani nga'aa tye cha' lu'ú na'. Na' nclyu̱ cña lo'o ndyijii ñati̱, jua'a̱ la cui' na' nclyu̱ cña macala su tyaa cresiya ji'i̱ ngu'. Faic an caibideil |
APOCALIPSIS 1:18
32 Iomraidhean Croise
Ta na' lcaa chacuayá' jna' jinu'u̱, cha' taca tyatí̱ ñati̱ 'na ca su laca ycui' Ndyosi loo. Nu lo'o ná cua'ni clyu ti' nu'u̱ ji'i̱ ñati̱ xqui'ya sca cha' cuxi nu ndyu'ni ñati̱ bi', la cui' jua'a̱ ná cua'ni clyu ti' ycui' Ndyosi Sti na' ji'i̱ ñati̱ bi' nde loo la; pana lo'o cua'ni clyu ti' nu'u̱ ji'i̱ ñati̱, la cui' jua'a̱ cua'ni clyu ti' Ni ji'i̱ ñati̱ bi'.
Li' nguxtyacui Jesús cha' lo'o nu cuna'a̱ bi': ―Na' laca̱ nu ndu'ni cha' tyu'ú ñati̱, na' laca̱ nu ndu'ni cha' chañi caca tso'o cresiya ji'i̱ ñati̱ ―nacui̱ Jesús―. Masi cajaa ngu', tya tyu'ú ngu' bi' chaca quiya', caja chalyuu cucui ji'i̱ ngu' si cua ngusñi ngu' cha' jna' ―nacui̱ Jesús ji'i̱ Marta―.
Chañi tsa cha' ndye juersa ji'i̱ Cristo nu lo'o ndyujuii ngu' ji'i̱, lo'o ngujui'i̱ ca'a̱ ngu' ji'i̱ lo crusi; pana tlyu tsa cña ngua'ni ycui' Ndyosi cuentya ji'i̱ yu, bi' cha' laca cha' ña'a̱ ti tya lu'ú yu juani. Ñi'ya̱ nti' Cristo, cha' ná nguxlyú cha' hichu̱' ñati̱ nu ndyujuii ji'i̱, la cui' jua'a̱ cuare, si'i na lye tsa nclyo ya cña ji'i̱ cu'ma̱ nquicha'; pana juani caca cuayá' ti' ma̱ cha' ña'a̱ ti tya lu'ú ya xi, cha' la cui' chacuayá' ji'i̱ ycui' Ndyosi ndya'a̱ lo'o ya lijya̱ ya, la cui' tya'a chacuayá' nu ntsu'u ji'i̱ Cristo.
Cuentya ji'i̱ cha' cusu' bi' laca na' ñi'ya̱ laca si cua ngujuii na', ñi'ya̱ laca si stu'ba ti nga'a̱ na' lo crusi lo'o Jesús; juani nga'aa si'i ycui' ca ti na' laca na' loo ne' cresiya 'na, cha' Cristo laca nu laca loo ne' cresiya 'na juani. Ndi'i̱ tso'o ti na' chalyuu juani sca ti xqui'ya cha' jlya ti' na' ji'i̱ cña nu cua ngua'ni ycui' Jesús, nu sca ti Sñi' ycui' Ndyosi; bi' laca nu ntsu'u tsa tyiquee ña'a̱ jna', bi' laca nu cua nda chacuayá' ji'i̱ ngu' cha' cujuii ngu' ji'i̱ ycui' yu cuentya jna'.
Lcaa xee lubii nu ntsu'u ca slo ycui' Ndyosi, cua ndyanu xee bi' lo Jesús Sñi' Ni lo'o ñaa Jesús nguti'i̱ yu chalyuu. Ñi'ya̱ nu laca ycui' Ndyosi, la cui' jua'a̱ laca nu Jesús bi'; liñi tsa nclyo Jesús cña ji'i̱ lcaa na nu ntsu'u chalyuu tsiya' ti, bi' cha' laca ndi'i̱ tso'o ti lcaa na bi'. Nu lo'o ndye ngua'ni Jesús cña nu ntsu'u ji'i̱ yu nde chalyuu, cha' ngüityi̱ yu yabe' nu ntsu'u ji'i̱ ñati̱, li' nguxtyu̱u̱ yu ndyaa yu ca slo ycui' Ndyosi Sti yu, ndyaa tucua yu nde la'a tsu' cui̱ su tlyu ca su ntucua ycui' Ni.
Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.
Cua nda ycui' Ndyosi cña ji'i̱ Jesús cha' caca Ni sti jo'ó, xqui'ya cha' ná ngua ji'i̱ ñati̱ chalyuu cujuii ngu' ji'i̱ yu sca ti quiya'; cua ndyu'ú Jesús chaca quiya' lo'o cua ngujuii yu. Juani ná nga'a̱ cha' tye chalyuu ji'i̱ Ni; bi' cha' laca Jesús sti jo'ó cuentya ji'na juani, si'i cha' cua'ni Ni lcaa cña nu ndyu'ni ngu' tya'a Leví nu laca ñati̱ chalyuu ti.
Li' nchcui' xca̱ bi': ―Chacuayá' ji'i̱ ycui' Ndyosi nu ná tye tsiya' ti yija̱ ji'i̱ Ni, bi' laca cha' nu nchcui' na' re ―nacui̱ xca̱ bi'―. Ycui' Ni laca nu ngüiñá lcaa na nu ntsu'u nde cua̱, jua'a̱ ngüiñá Ni lcaa na nu ntsu'u nde lo yuu chalyuu, jua'a̱ ngüiñá Ni lcaa na nu ntsu'u lo tyujo'o. Ndi'ya̱ nchcui' cha' nu nda Ni: Nga'aa tiya' tsa nacui̱ ycui' Ndyosi cha' ca̱a̱ Ni cha' cua'ni cuayá' Ni ji'i̱ ñati̱ chalyuu;
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Esmirna, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱, na' nu ntucua̱ lo'o nguxana lcaa cha', la cui' na' nu tya tyucua̱ lo'o tye lcaa cha': Chañi cha' ngujuii na', pana cua ndyu'ú na' chaca quiya'.
Li' chaca quiya' ndyu'ú ñati̱ nu cua ngujuii lo hitya tyujo'o, jua'a̱ chaca quiya' ndyu'ú ñati̱ nu ndyalo'o La Muerte ji'i̱, jua'a̱ chaca quiya' ndyu'u xa' la jyo'o ca su nga'a̱ cha' tsaa ngu' lo'o ndyijii ngu'; lcaa ngu' bi' ndu'u ngu' lijya̱ ngu'. Li' ngua cuayá' ji'i̱ lcaa ngu' cuentya ji'i̱ lcaa cña nu ngua'ni ngu' lo'o ya̱a̱ ngu' chalyuu.
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Filadelfia, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui̱' lo'o ma̱, na' nu laca̱ nu sca ti Sñi' ycui' Ndyosi: Xcui' lubii tsa cresiya 'na, xcui' cha' liñi ndu'ni na'. Juani laca na' loo ji'i̱ ñati̱ 'na ñi'ya̱ ngua jyo'o David loo ji'i̱ ngu' tya sa'ni la. Nu lo'o ta na' chacuayá' cha' cua'ni ñati̱ sca cña, ná tucui taca ji'i̱ tacu̱' cha' ji'i̱ ngu' bi' li'; nu lo'o tacu̱' na' cha' ji'i̱ ñati̱ cha' ná cua'ni ngu' sca cña, ná tucui taca ji'i̱ cua'ni cña bi' li'.
Li' na'a̱ na' cha' ndu̱ sca cuayu nu ngatsi ña'a̱. La Muerte naa nu ntucua hichu̱' cuayu bi', cha' bi' laca nu ndyaa ndyujuii ji'i̱ ñati̱; nde chu̱' bi' ngutu'u lca'a̱ tsa tlyu ti cresiya ji'i̱ ngu' jyo'o. Ntsu'u chacuayá' ji'i̱ yu bi', cha' cujuii yu ji'i̱ ña'a̱ tsaca yu'be ñati̱ nu ndi'i̱ chalyuu; lcaa ni'i̱ su ndi'i̱ jacua tya'a ñati̱ ni, cujuii yu ji'i̱ tsaca tya'a ngu' li', masi lo'o caca cha' cusu̱u̱ ji'i̱ ngu', masi lo'o caca jbi'ña ji'i̱ ngu', masi lo'o quicha ngu', masi lo'o cua'ni xña'a̱ na'ni tyaala lo'o ngu'.
Sanasan