3 JUAN 1:10 - Chatino Tataltepec

¹⁰ Nu lo'o tyalaa na' ca slo ma̱, li' chcui' na' lo'o ma̱ cuentya ji'i̱ lcaa cña nu ndyu'ni yu bi', cha' chiya'a̱ tsa nchcui' yu ji'i̱ cuare; nchcui' yu bi' cua ña'a̱ ca lo cha' cuiñi lo'o ñati̱. Masi ndyu'ni yu jua'a̱, ná cuayá' ji'i̱ yu nti' yu, cha' juani ná ntaja'a̱ yu ta yu su tyi'i̱ ngu' tya'a ndya'a̱ ya cña lo'o ndyaa ngu' quichi̱ tyi ma̱; ña'a̱ cuayá' ndaca'a yu chacuayá' ji'i̱ tya'a ma̱ cha' lo'o cu'ma̱ ná ta ma̱ su tyi'i̱ ngu', masi ngua ti' ma̱ ta ma̱ su tyi'i̱ ngu' nquicha'. Lo'o jua'a̱ ngua ti' yu culo'o yu ji'i̱ tya'a ndya'a̱ ya cña bi', cha' ná tyu'u ti'i̱ ngu' lo'o ma̱.

3 JUAN 1:10 Iomraidhean Croise

SAN LUCAS 6:22

’Lo'o jua'a̱ tso'o ti caca tyiquee cu'ma̱ masi ti'í ti' ngu' ña'a̱ ngu' ji'i̱ ma̱, masi culo'o ngu' ji'i̱ ma̱ ca su ndi'i̱ ma̱, masi suba' tsa chcui' ngu' lo'o ma̱, masi hasta nga'aa nti' ngu' chcui' ngu' lo'o ma̱, xqui'ya cha' jlya ti' ma̱ jna', na' nu cua nda Ni lijya̱a̱ cha' caca na' ñati̱;

SAN JUAN 9:22

Jua'a̱ nacui̱ sti xtya'a̱ nu qui'yu bi' ji'i̱ ngu', cha' ntsi̱i̱ tsa ngu' ji'i̱ ngu' judío bi'; na cua ngua'ni stu'ba ngu' laca cña cha' ji'i̱ ngu' lo'o tya'a ngu' cha' culo'o ngu' ji'i̱ ñati̱ ne' laa, cua ña'a̱ ca ñati̱ nu ñacui̱ cha' Jesús laca Cristo, nu ñati̱ tlyu nu nda ycui' Ndyosi ji'i̱ lijya̱ chalyuu. Nga'aa ta ngu' judío bi' chacuayá' tsaa ngu' ne' laa li'.

LOS HECHOS 1:15

Ngua sca tsa̱ ndyu'u ti'i̱ lcaa ñati̱ nu cua ngusñi cha' ji'i̱ Jesucristo ca quichi̱ bi'; sca siyento ntucua calaa tya'a ñati̱ ntsu'u nu ngutu'u ti'i̱ tsa̱ bi'. Li' ndatu̱ Pedro cha' chcui' yu lo'o ngu' bi':

2 CORINTIOS 13:2

Bi' laca cha' nu nchcui' na' lo'o lcaa cu'ma̱ ngu' Corinto nu cua ngusñi cha' ji'i̱ Jesucristo, lo'o jua'a̱ nchcui' na' lo'o cu'ma̱ ngu' taju ji'i̱ Jesús ca ndacua nu ngua'ni cha' cuxi tya tsubi' la. Nu lo'o ñaa na' nu ndyaca tyucuaa quiya' ni, cua laca nda na' cha' re lo'o cu'ma̱ li', pana juani lo'o ndi'i̱ na' tyijyu', tya chaca quiya' chcui' na' cha' bi' lo'o ma̱, cha' ni sca ñati̱ nu ndu'ni cha' cuxi ná nga'a̱ cha' clyaá ngu' lo'o ca̱a̱ na' chaca quiya'; cua'ni cuayá' na' ji'i̱ lcaa ngu' bi'.

GÁLATAS 6:10

Bi' cha' tso'o si lcaa quiya' lo'o ña'a̱ na ñi'ya̱ caca xtyucua na ji'i̱ cua ña'a̱ ca ñati̱, li' cua'ni clya na cha' xtyucua na ji'i̱ ngu' bi'. Clyo ndu'ni cha' xtyucua na ji'i̱ tya'a na, nu ngu' nu ntsu'u cha' ji'i̱ lo'o Cristo.

1 TIMOTEO 5:13

Bi' cha' tso'o la si ná scua ngu' tsiya' ti xtañi nu cuna'a̱ cuañi' nu ndyanu ti'i. Ná tyiquee' xcui' paseya ti tya'a̱ ngu' cuañi' bi' slo ñati̱; pana si jua'a̱ cua'ni ngu', caca taja ngu' cuna'a̱ bi', chcui' tsa ngu' cuentyu ji'i̱ xa' ñati̱ li', masi ji'i̱ tya'a ngu', masi ji'i̱ xa' la ñati̱. Ni si'i sca ti cha' taja nu cuna'a̱ ti'i nu ndu'ni jua'a̱, masi lo'o chcui' tsa ngu' cuna'a̱ bi' lo'o tya'a ngu' lcua ti lo cha' nu ná tso'o cha' chcui' na.

2 JUAN 1:10

Bi' cha' juani si tyalaa ñati̱ slo ma̱ nu ná nda la cui' cha' ji'i̱ Jesús bi' lo'o ma̱, nga'aa ta ma̱ su tyi'i̱ ngu' bi', ni ná ta ma̱ xlyo ni'i̱ ji'i̱ ngu' bi'.

2 JUAN 1:12

Tya ntsu'u tsa cha' nu nti' na' chcui̱' lo'o ma̱, pana tso'o la masi ná lo'o cha' bi' scua na' lo quityi re. Tiya' la nti' na' ca̱a̱ na' ca su ndi'i̱ cu'ma̱, lo'o li' ycui' ca na' taca ta na' cha' bi' lo'o ma̱; li' chañi cha' tso'o ti taca tyu'u tyiquee na ña'a̱ na ji'i̱ tya'a na.

3 JUAN 1:3

Lo'o juani tso'o tsa ntsu'u tyiquee na' cha' cua ndyalaa xi ngu' tya'a ntsu'u cha' ji'na lo'o Cristo nu ngutu'u ca su ndi'i̱ ma̱ ya̱a̱ ngu' ca nde. Nacui̱ ngu' cha' ña'a̱ ti ndaquiya' tso'o ma̱ ji'i̱ cha' liñi nu cua nda Jesús lo'o na, cha' jua'a̱ ndu'ni ma̱ lcaa tsa̱.

3 JUAN 1:5

Cusu', ndube tsa ti' na' cha' lcaa tyempo tso'o tsa nxtyucua nu'u̱ ji'i̱ ngu' tya'a na, masi ná nslo nu'u̱ ji'i̱ ngu', cha' ngu' xa' quichi̱ laca ngu' ntsu'u quiya'.