2 JUAN 1:8 - Chatino Tataltepec

⁸ Bi' cha' tii ti ti' ma̱ tyi'i̱ ma̱ chalyuu, cha' ná culiji yu'u jua'a̱ ti lcaa cha' nu cua ndyuna ma̱ lo'o nguti'i̱ ya ca slo ma̱. Li' caja lcaa cha' tso'o nu cua nti' ycui' Ndyosi ta Ni ji'i̱ ma̱ lo'o tye chalyuu.

2 JUAN 1:8 Iomraidhean Croise

SAN MATEO 24:4

Li' ngulu'u la xi Jesús ji'i̱ ngu' bi': ―Cua'ni tii ti' ma̱, cui'ya ma̱ cuentya cha' ná tucui cñilo'o ji'i̱ ma̱ ―nacui̱―.

SAN MARCOS 13:23

Cua ndacha' na' cha' bi' ji'i̱ ma̱ juani, nu tya lyiji caca cha' cuxi bi', cha' cui'ya ma̱ cuentya ñi'ya̱ caca cha' bi', cha' caca tii ti' ma̱ li'.

SAN MARCOS 13:9

’Lo'o cu'ma̱ ni, tii ti ti' ma̱ tyi'i̱ ma̱ li' ―nacui̱ Jesús―. Tejeya' ñati̱ cuxi ji'i̱ ma̱, jua'a̱ sta ngu' qui'ya ji'i̱ ma̱ slo ngu' tisiya; quiji'i̱ ngu' bi' ji'i̱ ma̱, masi ca ne' laa ji'i̱ ngu'. Nga'a̱ cha' tsatu̱ ma̱ slo ngu' gobierno, slo ngu' nu laca loo; cuentya jna' cacha' ma̱ lcaa cha' tso'o jna' ji'i̱ ngu' bi'.

SAN LUCAS 19:19

La cui' ti cha' nacui̱ rey bi' ji'i̱: “Culo nu'u̱ cña ji'i̱ ca'yu tya'a quichi̱ cuentya jna' lacua”, nacui̱ rey ji'i̱ msu bi'.

SAN LUCAS 21:8

―Cui'ya ma̱ cuentya ―nacui̱ Jesús li'―, cha' ná tucui cñilo'o ji'i̱ ma̱. Quiña'a̱ tsa ngu' ca̱a̱ ngu' nu ñacui̱ cha' Cristo laca ycui' ca ngu': “Juani ndyalaa tyempo bi'”, ñacui̱ ngu' bi'. Pana ná xñi ma̱ cha' ji'i̱ ngu' bi'.

SAN JUAN 4:36

Caja xcaya' msu 'na nu cua'ni clacua bi', ni ná nga'a̱ cha' tye cña nu cua'ni msu bi'. Lo'o li' stu'ba ti caca chaa ti' ngu' bi' lo'o ngu' nu cua ngusañi si'yu, la cui' ñati̱ nu ngusañi cha' tso'o ji'i̱ ycui' Ndyosi lcaa su ndi'i̱ ñati̱ tya clyo la; stu'ba ti caca chaa ti' ngu' bi' lo'o ñati̱ nu cua na'a̱ lo'o ndyatí̱ ca cha' bi' ne' cresiya ji'i̱ ngu' ―nacui̱ Jesús ji'i̱ ngu' nu ndyaca tsa'a̱ ji'i̱―.

1 CORINTIOS 15:8

Su cua ndye li', lo'o 'na ngulu'u loo Ni 'na, masi ná ntsu'u cha' cua'ni Ni lo'o na' jua'a̱. Laca na' ñi'ya̱ si laca̱ sca cubi' nu ngula cuañi' ti, cha' ná lo'o na' nguta'a̱ na' lo'o ñati̱ nu ngua tsa'a̱ tya clyo.

1 CORINTIOS 3:14

Nu lo'o talo cña nu ngua'ni sca ñati̱ lo'o cua ndyaa lo quii' bi', li' ta Ni cha' tso'o nu tyacua ji'i̱ ñati̱ bi'.

1 CORINTIOS 3:8

Sca ti cuayá' ndu'ni ya lo'o tya'a ya, masi nda ya cha' lo'o cu'ma̱ su clyo, masi nclyu'u tso'o la ya cha' bi' ji'i̱ ma̱ ca tiya' la. Ycui' Ndyosi ni, tya ta la Ni cha' tso'o ji'i̱ ya, tsa ña'a̱ nu ndyu'ni tso'o ya cña ji'i̱ Ni.

GÁLATAS 3:4

Masi ngua'ni Ni quiña'a̱ cha' tlyu ca slo ma̱ tya tsubi' la, ntsu'u quiya' nclyacua ti' na' cha' ná ngua tso'o cresiya ji'i̱ ma̱ tsiya' ti, nu lo'o ña'a̱ na' ñi'ya̱ nu ndyu'ni ma̱. Pana jlo ti' na' cha' ngua tso'o la xi cresiya ji'i̱ ma̱ xqui'ya cha' tlyu bi'.

GÁLATAS 4:11

bi' cha' quiña'a̱ tsa cha' nclyacua ti' na' si ná ngua'nijo'o tsiya' ti lcaa cha' nu ngulu'u na' ji'i̱ ma̱, si xlya'be ti ngulu'u na' cha' bi' ji'i̱ ma̱.

FILIPENSES 3:16

Tso'o lacua, tya cua'ni la na la cui' tya'a cha', ñi'ya̱ nu ngua cuayá' tso'o ti' na tya clyo.

HEBREOS 10:32

Tyi'u ti' ma̱ lacua, ñi'ya̱ nu ndyaca ji'i̱ cu'ma̱ nu ngua tya tsubi' la, cua ndyaala hique ma̱ cha' ndyuna tso'o ma̱ cha' ji'i̱ ycui' Ndyosi, lo'o li' cua quiña'a̱ tsa cha' nchcube' cua ndyacua ji'i̱ ma̱ nde chalyuu. Pana ndalo tsa tyiquee ma̱ li'; ná ngua ji'i̱ nu ngu' xña'a̱ bi' tyiji̱loo ji'i̱ ma̱,

HEBREOS 10:35

Ná tya'a̱chu̱' ma̱ ji'i̱ cha' ji'i̱ Jesús lacua. Ña'a̱ ti tya cua'ni tlyu tyiquee ma̱, cha' tso'o tsa cha' nu tyacua ji'i̱ ma̱ ca tiya' la cuentya ji'i̱ ycui' Ndyosi, si ña'a̱ ti xñi tso'o ma̱ cha' bi'.

HEBREOS 12:15

Cui'ya ma̱ cuentya cha' ni tsaca ngu' tya'a ma̱ ná xtyanu jua'a̱ ti lcaa cha' tso'o nu ndu'ni ycui' Ndyosi lo'o na. Lo'o jua'a̱ cui'ya ma̱ cuentya cha' ná cua'ni ñu'u̱ ma̱ ji'i̱ tyiquee xa' la ngu' tya'a ngusñi na cha' ji'i̱ Jesús. Ñi'ya̱ laca sca quixi̱' tyaala nu cua'ni ñu'u̱ ji'i̱ ñati̱ lo'o co'o ngu' hitya bi', jua'a̱ caca na ji'i̱ tya'a na lo'o ntsu'u sca cha' cuxi ji'na.

APOCALIPSIS 3:11

Cua tya̱a̱ ti na'. Ná ta ma̱ chacuayá' cha' culiji yu'u jua'a̱ ti cha' tso'o nu ntsu'u ne' cresiya ji'i̱ ma̱, tya cua'ni ma̱ ñi'ya̱ nu ngua'ni ma̱ tya sa'ni la. Tii ti ti' tyi'i̱ ma̱ cha' caja chalyuu tso'o nu ta ycui' Ndyosi ji'i̱ ma̱ lo'o tye chalyuu re.