2 JUAN 1:11 - Chatino Tataltepec

¹¹ Nu lo'o chcui' na lo'o ñati̱ bi', ñi'ya̱ laca si ndyu'ni tya'a na lo'o ngu' bi', lo'o cña cuxi nu ndyu'ni ngu', jua'a̱ ndyu'u cha' bi'.

2 JUAN 1:11 Iomraidhean Croise

EFESIOS 5:11

Ná tyu'u cha' ji'i̱ ma̱ lo'o ñati̱ nu xcui' cha' cuijya ti, nu xcui' cha' tonto ti ndu'ni ngu', xqui'ya cha' talya chalyuu nu ntsu'u ji'i̱ ngu'; ta ma̱ sca cui̱i̱ lo'o ngu' bi', cha' ca cuayá' ti' ngu' cha' cuxi ti ndyu'ni ngu'.

1 TIMOTEO 5:22

Ná yala tsa cua'ni nu'u̱ cha' sta ya' nu'u̱ hichu̱' sca ñati̱, cha' caca yu loo ji'i̱ sca taju ñati̱ ji'i Jesucristo; jatya xi cha' ña'a̱ si chañi cha' ñati̱ nu xcui' ndu'ni cha' tso'o laca yu, si chañi cha' tso'o tsa cña ndyu'ni yu, cha' ná tyanu qui'ya yu hichu̱' nu'u̱ si ntsu'u cha' cuxi ne' cresiya ji'i̱ yu bi'. Lo'o nu'u̱ ni, xcui' lubii ti cresiya jinu'u̱ cua'ni nu'u̱ cña.

HEBREOS 5:13

Tya cuañi' tsa ngu' nu tya ntyi'; la cui' jua'a̱ laca cu'ma̱, cha' ná jlo ti' ma̱ tsiya' ti ñi'ya̱ nga'a̱ cha' cua'ni ma̱ lo'o ngua tso'o cresiya ji'i̱ ma̱ cuentya ji'i̱ Jesús, masi ntsu'u cha' tso'o nu nga'a̱ cha' cua'ni ma̱ juani.

JUDAS 1:23

Cua'ni lyaá ma̱ ji'i̱ ngu' nu cua tyumi̱' ti lo quii' ji'i̱ nu xña'a̱, culo ma̱ ji'i̱ ngu' bi' ya' nu xña'a̱. Ña'a̱ ti tya cua'ni tya'na ti' ma̱ ji'i̱ ngu' nu xcui' cha' cuxi ndu'ni; ña'a̱ ti xtyucua ma̱ ji'i̱ ngu' bi', cha' taca ca cuayá' tso'o la ti' ngu' cha' liñi ji'i̱ ycui' Ni, masi cutsi̱i̱ ma̱ xi ji'i̱ cha' cuxi nu ndu'ni ngu', ñi'ya̱ si cojolaqui nu cha' cuxi bi' ji'i̱ ma̱.

APOCALIPSIS 18:4

Li' xa' nguañi nchcui' sca ñati̱ ca su ntucua ycui' Ndyosi, nchcui' lo'o ñati̱ ji'i̱ ycui' Ni: ―Tyu'u clya cu'ma̱ ñati̱ 'na juani, tyu'utsu' ma̱ nde quichi̱ tlyu bi' ―nacui̱ Ni―. Ná ntsu'u cha' cua'ni stu'ba ma̱ cha' lo'o ngu' bi', nu lo'o ndyu'ni ngu' cha' cuxi, cha' ná xcube' ycui' Ndyosi ji'i̱ ma̱ stu'ba ti lo'o nu ngu' cuxi bi'.