2 JUAN 1:2 - Chatino Tataltepec

² Cua ndyanu tso'o cha' liñi bi' ne' cresiya ji'na, jua'a̱ ná nga'a̱ cha' tye cha' nu cua ndyuna na bi'; bi' cha' tso'o tsa ntsu'u tyiquee na' ña'a̱ na' ji'i̱ ma̱.

2 JUAN 1:2 Iomraidhean Croise

SAN JUAN 14:16

Lo'o tya'a na', li' chcui' na' lo'o ycui' Ndyosi Sti na' cha' ta Ni chaca nu xtyucua ji'i̱ ma̱; bi' laca Xtyi'i ycui' Ndyosi nu laca su̱u̱ lcaa cha' liñi. Tyanu nu bi' lo'o ma̱ ña'a̱ cuayá' nu tye chalyuu ―nacui̱―.

SAN JUAN 15:7

’Nu lo'o stu'ba ti ntsu'u tyiquee ma̱ lo'o na' ―nacui̱ Jesús―, nu lo'o tyanu cha' nu nchcui' na' ne' cresiya ji'i̱ ma̱, li' taca jña ma̱ sca cha' ji'i̱ Sti na', lo'o jua'a̱ ta Ni cha' bi' ji'i̱ ma̱.

1 CORINTIOS 9:23

Jua'a̱ ndu'ni na' lcua ti se'i̱ su ndya'a̱ na', cha' nchcui' na' lo'o ngu' cha' tso'o ji'i̱ Jesús. Cua nti' na' cha' ñi'ya̱ ndyaca tso'o ne' cresiya 'na xqui'ya cha' bi', la cui' jua'a̱ caca tso'o ne' cresiya ji'i̱ lcaa ñati̱.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

COLOSENSES 3:16

Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.

2 TIMOTEO 1:5

Ntsu'u ti' na' cha' chañi cha' ngusñi nu'u̱ cha' ji'i̱ Jesús. Xtya'a̱ cusu' nu'u̱, nu ma' Loida ni, bi' laca nu cua ngusñi cha' bi' tya clyo; lo'o li' ma' Eunice xtya'a̱ nu'u̱ cua ngusñi cha' bi'; la cui' jua'a̱ nu'u̱, tso'o tsa ngusñi nu'u̱ cha' ji'i̱ Jesús.

2 PEDRO 1:12

Tya tyu̱u̱ quiya' nti' na' chcui' na' lo'o ma̱ cuentya ji'i̱ lcaa cha' liñi ji'i̱ ycui' Ndyosi, masi cua jlo ti' ma̱ cha' bi'. Lo'o jua'a̱ jlo ti' na' cha' ngusñi tso'o ma̱ lcaa cha' nu nscua na' bi';

1 JUAN 1:8

Si ñacui̱ na cha' ná ntsu'u qui'ya ji'na tsiya' ti, na ñilo'o na ji'i̱ ycui' ca ti na li', cha' ná nchca chcui' na cha' liñi.

1 JUAN 2:14

Cu'ma̱ ngu' cusu', cua ngusñi ma̱ cha' ji'i̱ Jesucristo, la cui' Cristo nu cua lu'ú lo'o ycui' Ndyosi Sti yu tya clyo, bi' cha' nscua na' quityi re cha' ca̱a̱ ca slo ma̱. Cu'ma̱ ngu' cuañi', nguula ti ti' ma̱ ndi'i̱ ma̱, cha' cua ndyanu tso'o cha' ji'i̱ ycui' Ndyosi ne' cresiya ji'i̱ ma̱; cua ntiji̱loo ma̱ ji'i̱ nu xña'a̱, bi' cha' laca nscua na' quityi re cha' ca̱a̱ slo ma̱.

1 JUAN 2:17

Yala ti tye chalyuu re, culiji jua'a̱ ti lcaa cha' cuxi nu ndiya ti' ñati̱ chalyuu; pana ñati̱ nu taquiya' ji'i̱ cha' nu nchcui' ycui' Ndyosi ni, ná nga'a̱ cha' tye chalyuu ji'i̱ ngu' bi'.