3 JUAN 1:9 - Chatino Tataltepec

⁹ Cua nscua na' sca quityi tya tsubi' la nu ndyaa ca su ndi'i̱ ña'a̱ taju ti ma̱ ñati̱ ji'i̱ Jesucristo, cu'ma̱ nu ndyu'u ti'i̱ ma̱ tsa tlyu ti ca bi'; pana ná ntaja'a̱ Diótrefes taquiya' ji'i̱ cha' nu nacui̱ na' ji'i̱ ma̱, cha' nti' yu bi' cha' xu'na ma̱ laca yu.

3 JUAN 1:9 Iomraidhean Croise

SAN MATEO 7:8

Cua ña'a̱ ca ñati̱ nu ndijña sca cha' ji'i̱ ycui' Ndyosi, caja cha' bi' ji'i̱ ngu' li'; cua ña'a̱ ca ñati̱ nu nclyana ji'i̱ ycui' Ni, quije Ni ji'i̱ ngu' li'; lo'o jua'a̱ cua ña'a̱ ca ñati̱ nu tyucui tyiquee nchcui' lo'o Ni, cuna Ni cha' nu nchcui' ngu' lo'o Ni li'.

SAN MARCOS 9:34

Ná ntaja'a̱ ngu' cacha' ngu' ji'i̱ yu ñi'ya̱ cha' nu cua nchcui' ngu' lo'o tya'a ngu' tyucui̱i̱, cha' ntyuju'u ti' ngu'. Tyempo bi' cua nda ngu' cha' lo'o tya'a ngu' si ndulo la cha' ji'i̱ tsaca tya'a ndya'a̱ ngu'.

SAN MARCOS 9:37

―Lo'o xtyucua ma̱ ji'i̱ sca ñati̱ ñi'ya̱ laca nu piti re xqui'ya na', la cui' jua'a̱ na nxtyucua ma̱ 'na laca ―nacui̱ Jesús―. Lo'o jua'a̱, lo'o ndu'ni ma̱ cña 'na, la cui' jua'a̱ ndu'ni ma̱ cña ji'i̱ ycui' Ni nu cua nda 'na lijya̱a̱ nde chalyuu ―nacui̱ Jesús.

SAN LUCAS 9:48

Li' nchcui' yu lo'o ngu' ndi'ya̱: ―Lo'o xtyucua ma̱ ji'i̱ cua ña'a̱ ca ñati̱ cuentya jna', masi ñati̱ ñi'ya̱ laca nu piti re, la cui' jua'a̱ na nxtyucua ma̱ jna' laca ―nacui̱ Jesús―. Jua'a̱ ngu' nu tucuá cña jna', lo'o cña ji'i̱ ycui' Ndyosi tucuá ngu' bi' li', cha' ycui' Ni laca nu nda jna' lijya̱a̱ ca slo cu'ma̱. La cui' nu piti la ji'i̱ tya'a ma̱, nu ná ndulo cha' ji'i̱ bi' nti' ma̱, bi' laca nu ndulo la cha' ji'i̱ cuentya jna', nti' na'.

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

COLOSENSES 1:18

Ycui' yu laca yu loo ji'i̱ lcaa taju ñati̱ nu ndyu'ni tlyu ji'i̱ ycui' Ndyosi tsa tlyu ti, ycui' laca nu nda chalyuu ji'i̱ ngu' bi'. Tya clyo la cua ndyu'ú ycui' yu chaca quiya' lo'o cua ngujuii yu, cha' li' taca ji'i̱ yu tyucua yu ca su laca yu loo ji'i̱ lcaa lo cha'.

2 JUAN 1:9

Lcaa ñati̱ nu tyatí̱ yu'u lo'o xa' la cha', ná ntsu'u cha' ji'i̱ ngu' bi' lo'o ycui' Ndyosi tsiya' ti, cha' ná cuayá' cha' ji'na lo'o jlya ti' na ji'i̱ Cristo, nti' ngu' bi'; pana lo'o cua ngusñi na cha' ji'i̱ Cristo ca ne' cresiya ji'na, li' stu'ba ntsu'u cha' ji'na lo'o ycui' Ndyosi, jua'a̱ lo'o ycui' nu sca ti Sñi' ycui' Ni.

3 JUAN 1:8

bi' cha' nu na ni, tya'a ngusñi na cha' ji'i̱ Cristo, nga'a̱ cha' xtyucua na ji'i̱ ngu' bi'. Lo'o jua'a̱ taca ca stu'ba cha' ji'na lo'o ngu' bi' lo'o sañi na cha' liñi nu cua nda Cristo lo'o na ca tyijyu' la.