Lidia naa sca nu cuna'a̱ bi'; ngu' Tiatira laca, lo'o cña ji'i̱ laca cha' ndujui' late' nde quichi̱ Filipos bi', sca lo late' nu cuaa ña'a̱, nu tso'o xi ña'a̱. Ndu'ni tlyu ma' cusu' bi' ji'i̱ ycui' Ndyosi, cha' tso'o ndyuna ma' cha' ji'i̱ ycui' Ndyosi nu Xu'na na; jua'a̱ nguxtyucua Ni ji'i̱ ma' cha' cui'ya tso'o cuentya ñi'ya̱ nu ndyu'u cha' nu ngulu'u Pablo ji'i̱ ngu'.
APOCALIPSIS 1:11 - Chatino Tataltepec11 Ndi'ya̱ nchcui' nu bi' lo'o na': ―Ñi'ya̱ nti' letra A, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na' ―nacui̱ nu nchcui' bi'―. Scua clya nu'u̱ lcaa cha' nu cacha' na' jinu'u̱ juani; lcaa cha' nu ña'a̱ nu'u̱ juani, scua clya nu'u̱ ji'i̱ lo quityi. Li' ta nu'u̱ quityi re cha' tsaa slo nu cati tya'a taju ñati̱ nu ntsu'u cha' ji'i̱ lo'o Jesucristo ca quichi̱ tyi ngu', ca loyuu su cuentya Asia nu ñacui̱ na' re: quichi̱ Efeso, jua'a̱ quichi̱ Esmirna, jua'a̱ quichi̱ Pérgamo, jua'a̱ quichi̱ Tiatira, jua'a̱ quichi̱ Sardis, jua'a̱ quichi̱ Filadelfia, jua'a̱ quichi̱ Laodicea. Faic an caibideil |
APOCALIPSIS 1:11
37 Iomraidhean Croise
Lo'o nguta'a̱ na' ca quichi̱ Efeso, lye tsa ngua'ni lya' ti' ngu' quichi̱ bi' 'na; tyaala tsa ngua'ni ngu' 'na, hasta ngusu̱u̱ tya'a ngu' lo'o na' ñi'ya̱ ndu'ni na'ni tyaala. ¿Ni cha' laca ndya'a̱ na' cajua si ná jlo ti' na' cha' cua ndyu'ú Jesús chaca quiya'? Si'i ngana ndya'a̱ na' cajua. Ntsu'u ñati̱ nu nchcui' ndi'ya̱: “Cacu na tyaja, co'o na lcui, cha' la quee ti cajaa na”, ndu'ni ngu' lo'o na. Jua'a̱ cua'ni na' si ná jlo ti' na' cha' lu'ú Jesús.
Pablo laca na' nu nscua na' quityi re. Ngulo ycui' Ndyosi cña 'na, bi' cha' ndya'a̱ na' nchcui' na' cha' ji'i̱ Jesucristo lo'o ngu' xa' quichi̱ tyijyu' la. Lo'o nu juani nscua na' quityi re cha' ca̱a̱ ca slo cu'ma̱ ngu' Efeso, cha' laca ma̱ ñati̱ ji'i̱ ycui' Ndyosi, cha' tso'o tsa ngusñi ma̱ cha' ji'i̱ Jesucristo.
Lo'o cua tsa'a ti na' ca Macedonia, li' cua nchcui' na' lo'o nu'u̱ cha' tyanu nu'u̱ nde quichi̱ Efeso; chaca quiya' chcui' na' lo'o nu'u̱ juani, cha' tyanu nu'u̱ ca quichi̱ bi'. Ntsu'u ngu' quichi̱ Efeso nu nclu'u xa' lo cha' ji'i̱ ngu' tya'a na; nga'a̱ cha' culo nu'u̱ cña ji'i̱ ngu' bi', cha' nga'aa culu'u tsa ngu' xa' la cha' ji'i̱ tya'a ngu'.
Lo'o cua na'a̱ na' ji'i̱ Ni, tsiya' ca nclyú na' nde quiya' Ni; cua culiji ti ti' na' ngua, xqui'ya cha' ndyutsi̱i̱ tsa na'. Li' ya' tsu' cui̱ Ni ngusta Ni hichu̱' na', ndi'ya̱ nchcui' Ni lo'o na': ―Ná cutsi̱i̱ nu'u̱ ―nacui̱ Ni―. Na' ntucua̱ lo'o nguxana chalyuu, lo'o jua'a̱ la cui' na' tyucua̱ lo'o tye chalyuu.
Ndi'ya̱ ndyu'u cha' nu na'a̱ nu'u̱ tsa̱, cha' ji'i̱ nu cati tya'a cuii nu ntsu'u nde cua̱ nu na'a̱ nu'u̱ cha' ndacui ya' na' la'a tsu' cui̱, jua'a̱ nu cati tya'a candyeru oro bi', cha' ná ngua cuayá' ti' nu'u̱ nquicha': nu cati tya'a cuii bi', bi' laca nu cati tya'a ñati̱ nu ndu̱ cuentya ji'i̱ ycui' Ndyosi cha' chcui' ngu' lo'o nu cati tya'a taju ñati̱ ji'i̱ Jesucristo, sca taju ñati̱ bi' scaa quichi̱; lo'o jua'a̱ nu cati tya'a candyeru oro, bi' laca nu cati tya'a taju ñati̱ bi'.
Juan laca na' nu nda̱ quityi re tsaa nde cati tya'a quichi̱ loyuu su cuentya Asia, ca su ndi'i̱ taju ñati̱ nu ngusñi cha' ji'i̱ Jesucristo. Nda na' xlyo ni'i̱ ji'i̱ ma̱ chacuayá' ji'i̱ ycui' Ndyosi Sti na, jua'a̱ chacuayá' ji'i̱ Xtyi'i ycui' Ndyosi, jua'a̱ chacuayá' ji'i̱ Jesucristo. Cua nti' na' cha' ña'a̱ ti cua'ni ycui' Ndyosi cha' tso'o lo'o ma̱, ña'a̱ ti cua'ni Ni cha' ti̱ ti tyi'i̱ tyiquee ma̱. Nu ngua tya clyo lu'ú ycui' Ndyosi, na lu'ú Ni juani, lo'o ña'a̱ ti tya lu'ú Ni tyempo nde loo la. Ntucua Xtyi'i ycui' Ni nde loo su tlyu su ntucua ycui' Ni, la cui' cati tya'a cui'i̱ lubii nu nda Xtyi'i Ni laca bi'.
Li' ndañi xtyi'i ca su ntucua ycui' Ndyosi, nchcui' sca ñati̱ lo'o na': ―Scua clya nu'u̱ cha' re: “Tso'o tsa caca tyiquee ñati̱ nu ndyijii laja lo'o ndyu'ni ngu' cña ji'i̱ ycui' Ndyosi nu Xu'na na tyempo nde loo la”. La cui' jua'a̱ laca cha' nu nda Xtyi'i ycui' Ndyosi lo'o ma̱. Nacui̱ cha' ca bi' tyi'i̱ cña' ñati̱ bi' li', cha' tso'o tsa cña nu ngua'ni ngu' lo'o ya̱a̱ ngu' chalyuu; ndiya ti' Ni cña nu ngua'ni ngu', bi' cha' tyi'u ti' ycui' Ndyosi ji'i̱ cña nu cua ngua'ni ngu' bi' li' ―nacui̱ Ni jna'.
Nchcui' nu xca̱ ji'i̱ ycui' Ndyosi bi' lo'o na' li': ―Scua clya nu'u̱ cha' re lo quityi ―nacui̱―: “Tso'o ntsu'u tyiquee ñati̱ nu nguane na' ji'i̱ cha' tsaa su caja clyo'o lo'o yu nu ngujuii lo crusi cuentya ji'i̱ ngu'”, nacui̱ Ni. La cui' cha' liñi nu nda ycui' Ndyosi lo'o ñati̱ laca cha' bi' ―nacui̱ xca̱ bi' jna'.
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Tiatira, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui̱' lo'o ma̱, na' nu laca̱ nu sca ti Sñi' ycui' Ndyosi, na' nu ngulane tsa xee cloo na' ñi'ya̱ laca lo'o lye tsa ndyatu̱ quii' su talya ña'a̱, na' nu ndubi tsa ña'a̱ quiya' na' ñi'ya̱ laca sca chcua̱ ngatsi nu scui chu̱'.
Juani chcui' na' xi lo'o cu'ma̱ tya'a ngusñi ma̱ cha' jna', nu ndyanu ma̱ nde Tiatira, cu'ma̱ nu ná ngusñi ma̱ cha' cuxi nu nclyu'u nu cuna'a̱ cuxi bi': ná jlo ti' ma̱ cua'ni ma̱ cha' cuxi nu nacui̱ ngu' bi' cha' sca cha' nu tucui tsa nu ntsu'u ji'i̱ Satanás laca, lo'o jua'a̱ laca cha' cuxi bi'. Tso'o ndu'ni ma̱ lacua. Ná ta na' xa' cña nu cua'ni ma̱, nacui̱ Ni,
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Esmirna, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱, na' nu ntucua̱ lo'o nguxana lcaa cha', la cui' na' nu tya tyucua̱ lo'o tye lcaa cha': Chañi cha' ngujuii na', pana cua ndyu'ú na' chaca quiya'.
Xa' nchcui' Jesús li': ―Cua nda na' xca̱ 'na cha' ca̱a̱ ca su ndi'i̱ taju ñati̱ cu'ma̱ macala laca su ntsu'u quichi̱ tyi ma̱. Na' laca̱ nu tya'a ñati̱ ji'i̱ jyo'o David, nu ñati̱ tlyu nu cua ya̱a̱ chalyuu nu ngua sa'ni. Ñi'ya̱ laca xee nu nda cuii tlyu nu ntyucua nde cuxee, jua'a̱ laca xee nu ta na' cha' tyu'u ne' cresiya ji'i̱ ñati̱ ―nacui̱ Jesús.
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Sardis, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱: Ndi'i̱ Xtyi'i ycui' Ndyosi lo'o na', bi' laca cati tya'a cui'i̱ lubii nu nda Ni ndyaa tyucui ña'a̱ chalyuu. La cui' jua'a̱ ya' na' ndacui nu cati tya'a cuii ndubi bi'. Cua nda na' cuentya ji'i̱ lcaa ña'a̱ nu ndu'ni ma̱, nacui̱ Ni. Jlo ti' na' cha' ngunu'u̱ cresiya ji'i̱ ma̱, masi nacui̱ ngu' quichi̱ cha' lubii tsa ndu'ni ma̱, nacui̱ Ni.
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Laodicea, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱: Chañi cha' ndyu'u tucua cha', lcaa cha' nu nda na' lo'o ñati̱; liñi tsa nchcui' na' cha' ji'i̱ ycui' Ndyosi Sti na' lo'o ñati̱, cha' tyucui tyiquee na' ndu'ni na' cña ji'i̱ ycui' Ni. Nu lo'o nguxana ndya' lcaa na nu ntsu'u chalyuu, stu'ba ti ndu̱ na' lo'o ycui' Ni nu ngua li', nacui̱ Jesús.
Masi jua'a̱ jlo ti' na' cha' tya ntsu'u xi ñati̱ nu tso'o tsa ngusñi cha' jna' nde Sardis bi', nu lubii cresiya ji'i̱ ngu'. Nu xa' la ngu' tya'a ndyu'u ti'i̱ ma̱ ni, cua ngui'i̱ tsa ngu' ndyu'ni ngu' cha' cuxi; pana ngati̱ tsa late' caja ji'i̱ ñati̱ nu tya nxñi cha' jna', tya'a̱ ngu' bi' lo'o na', nacui̱ Ni. Ndacui cha' caca jua'a̱ ji'i̱ ngu' bi',
’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Filadelfia, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui̱' lo'o ma̱, na' nu laca̱ nu sca ti Sñi' ycui' Ndyosi: Xcui' lubii tsa cresiya 'na, xcui' cha' liñi ndu'ni na'. Juani laca na' loo ji'i̱ ñati̱ 'na ñi'ya̱ ngua jyo'o David loo ji'i̱ ngu' tya sa'ni la. Nu lo'o ta na' chacuayá' cha' cua'ni ñati̱ sca cña, ná tucui taca ji'i̱ tacu̱' cha' ji'i̱ ngu' bi' li'; nu lo'o tacu̱' na' cha' ji'i̱ ñati̱ cha' ná cua'ni ngu' sca cña, ná tucui taca ji'i̱ cua'ni cña bi' li'.
Sanasan