3 JUAN 1:11 - Chatino Tataltepec

¹¹ Cusu', ná tyatí̱ yu'u ma̱ lo'o cha' cuxi nu ntsu'u chalyuu, tso'o la si tyi'u ti' ma̱ ji'i̱ lcaa cha' nu tso'o ti. Lcaa ñati̱ nu xcui' clyana cha' tso'o nu cua'ni ngu' cha' xtyucua ngu' ji'i̱ xa' la tya'a ñati̱ ngu', cua ntsu'u cha' ji'i̱ ngu' bi' lo'o ycui' Ndyosi; lcaa ñati̱ nu xcui' clyana cha' cuxi cha' cua'ni ngu', bilya tyu'u cha' ji'i̱ ngu' bi' tsiya' ti lo'o ycui' Ndyosi.

3 JUAN 1:11 Iomraidhean Croise

SAN JUAN 10:27

Ñi'ya̱ ndu'ni xlya', jua'a̱ nduna ñati̱ 'na jna' lo'o nchcui' na' lo'o ngu'. Cua nslo na' ji'i̱ ngu', cua ndya'a̱ ngu' lo'o na'.

SAN JUAN 12:26

Lo'o nti' ñati̱ cua'ni cña 'na ―nacui̱ Jesús li'―, nga'a̱ cha' tsaa ngu' mala nti' na' cha' tsaa, cha' li' taca tyi'i̱ msu bi' 'na ca su ndi'i̱ ycui' na'; lo'o ycui' Sti Na' cua'ni chi̱ Ni loo ngu' nu cua'ni cña 'na li'.

SAN JUAN 3:20

Ná nti' nu ñati̱ xña'a̱ bi' cha' ta ycui' Ndyosi xee nu tyu'ú ne' cresiya ji'i̱ ngu'. Tyijyu' ti ndya'a̱ ngu' bi' su ná ña'a̱ xa' ñati̱ ji'i̱ ngu', xqui'ya cha' xcui' cha' cuxi ndu'ni ngu' bi' ―nacui̱ Jesús―.

1 CORINTIOS 11:1

Bi' cha' cui'ya tso'o ma̱ cuentya ña'a̱ cña nu ndu'ni na', lo'o la cui' jua'a̱ cua'ni ma̱ li', cha' ñi'ya̱ laca cña nu ngua'ni Cristo, jua'a̱ laca cña nu ndu'ni na'.

1 CORINTIOS 4:16

Bi' cha' juani nchcui' tsa na' lo'o ma̱ cha' cua'ni ma̱ ñi'ya̱ nu cua na'a̱ ma̱ cha' ndu'ni na'.

EFESIOS 5:1

Ntsu'u tsa tyiquee ycui' Ndyosi ña'a̱ Ni ji'i̱ ma̱, xqui'ya cha' laca ma̱ sñi' ycui' Ni; bi' cha' cua'ni ma̱ cha' caca ma̱ ñi'ya̱ nu laca ycui' Ndyosi tsiya' ti.

FILIPENSES 3:17

Cu'ma̱ ngu' tya'a ngusñi na cha' ji'i̱ Jesús, tso'o si cua'ni ma̱ tsa ña'a̱ cha' nu cua na'a̱ ma̱ 'na cha' ndu'ni na'. La cui' jua'a̱ cui'ya tso'o ma̱ cuentya ñi'ya̱ nu ndyu'ni xa' la ngu' tya'a na, nu ndu'ni ñi'ya̱ nu ndu'ni ti cuare, cha' jua'a̱ cua'ni ma̱.

1 TESALONICENSES 1:6

Bi' cha' juani ndyu'ni ma̱ cña nu ndyu'ni ya, la cui' tya'a cña nu ndyu'ni ycui' nu Xu'na na. Cua ngusñi ma̱ cha' ji'i̱ ycui' Ni, masi ti'í tsa ti' ngu' ña'a̱ ngu' ji'i̱ ma̱; pana tso'o tsa ntsu'u tyiquee ma̱ xqui'ya Xtyi'i ycui' Ndyosi.

1 TESALONICENSES 2:14

Ñi'ya̱ nu ngua tya tsubi' la, cha' ngua'ni lya' ti' ngu' judío ji'i̱ ña'a̱ taju ñati̱ tya'a ntsu'u cha' ji'na lo'o Jesucristo ca loyuu su cuentya Judea, jua'a̱ ngua'ni lya' ti' ngu' tya'a quichi̱ tyi ma̱ ji'i̱ cu'ma̱ li'. Cu'ma̱ ngu' tya'a na, la cui' tya'a cha' ti'í ngua ji'i̱ ma̱ ñi'ya̱ nu ngua ji'i̱ ngu' judío tya'a na bi'.

2 TIMOTEO 3:10

Lo'o nu'u̱ ni, Timoteo, jlo ti' na' cha' ná ndu'ni nu'u̱ ñi'ya̱ nu ndu'ni nu ngu' cuxi bi'. Stu'ba ti nti' nu'u̱ lo'o na', bi' cha' ndu'ni nu'u̱ ñi'ya̱ nu ngulu'u na' jinu'u̱; ndyu'ni nu'u̱ cña ñi'ya̱ nu ndyu'ni na' cña, cha' jlya ti' nu'u̱ cha' ji'i̱ Jesús ñi'ya̱ jlya ti' na' ji'i̱. Cua na'a̱ nu'u̱ cha' ndalo tyiquee na' ji'i̱ ñati̱, cha' ntsu'u tyiquee na' ña'a̱ na' ji'i̱ ñati̱, cha' ndalo na',

HEBREOS 6:12

Ná nti' ya cha' caca taja ma̱; na cua nti' ya cha' cua'ni ma̱ ñi'ya̱ nu ngua'ni xa' la tya'a ngusñi na cha' ji'i̱ Jesús tya clyo la, nu cua ndalo tsa tyiquee cha' ndu̱ ti' ngu' ji'i̱ ycui' Ndyosi. Bi' cha' cua ngujui lcaa cha' ji'i̱ ngu', ñi'ya̱ nu nacui̱ Ni cha' tyacua ji'i̱ ngu'.

1 PEDRO 3:11

Ntsu'u cha' tyaatsu' ngu' bi' ji'i̱ lcaa cha' cuxi nu ntsu'u ji'i̱ ngu', cha' nga'aa cua'ni ngu' cha' cuxi bi'. Xcui' cha' tso'o ntsu'u cha' cua'ni ngu' bi'. Lo'o li' ntsu'u cha' xtyucua ngu' bi' ji'i̱ tya'a ñati̱ ngu' lcaa tsa̱, xqui'ya cha' tso'o ntsu'u tyiquee ngu' bi' ña'a̱ ngu' ji'i̱ tya'a ñati̱ ngu'; jua'a̱ nga'aa xu̱u̱ tya'a ngu' bi' li'.

1 PEDRO 3:13

Ná ntsu'u cha' cua'ni cuxi ngu' lo'o ma̱, si xcui' cha' tso'o ti cua'ni ma̱.

1 JUAN 2:29

Cua nchca cuayá' ti' ma̱ cha' lubii tsa cresiya ji'i̱ Jesucristo, bi' cha' tso'o si ca cuayá' ti' ma̱ cha' cua ña'a̱ ca ñati̱ nu ndu'ni cha' tso'o ñi'ya̱ ndyu'ni ycui' Jesús, caca ngu' bi' sñi' ycui' Ndyosi.

1 JUAN 3:10

Bi' cha' nchca cuayá' ti' ma̱ juani ñi'ya̱ laca ñati̱ nu laca sñi' ycui' Nydosi, lo'o jua'a̱ nchca cuayá' ti' ma̱ ñi'ya̱ ndu'ni ñati̱ nu laca sñi' ycui' nu xña'a̱. Si'i sñi' ycui' Ndyosi laca ñati̱ nu ndu'ni cha' cuxi lcaa tsa̱, ni si'i sñi' ycui' Ndyosi laca ñati̱ nu ná ntsu'u tyiquee ña'a̱ ji'i̱ tya'a ñati̱.

1 JUAN 4:1

Cu'ma̱ tya'a ngusñi na cha' ji'i̱ Cristo nu tyaca'a tsa ma̱ 'na, ná xñi ma̱ cha' ji'i̱ cua ña'a̱ ca ñati̱ nu ñacui̱ cha' cua nda ycui' Ndyosi Xtyi'i ycui' Ni ji'i̱ ngu' bi'. Cua'ni cuayá' ma̱ ji'i̱ ngu' bi' clyo, cha' quijeloo cha' ji'i̱ ma̱ lo'o ngu' si chañi cha' cua ndyanu Xtyi'i ycui' Ndyosi ne' cresiya ji'i̱ ngu' bi', si cha' cuiñi ti laca nu nchcui' ngu' bi'. Cua ndu'u tucua tyu̱u̱ tsa tya'a ngu' cuiñi chalyuu juani, nu nñilo'o ji'i̱ ñati̱ cha' cuentya ji'i̱ ycui' Ndyosi nchcui' ngu'.