APOCALIPSIS 1:10 - Chatino Tataltepec

¹⁰ Tsa̱ clyo ji'i̱ semana ngua, tsa̱ ji'i̱ ycui' nu Xu'na na, li' tyucui ña'a̱ na' ngua tii na' cha' ngua'ya Xtyi'i ycui' Ndyosi lo na' tsiya' ti; nga'aa ngua cua'ni na' xa' la cha'. Li' ndyuna na' cha' nchcui' tsaca ñati̱ nde chu̱' su ndu̱ na'; cui̱i̱ ngusi'ya bi' lo'o nchcui', ñi'ya̱ ndañi nclya'á ngu' sca cui'chcua̱.

APOCALIPSIS 1:10 Iomraidhean Croise

SAN MATEO 22:43

Li' nchcuane Jesús ji'i̱ ngu' bi' chaca quiya': ―¿Ñi'ya̱ ndyu'u ta cha' re nti' cu'ma̱, cha' cua nchcui' jyo'o David cha' Xu'na yu laca nu Cristo bi'? Cua ngulu'u Xtyi'i ycui' Ndyosi cha' bi' ji'i̱ David, bi' cha' nchcui' yu ndi'ya̱:

SAN JUAN 20:19

La cui' talya tsa̱ clyo ji'i̱ semana bi', cua nga'a̱ ya' ni'i̱ su ndyu'u ti'i̱ ngu' nu ngua tsa'a̱ ji'i̱ Jesús, cha' ntsi̱i̱ ngu' ji'i̱ ngu' judío. Li' ya̱a̱ Jesús, ndatu̱ slo ngu' bi'. ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu' bi'.

SAN JUAN 20:26

Li' cua ndu'u scua snu' tsa̱, ndyalaa ngu' nu ngua tsa'a̱ ji'i̱ Jesús toni'i̱ chaca quiya'; lo'o Tomás ndi'i̱ lo'o ngu' li'. Cua ndyacu̱' toni'i̱, li' ndyatí̱ Jesús ni'i̱ jua'a̱ ti, ndyatu̱ yu slo ngu' bi'. Li' nchcui' yu lo'o ngu': ―Ti̱ ti tyi'i̱ tyiquee ma̱.

LOS HECHOS 20:7

Lo'o ngua tsa̱ domingo, li' ndyu'u ti'i̱ ngu' nu ntsu'u cha' ji'i̱ lo'o Jesús cha' stu'ba ti cacu ngu' si̱i̱. Nclyu'u Pablo cha' ji'i̱ ycui' Ndyosi ji'i̱ ngu' li'; hasta ca cla'be talya nclyu'u yu ji'i̱ ngu', xqui'ya cha' chaca tsa̱ cua tyaa ti ya li'.

1 CORINTIOS 12:3

Bi' cha' nti' tsa na' cha' caca cuayá' ti' ma̱ cha' re. Si'i Xtyi'i ycui' Ndyosi ndu'ni cha' ñacui̱ ngu': “Cuiñaja laca nu Jesús bi'”. Ná taca ñacui̱ ngu' jua'a̱ xqui'ya Xtyi'i ycui' Ndyosi. Lo'o ñacui̱ ngu': “Xu'na na laca Jesús”, Xtyi'i ycui' Ndyosi laca nu ndu'ni cha' ñacui̱ ngu' jua'a̱ li'.

1 CORINTIOS 16:2

Tsa̱ clyo nu nxana sca semana, li' tso'o si lcaa ma̱ xñi ma̱ xi xcaya' ma̱, caya' nu cua ngujui ji'i̱ ma̱ semana nu ndye. Tyuco'o bi' li', lo'o li' ná ntsu'u cha' xti'i̱ ma̱ msta̱ bi' yala ntchaa ti nu lo'o tyalaa na'.

APOCALIPSIS 17:3

Li' ndyalo'o Xtyi'i ycui' Ndyosi 'na, ndyaa na' lo'o sca xca̱ ji'i̱ ycui' Ni ca ne' quixi̱' su ná ndi'i̱ ñati̱. Ca bi' na'a̱ na' su ntucua sca nu cuna'a̱ hichu̱' sca na'ni nga'a, nu chiya'a̱ tsa ña'a̱; hichu̱' ni' nscua quiña'a̱ tsa cha' cuxi, nu ti'í tsa nchcui' ji'i̱ ycui' Ndyosi. Ntucua cati tya'a hique ni', cuati ntucua tii tya'a sata ni'.

APOCALIPSIS 21:10

Li' ngua tii na' cha' ngua'ya Xtyi'i ycui' Ndyosi tyucui ña'a̱ loo na'. Ndyalo'o xca̱ bi' 'na ca lo sca ca'ya nu cua̱ tsa, ca lo xlya ca'ya tsiya' ti; ca bi' ngulu'u yu 'na ñi'ya̱ ña'a̱ quichi̱ Jerusalén cucui. Lubii tsa ña'a̱ quichi̱ bi', cha' nde su ntucua ycui' Ndyosi ngutu'u quichi̱ bi', ngua'ya nde lo yuu.