3 JUAN 1:3 - Chatino Tataltepec

³ Lo'o juani tso'o tsa ntsu'u tyiquee na' cha' cua ndyalaa xi ngu' tya'a ntsu'u cha' ji'na lo'o Cristo nu ngutu'u ca su ndi'i̱ ma̱ ya̱a̱ ngu' ca nde. Nacui̱ ngu' cha' ña'a̱ ti ndaquiya' tso'o ma̱ ji'i̱ cha' liñi nu cua nda Jesús lo'o na, cha' jua'a̱ ndu'ni ma̱ lcaa tsa̱.

3 JUAN 1:3 Iomraidhean Croise

LOS HECHOS 1:15

Ngua sca tsa̱ ndyu'u ti'i̱ lcaa ñati̱ nu cua ngusñi cha' ji'i̱ Jesucristo ca quichi̱ bi'; sca siyento ntucua calaa tya'a ñati̱ ntsu'u nu ngutu'u ti'i̱ tsa̱ bi'. Li' ndatu̱ Pedro cha' chcui' yu lo'o ngu' bi':

1 CORINTIOS 13:6

La cui' jua'a̱ si'i na chaa ti' na lo'o ndyacua sca qui'ya ji'i̱ ngu', tso'o la nti' na si xñi ngu' bi' sca cha' liñi.

GÁLATAS 6:10

Bi' cha' tso'o si lcaa quiya' lo'o ña'a̱ na ñi'ya̱ caca xtyucua na ji'i̱ cua ña'a̱ ca ñati̱, li' cua'ni clya na cha' xtyucua na ji'i̱ ngu' bi'. Clyo ndu'ni cha' xtyucua na ji'i̱ tya'a na, nu ngu' nu ntsu'u cha' ji'i̱ lo'o Cristo.

FILIPENSES 1:4

Lo'o nchcui' na' lo'o Ni cuentya ji'i̱ ma̱, chaa ti ti' na' nchcui' na' lo'o Ni li'.

2 JUAN 1:2

Cua ndyanu tso'o cha' liñi bi' ne' cresiya ji'na, jua'a̱ ná nga'a̱ cha' tye cha' nu cua ndyuna na bi'; bi' cha' tso'o tsa ntsu'u tyiquee na' ña'a̱ na' ji'i̱ ma̱.

2 JUAN 1:4

Tso'o tsa ngua ti' na' lo'o ngujui cha' 'na cha' ña'a̱ ti tya ndaquiya' tso'o xi ngu' tya'a ma̱ lcaa cha' liñi nu cua nda ycui' Ndyosi Sti na lo'o na;

3 JUAN 1:10

Nu lo'o tyalaa na' ca slo ma̱, li' chcui' na' lo'o ma̱ cuentya ji'i̱ lcaa cña nu ndyu'ni yu bi', cha' chiya'a̱ tsa nchcui' yu ji'i̱ cuare; nchcui' yu bi' cua ña'a̱ ca lo cha' cuiñi lo'o ñati̱. Masi ndyu'ni yu jua'a̱, ná cuayá' ji'i̱ yu nti' yu, cha' juani ná ntaja'a̱ yu ta yu su tyi'i̱ ngu' tya'a ndya'a̱ ya cña lo'o ndyaa ngu' quichi̱ tyi ma̱; ña'a̱ cuayá' ndaca'a yu chacuayá' ji'i̱ tya'a ma̱ cha' lo'o cu'ma̱ ná ta ma̱ su tyi'i̱ ngu', masi ngua ti' ma̱ ta ma̱ su tyi'i̱ ngu' nquicha'. Lo'o jua'a̱ ngua ti' yu culo'o yu ji'i̱ tya'a ndya'a̱ ya cña bi', cha' ná tyu'u ti'i̱ ngu' lo'o ma̱.

3 JUAN 1:2

Tso'o tsa ñati̱ laca nu'u̱, cusu'. Nchcui' na' lo'o ycui' Ndyosi cuentya jinu'u̱ cha' tso'o ti taca tyi'i̱ tyiquee nu'u̱, cha' taca ca lye ti' nu'u̱. Cua jlo ti' na' cha' tso'o tsa ngusñi nu'u̱ cha' ji'i̱ ycui' Ndyosi.

3 JUAN 1:4

Sca ti cha' nclyacua ti' na' cuentya ji'i̱ cu'ma̱, si chañi cha' ndaquiya' ma̱ ji'i̱ cha' liñi nu cua nda Jesús lo'o na, cha' cuañi' la cu'ma̱ cuentya jna'; tso'o tsa ntsu'u tyiquee na' lo'o ndyuna na' cha' jua'a̱ ndu'ni ma̱.

3 JUAN 1:5

Cusu', ndube tsa ti' na' cha' lcaa tyempo tso'o tsa nxtyucua nu'u̱ ji'i̱ ngu' tya'a na, masi ná nslo nu'u̱ ji'i̱ ngu', cha' ngu' xa' quichi̱ laca ngu' ntsu'u quiya'.