1 JUAN 5:8 - Chatino Tataltepec

⁸ Lo'o jua'a̱ nde lo yuu cua ngua sna quiya' lo'o nchcui' ycui' Ndyosi cha' chañi laca cha' Jesucristo laca nu sca ti Sñi' ycui' Ni: tsaca laca cha' nu nchcui' Xtyi'i ycui' Ndyosi lo'o na; jua'a̱ chaca laca cha' nu nchcui' Ni laja lo'o ntyucuatya Jesucristo; lo'o jua'a̱ chaca laca cha' nu cua nchcui' Ni laja lo'o ngujuii Jesucristo lo crusi, ndyalú tañi yu li'. Sca ti cha' nchcui' Ni ca ta'a sna quiya' bi'.

1 JUAN 5:8 Iomraidhean Croise

SAN MATEO 28:19

Yaa ma̱ lcaa quichi̱ nde chalyuu cha' ca tsa'a̱ lcaa ñati̱ cha' jna'. Li' tyucuatya ma̱ ji'i̱ ngu' chacuayá' ji'i̱ ycui' Ndyosi Sti na', jua'a̱ chacuayá' jna' nu laca̱ Sñi' ycui' Ndyosi, jua'a̱ chacuayá' ji'i̱ Xtyi'i ycui' Ndyosi.

SAN MARCOS 14:56

Ndya'a̱ tsa ngu' cuiñi slo ngu' cha' sta ngu' qui'ya ji'i̱ Jesús, pana ná stu'ba nchcui' ngu' bi'.

SAN JUAN 15:26

’Cua'ni na' cha' ca̱a̱ nu laca Xtyi'i ycui' Ni lo yuu, Xtyi'i nu ndu'u slo ycui' Ndyosi ―nacui̱ Jesús―. Bi' laca nu culu'u ji'i̱ ma̱ lcaa cha' nu liñi ca, bi' laca nu xtyucua ji'i̱ ma̱ lcaa tyempo chacuayá' 'na. Nu lo'o ca̱a̱ nu bi' lo yuu, li' culu'u Ni lcaa cha' liñi nu ntsu'u 'na ji'i̱ ma̱ ―nacui̱ Jesús―.

SAN JUAN 19:34

Ña'a̱ cuayá' nu ndyojo' sca sendaru chcua̱ cha sii' Jesús, li' tsiya' ca ndyalú tañi nguxa' lo'o hitya lubii.

LOS HECHOS 15:15

Cua sa'ni nguscua jyo'o cusu' nu ngua tu'ba ji'i̱ ycui' Ndyosi la cui' tya'a cha', nu lo'o nchcui' quityi ji'i̱ ycui' Ndyosi ndi'ya̱:

ROMANOS 8:16

Cha' nu ntsu'u ne' cresiya ji'na ni, stu'ba nchcui' cha' bi' lo'o cha' nu nda Xtyi'i Ni lo'o na, cha' cua laca na sñi' ycui' Ni.

2 CORINTIOS 1:22

Ndi'ya̱ laca ñi'ya̱ si ngusta ycui' Ni sca cuayá' nu ji'i̱ Ni hichu̱' na, nu lo'o nda Ni Xtyi'i ycui' Ni nu ndyanu ne' cresiya ji'na. Xtyi'i ycui' Ndyosi laca nu nda ycui' Ndyosi ji'na yala la, cha' caca cuayá' ti' na cha' chañi cha' cua'ni Ni lo'o na lcaa ña'a̱ cha' nu nacui̱ Ni cha' cua'ni Ni.

HEBREOS 13:12

La cui' ti ca to' quichi̱ nchcube' Jesús, cha' caja ñi'ya̱ nu cati̱ cha' cuxi nu ntsu'u ji'i̱ ñati̱, nu lo'o ndyalú tañi ycui' ca yu lo'o ngujuii yu lo crusi ca bi'.

HEBREOS 6:4

Ná caja ñi'ya̱ cua'ni na lo'o ñati̱ nu nguxtyanu tsiya' ti ji'i̱ cha' bi'. Cua jlo ti' ngu' ñi'ya̱ laca lo'o cua ndyaala hique ngu' cha' ngulacua tso'o ti' ngu', jua'a̱ cua jlo ti' ngu' cha' tso'o tsa cua ña'a̱ ca cha' nu nda ycui' Ndyosi ya̱a̱ slo ngu'. Lo'o ngu' bi', cua ngua'ni Xtyi'i ycui' Ndyosi cña ne' cresiya ji'i̱ ngu' xqui'ya Jesús nquicha'.

1 PEDRO 3:21

Ñi'ya̱ nu ngua'ni lyaá Ni ji'i̱ ngu' nu nguta'a̱ ne' yaca ni'i̱ bi' lo hitya nu ngua sa'ni la, cha' ndaquiya' ngu' bi' ji'i̱ cha' nu nchcui' ycui' Ni; jua'a̱ clyaá ma̱ juani, cha' cua ndaquiya' ma̱ ji'i̱ cha' nu nchcui' Ni. Cua ndyaa ma̱ lo hitya cha' tyucuatya ma̱ li'. Si'i na caata ti na chcu laca cha' bi', si'i cha' cuu' cuaña' na, bi' cha' tyucuatya na li'; ndi'ya̱ laca cha': na cua ndijña na ji'i̱ ycui' Ndyosi cha' cua'ni lubii Ni ji'i̱ cresiya ji'na xqui'ya cha' cua ndyu'ú Jesucristo chaca quiya', bi' cha' ntyucuatya na.

1 JUAN 5:9

Ntucuá na ji'i̱ cha' nu nchcui' ñati̱ chalyuu lo'o na, pana juani ndulo la cha' nu nda ycui' Ndyosi lo'o na. Ca ta'a sna cha' nu nda ycui' Ndyosi, lcaa cha' bi' nchcui' cha' sca ti Jesucristo laca Sñi' ycui' Ndyosi.