2 JUAN 1:1 - Chatino Tataltepec

¹ La cui' nu cusu' Juan laca na'. Nscua na' sca quityi re, ma' cusu', jua'a̱ sñi' nu'u̱, cha' ca̱a̱ quityi re ca slo cu'ma̱ ngu' tya'a ngusñi na cha' ji'i̱ Jesús, cha' cua ngusubi ycui' Ni ji'i̱ ma̱ cha' caca ma̱ ñati̱ ji'i̱ Ni. Chañi cha' ntsu'u tsa tyiquee na' ña'a̱ na' ji'i̱ ma̱; ni si'i sca ti na', lo'o lcua ti ña'a̱ ñati̱ lcaa quichi̱ nu nduna cha' liñi ji'i̱ Jesús, lo'o lcaa ñati̱ bi', ntsu'u tsa tyiquee ngu' ña'a̱ ngu' ji'i̱ ma̱.

2 JUAN 1:1 Iomraidhean Croise

SAN LUCAS 1:3

Bi' cha' lo'o na', ngulana tsa na' ñi'ya̱ ngua lcaa cha' nu nteje tacui tya lo'o nguxana cha' bi'. Tso'o nti' na' si lo'o na' scua na' lcaa cha' bi', cha' tsaa slo nu'u̱, cusu' Teófilo,

SAN JUAN 8:32

Li' taca ca cuayá' ti' ma̱ lcaa cha' liñi; ná tucui caca tatsaa ji'i̱ ma̱ cha' cua'ni ma̱ cña cuxi ca su ndi'i̱ ma̱, xqui'ya cha' jlo ti' ma̱ cha' liñi bi'.

LOS HECHOS 11:30

Jua'a̱ ngua'ni ngu' li'. Nda ngu' msta̱ bi' ji'i̱ Bernabé lo'o ji'i̱ Saulo cha' tsaa lo'o ngu' ji'i̱, cha' ta ngu' cñi bi' ji'i̱ ngu' cusu' ca bi'. Li' tacha ngu' cñi bi', caja xi ndaca ti ji'i̱ tya'a ti'i ti ngu'.

ROMANOS 16:13

lo'o jua'a̱ chcuicha' ma̱ ji'i̱ Rufo, sca ñati̱ ji'i̱ Cristo nu tso'o tsa cha' nchcui' ngu' ji'i̱; lo'o jua'a̱ ji'i̱ xtya'a̱ Rufo, nu nguna'a̱si̱i̱ tsa jna' ñi'ya̱ si laca ma' xtya'a̱ na';

GÁLATAS 2:14

Pana nu lo'o ngua cuayá' ti' na' cha' ná ndyu'ni ngu' ñi'ya̱ nu ndyu'u cha' tso'o nu ngulu'u Cristo ji'na cha' clyaá na ji'i̱ nu cuxi, li' nchcui' na' lo'o Pedro slo lcaa ngu' nu ngusñi cha' ji'i̱ Cristo quichi̱ bi'. Ndi'ya̱ ni na' ji'i̱ yu li': “Ngu' judío laca nu'u̱”, nacui̱ na' ji'i̱ Pedro bi'. “Tya lo'o ndyalaa nu'u̱ ca nde, cua ngua'ni nu'u̱ ñi'ya̱ nu ndu'ni ngu' xa' tsu' re, cha' tya'a na laca ngu' cuentya ji'i̱ Cristo; ná ngua'ni nu'u̱ ñi'ya̱ nu ndu'ni ngu' judío tya'a quichi̱ tyi na. Bi' cha' lacua, ná tso'o si juani nti' nu'u̱ cha' tatsaa nu'u̱ ji'i̱ ngu' xa' tsu' re, cha' cua'ni ngu' ñi'ya̱ nu ndu'ni ngu' judío.” Jua'a̱ nacui̱ na' ji'i̱ yu.

GÁLATAS 2:5

Pana ná ndaquiya' ya ji'i̱ cha' nu nchcui' ngu' bi' tsiya' ti. Ngua ti' ya cha' ná chcuna' tsiya' ti ni sca cha' liñi nu cua nda Cristo lo'o na, nu lo'o cua ngua'ni lyaá yu ji'na; ngua ti' ya cha' tyanu tso'o lcaa cha' bi' ne' cresiya ji'i̱ ma̱.

GÁLATAS 3:1

Na tonto tsa ma̱, cu'ma̱ ngu' gálatas, cha' nduna ma̱ cha' nu nda nu ngu' cuiñi bi'; laca ma̱ ñi'ya̱ si ntsu'u nu ngua'ni cucha'a̱ ji'i̱ ma̱. Bi' cha' juani nga'aa nti' ma̱ xñi la ma̱ cha' liñi nu cua nda Cristo lo'o na. Pana lo'o nda ya cha' ji'i̱ Cristo lo'o ma̱ tya clyo, li' ngulu'u tsa ya ji'i̱ ma̱ ñi'ya̱ ngua lo'o ngujuii Jesucristo lo crusi xqui'ya na; jua'a̱ ngulu'u ya ji'i̱ ma̱ ña'a̱ cuayá' nu ngua cuayá' tso'o ti' ma̱ cha' bi'.

GÁLATAS 5:7

Tso'o tsa ndyu'ni ma̱ nquicha'. ¿Tilaca laca nu ndacu̱' cha' ji'i̱ ma̱, cha' nga'aa taquiya' la ma̱ ji'i̱ cha' liñi nu cua nda Cristo lo'o ma̱?

COLOSENSES 1:5

Tya clyo lo'o ndyuna ma̱ cha' tso'o bi', cha' nu nchcui' ji'i̱ ycui' Ndyosi nu chañi ca, li' ngua cuayá' ti' ma̱ cha' tya ntsu'u chaca cha' nu cua tlyu la nu nga'a̱ cha' tyacua ji'na tyempo nde loo la lo'o tyalaa na ca su ntucua ycui' Ndyosi. Ca bi' ntsu'u co'o cha' bi' cuentya ji'i̱ ma̱; bi' laca cha' nu tyacua ji'i̱ ma̱ ca tiya' la xqui'ya cha' ngusñi ma̱ cha' ji'i̱ Cristo, lo'o jua'a̱ tso'o tsa ntsu'u tyiquee ma̱ ña'a̱ ma̱ ji'i̱ xa' la tya'a ñati̱ ma̱.

1 TIMOTEO 2:4

cha' nti' Ni cha' cua'ni lyaá Ni ji'i̱ lcaa ñati̱ chalyuu, nti' Ni cha' ca cuayá' ti' lcaa ñati̱ ñi'ya̱ nu ntsu'u cha' liñi ji'i̱ ycui' Ndyosi.

HEBREOS 10:26

Nga'aa ntsu'u xa' la msta̱ nu ta na, nga'aa ntsu'u xa' la cha' nu cua'ni na, cha' cati̱ qui'ya nu ntsu'u ji'na, si ña'a̱ ti tya cua'ni na cha' cuxi li'; cua ngua cuayá' ti' na cha' chañi tsa cha' ji'i̱ Jesús bi', lo'o jua'a̱ nga'aa cui'ya ycui' Ndyosi cha' clyu ti' ji'na si xtyanu na ji'i̱ cha' bi'.

1 PEDRO 1:2

Tya clyo la cua jlo ti' ycui' Ndyosi Sti na lcaa ña'a̱ cha' nu caca nde loo la, bi' cha' ngusubi ycui' Ni ji'i̱ ma̱. Lo'o juani ndyu'ni Xtyi'i ycui' Ndyosi cña cha' tyanu lubii cresiya ji'i̱ ma̱, cha' taquiya' ma̱ ji'i̱ ycui' Jesucristo; na cua ngujuii yu lo crusi xqui'ya cu'ma̱, ndyalú tañi yu cha' caja ñi'ya̱ caca lubii cresiya ji'i̱ ma̱. Lo'o juani nti' na' cha' ña'a̱ ti tya cua'ni ycui' Ndyosi cha' tso'o lo'o ma̱, cha' jua'a̱ ti̱ ti tyi'i̱ tyiquee ma̱ lcaa hora.

1 PEDRO 5:1

Sca ngu' cusu' nu laca loo laca na', lo'o juani nti' na' ta na' sca cui̱i̱ lo'o cu'ma̱ tya'a cusu' na. Lo'o na', cua na'a̱ na' ji'i̱ Cristo lo'o nguxcube' ngu' ji'i̱ yu, bi' cha' jlo ti' na' cha' stu'ba ti tyi'i̱ lcaa tya'a na ca slo ycui' Ndyosi; ña'a̱ na cha' tlyu nu caca li'.

1 PEDRO 5:13

Ña'a̱ tsaca taju ñati̱ ji'i̱ Jesucristo nde Babilonia re nda ngu' xlyo ni'i̱ ji'i̱ ma̱. Ngu' tya'a na laca ngu' bi', cha' lo'o tyucui taju ngu' bi', ngusubi ycui' Ndyosi ji'i̱ ngu' cha' caca ngu' ñati̱ ji'i̱ Ni. “Xlyo ni'i̱”, nacui̱ Marcos ji'i̱ cu'ma̱, nu Marcos nu laca ñi'ya̱ nti' sca sñi' na'.

1 JUAN 2:21

Cua nscua na' quityi re, xqui'ya cha' nchca cuayá' ti' ma̱ ña'a̱ cha' liñi nu ntsu'u ji'i̱ Cristo. Si'i cha' ná jlo ti' ma̱ cha' liñi bi'; cua jlo ti' ma̱ ña'a̱ cha' liñi nu nchcui' na, cha' si'i cha' cuiñi ti laca cha' bi'.

1 JUAN 3:18

Cu'ma̱ sñi' na', nu lo'o ntsu'u tsa tyiquee na ña'a̱ na ji'i̱ ycui' Ndyosi lo'o ji'i̱ tya'a ñati̱ na, si'i sca cui̱i̱ ti laca nu chcui' na lo'o ngu', si'i sca cha' nu nda ti na lo'o ngu' caca bi'; tyucui tyiquee na nga'a̱ cha' xtyucua na ji'i̱ nu ngu' tya'a na bi'.

2 JUAN 1:13

Lo'o jua'a̱ nu ñati̱ tya'a ntsu'u cha' ji'i̱ ma̱ lo'o Cristo ca nde, nu ngu' nu cua ngusubi ycui' Ndyosi ji'i̱, lo'o ngu' bi' cua nti' ngu' chcuicha' ngu' ji'i̱ ma̱. Jua'a̱ caca cha' lacua.

2 JUAN 1:5

bi' cha' chcui' na' lo'o nu'u̱, ma' cusu', jua'a̱ lo'o lcaa ngu' tya'a ma̱, cha' tso'o ti tyu'u tyiquee na ña'a̱ na ji'i̱ tya'a ñati̱ na. Si'i sca cha' nu bilya ta Ni lo'o na laca cha' bi', sca cha' nu ndyuna na lo'o ngusñi na cha' ji'i̱ Jesucristo tya clyo laca cha' bi'.

3 JUAN 1:1

La cui' nu cusu' Juan laca na'. Nscua na' quityi re cha' ca̱a̱ ca slo nu'u̱, Gayo; jlya ti' nu'u̱ lcaa cha' nu laca ji'i̱ Jesucristo, bi' cha' tso'o tsa ntsu'u tyiquee na' cha' chcui' na' lo'o nu'u̱.