3 JUAN 1:7 - Chatino Tataltepec

⁷ cña ji'i̱ Cristo ndya'a̱ ngu', bi' cha' ngutu'u ngu' bi' ndyaa ngu' tyijyu'. Ná ntaja'a̱ ngu' xñi ngu' ni sca centavo ji'i̱ xa' ñati̱ nu ná ndaquiya' ji'i̱ Cristo tsiya' ti, cha' xtyucua ji'i̱ ngu' tyucui̱i̱;

3 JUAN 1:7 Iomraidhean Croise

SAN JUAN 15:21

Jua'a̱ cua'ni ngu' lo'o cu'ma̱ xqui'ya na' ―nacui̱ Jesús―, cha' ná nslo ngu' tilaca laca nu nda 'na lijya̱a̱ nde chalyuu.

LOS HECHOS 20:33

Ná ngua ti' na' xñi na' cñi ji'i̱ ngu'; ni late' nu ta ngu' 'na, ná ntaja'a̱ na' xñi na' ji'i̱.

LOS HECHOS 20:35

Ngua'ni na' jua'a̱ cha' culu'u na' ji'i̱ ma̱ ñi'ya̱ nu cua'ni ma̱ lo'o ngu' nu ntsu'u tsa cha' nu lyiji ji'i̱. La cui' jua'a̱ ntsu'u cha' tyi'u ti' na ji'i̱ cha' nu cua nchcui' ycui' Jesús nu Xu'na na lo'o na ndi'ya̱: “Tso'o ntsu'u tyiquee ma̱ si ta ngu' sca cha' xlya'be ji'i̱ ma̱, pana tlyu la cha' tso'o laca si ta ma̱ sca cha' xlya'be ji'i̱ tya'a ñati̱ ma̱”, nacui̱ Jesús ji'na.

LOS HECHOS 5:41

Ndu'u ngu', chaa tsa ti' ngu' li', masi cua nchcube' ngu' nu laca loo bi' ji'i̱ ngu' xqui'ya cha' ngusñi ngu' cha' ji'i̱ Jesús.

LOS HECHOS 8:4

Lo'o nu ngu' nu ndyaa xa' quichi̱ bi' ni, nda ngu' cha' ji'i̱ Cristo nu Xu'na na lo'o ngu' lcaa quichi̱ ca su ndyaa ngu'.

LOS HECHOS 9:16

Culu'u na' ji'i̱ yu ñi'ya̱ cha' ti'í nu tyacua ji'i̱ yu lo'o ta yu cha' jna' lo'o ñati̱.

1 CORINTIOS 9:18

¿Ha ná caja xcaya' na' li'? Chañi cha' caja bi' 'na, pana xa' lo na laca bi' li'; laca cha' tso'o tsa ntsu'u tyiquee na' nu lo'o nchcui' na' cha' tso'o ji'i̱ Jesús lo'o ñati̱. Bi' cha' tso'o tsa nti' na', masi ná nda ngu' xcaya' na'. Ná nti' na' jña na' xcaya' na' ji'i̱ ma̱, masi ntsu'u chacuayá' cha' jña na' cha' bi' ji'i̱ ma̱, laja lo'o ndyu'ni na' cña ji'i̱ ycui' Ni.

2 CORINTIOS 12:13

Tsa bi' ti cha', ná ngüijña na' ji'i̱ cu'ma̱ cha' xtyucua ma̱ 'na, bi' cha' nti' ma̱ cha' chi̱i̱ nti' na' ña'a̱ na' ji'i̱ cu'ma̱; tso'o la ndu'ni na' lo'o ngu' xa' quichi̱, nti' ma̱. Tyu'u xi cha' clyu ti' ji'i̱ ma̱ lo'o na' lacua, cha' ná ndijña na' cha' bi' ji'i̱ cu'ma̱.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

FILIPENSES 2:9

Bi' cha' juani cua ndyaa lo'o Ni ji'i̱ yu cha' stu'ba ti tyi'i̱ yu ca su tlyu la ca su ntucua ycui' Ni; juani tlyu tsa chacuayá' cua nda Ni ji'i̱ Jesús. Tyucui ña'a̱ chalyuu nga'aa ntsu'u la xa' chacuayá' nu tlyu la,

COLOSENSES 1:24

Tso'o nti' na' masi cua ngujui xi cha' ti'í 'na cuentya ji'i̱ cu'ma̱; tso'o nti' na' cha' cuentya ji'i̱ ca ta'a taju ñati̱ nu ngusñi cha' ji'i̱ Cristo lcaa quichi̱, bi' cha' ndyacua cha' ti'í bi' 'na. Nchcube' tsa Cristo nde chalyuu xqui'ya na, cha' laca na ñati̱ ji'i̱ ycui' yu; jua'a̱ ndyacua cha' ti'í 'na, cha' cua lijya̱ caca stu'ba la cha' ji'na lo'o ycui' Cristo lo'o cha' ti'í nu ndyaca ji'na nde chalyuu cha' ngusñi na cha' ji'i̱ Cristo.

3 JUAN 1:8

bi' cha' nu na ni, tya'a ngusñi na cha' ji'i̱ Cristo, nga'a̱ cha' xtyucua na ji'i̱ ngu' bi'. Lo'o jua'a̱ taca ca stu'ba cha' ji'na lo'o ngu' bi' lo'o sañi na cha' liñi nu cua nda Cristo lo'o na ca tyijyu' la.

APOCALIPSIS 2:3

Lo'o jua'a̱ jlo ti' na' cha' ná nchca taja ti' ma̱; masi ndyiji tsa cha' ti'í ji'i̱ ma̱, ná ndya'a̱chu̱' ma̱ cha' jna'.