3 JUAN 1:6 - Chatino Tataltepec

⁶ Cua nchcui' ngu' bi' lo'o lcaa ngu' tya'a ntsu'u cha' ji'na lo'o Jesús nde quichi̱ re, ndacha' ngu' ji'i̱ ya ñi'ya̱ nu tso'o ntsu'u tyiquee ma̱ ña'a̱ ma̱ ji'i̱ ycui' ca ngu'. Lo'o jua'a̱ cua'ni ma̱ cha' tso'o tya xtyucua la ma̱ ji'i̱ ngu' bi' tyucui̱i̱ su tsaa ngu', cua'ni ma̱ ñi'ya̱ laca si na nxtyucua ma̱ ji'i̱ ycui' Ndyosi laca;

3 JUAN 1:6 Iomraidhean Croise

LOS HECHOS 15:29

Ná tso'o cacu ma̱ cuaña' na'ni nu laca msta̱, nu cua nda ngu' ji'i̱ jo'ó; ná tso'o cacu ma̱ tañi; ná tso'o cacu ma̱ na'ni nu ná ndye ndyalú tañi lo'o ndyujuii ngu' ji'i̱; la cui' ti cha' ná tso'o tsiya' ti si tyu'u cha' ji'i̱ ma̱ lo'o clyo'o xa' ñati̱. Si taquiya' ma̱ ji'i̱ lcaa cha' nu nscua re, tso'o ti tyi'i̱ ma̱ li'. Tsa lo cua ti cha' nscua ya.”

LOS HECHOS 15:3

Li' nchcui' salya' ngu' lo'o tya'a ngu', lcaa ngu' taju ñati̱ ji'i̱ Jesucristo quichi̱ Antioquía ngusalya' lo'o Pablo, lo'o Bernabé, lo'o tya'a ndya'a̱ ngu'. Li' ndu'u ngu' ndyaa ngu' tyucui̱i̱ nu tsaa nde Jerusalén. Nteje tacui ngu' loyuu su cuentya Fenicia, lo'o loyuu su cuentya Samaria, nchcui' ngu' lo'o lcaa taju ñati̱ ji'i̱ Jesucristo nu ndi'i̱ quichi̱ tyucui̱i̱ su nteje tacui ngu'. Ndacha' ngu' ñi'ya̱ nu ngua'ni ycui' Ndyosi, cha' nguxcutsa'a̱ Ni cresiya ji'i̱ ngu' xa' tsu', cha' juani cua ngusñi ngu' xa' tsu' cha' ji'i̱ ycui' Ndyosi. Lo'o ndyuna ngu' quichi̱ bi' cha' bi', tso'o tsa ntsu'u tyiquee ngu' li', cha' lo'o ñati̱ xa' tsu' ngusñi ngu' cha' ji'i̱ Jesucristo; nga'aa si'i ngu' judío ti nu ngusñi cha' bi'.

LOS HECHOS 21:5

Lo'o ndye cati tsa̱, li' ndu'u ya ndyaa ya. Nguxtyucua lcaa tya'a ngu' ji'i̱ ya tyucui̱i̱ su ndyaa ya to' tyujo'o; lo'o jua'a̱ lcaa nu cuna'a̱ lo'o nu sube ji'i̱ ngu', ndyaa ngu' lo'o ya. Li' ngutu̱ sti̱' lcaa ya ca to' tyujo'o cha' stu'ba ti chcui' ya lo'o ycui' Ndyosi.

ROMANOS 15:24

bi' cha' cua nti' na' cha' ca̱a̱ na' tyi'i̱ na' xi ca su ndi'i̱ ma̱, tyucui̱i̱ su tsa'a̱ nde España. Li' taca ta na' xi cha' lo'o ma̱. Nu lo'o ngua chaa xi ti' na lo'o tya'a na, li' taca chcui' salya' ma̱ lo'o na', cha' xtyucua ma̱ jna' tyucui̱i̱ su tsa'a̱ nde loo la.

2 CORINTIOS 1:16

Clyo ngua ti' na' tyeje tacui na' nde su ndi'i̱ ma̱ tyucui̱i̱ lo'o ndya'a na' ca Macedonia. Nu lo'o nguxtyu̱u̱ na' ndya'a na' ca Macedonia bi', tya̱a̱ na' ca su ndi'i̱ ma̱ chaca quiya', cha' caca xtyucua cu'ma̱ jna' tsa'a na' nde tyucui̱i̱ Judea, ngua ti' na'.

FILIPENSES 4:14

Masi jua'a̱, tso'o tsa nti' na' cha' cua nguxtyucua ma̱ 'na laja lo'o ndyacua cha' cuxi 'na ca nde.

COLOSENSES 1:10

Lo'o li' lcaa tsa̱ lo'o ndya'a̱ ma̱ chalyuu taca cua'ni ma̱ cña, cua ña'a̱ ca cña nu nti' ycui' Ndyosi cha' cua'ni ma̱; taca cua'ni ma̱ lcaa lo cña tso'o cuentya ji'i̱ ycui' Ndyosi li', lo'o jua'a̱ taca ca cuayá' la ti' ma̱ ñi'ya̱ ndyu'u lcaa cha' ji'i̱ Ni.

1 TESALONICENSES 2:12

Nguxtyucua ya ji'i̱ ma̱ cha' tyucui tyiquee ma̱ cua'ni ma̱ ña'a̱ cha' tso'o nu nti' ycui' Ndyosi cha' cua'ni na nde chalyuu, cha' jua'a̱ xñi ma̱ cha' ji'i̱ ycui' Ndyosi cha' tsaa ma̱ ca su tlyu su xee tsa su laca Ni loo.

TITO 3:13

Xtyucua nu'u̱ ji'i̱ Zenas, nu yu nu laca tu'ba bi', lo'o ji'i̱ Apolos. Li' cui'ya nu'u̱ cuentya cha' nga'aa ntsu'u na nu lyiji ji'i̱ ngu' lo'o tya tsaa la ngu' tyucui̱i̱.

1 PEDRO 2:20

Si quiji'i̱ xu'na msu ji'i̱ sca msu ji'i̱ xqui'ya cha' ngua'ni msu bi' sca cha' cuxi, ná sca cha' laca li'; nga'a̱ cha' chcube' msu bi'. Pana cuentya ji'i̱ ycui' Ndyosi, tso'o tsa ndu'ni sca msu si talo tyiquee msu bi' lo'o xcube' xu'na yu ji'i̱ yu laja ti, nu lo'o tso'o tsa ndaquiya' msu bi' ji'i̱ cña ji'i̱ xu'na yu.

3 JUAN 1:12

Tso'o tsa nchcui' lcaa ñati̱ ji'i̱ Demetrio; masi ycui' ca na, lo'o ña'a̱ na ji'i̱ yu nchca cuayá' ti' na cha' tso'o tsa ndyu'ni yu lo'o lcaa ñati̱. Jua'a̱ cuare, nchcui' ya lo'o ma̱ juani cha' chañi tsa cha' nu nchcui' ngu' ji'i̱ yu cha' tso'o tsa tyiquee yu. Cua jlo tso'o ti' ma̱ cha' nchcui' ya cha' liñi lo'o ma̱.