1 JUAN 4:3 - Chatino Tataltepec

³ pana ñati̱ nu nacui̱ cha' si'i Sñi' ycui' Ndyosi laca Jesucristo lo'o ngula yu chalyuu ñi'ya̱ nu nclya ñati̱, ná ntsu'u Xtyi'i ycui' Ni ne' cresiya ji'i̱ ngu' bi'. Cha' ji'i̱ nu cuiñi nu nti' tyiji̱loo ji'i̱ Jesucristo laca cha' nu ntsu'u ne' cresiya ji'i̱ ngu' bi'; jua'a̱ cua ngua cuayá' ti' ma̱ cha' cua lijya̱ ti nu cuiñi bi', cha' masi juani cua laca ndi'i̱ bi' chalyuu.

1 JUAN 4:3 Iomraidhean Croise

SAN MATEO 24:5

Nde loo la ca̱a̱ tyu̱u̱ tya'a ngu' cuiñi nu ñacui̱ cha' cuentya jna' lijya̱ ngu'. “Cristo laca na'”, ñacui̱ ngu' bi' ji'i̱ ma̱, lo'o jua'a̱ cñilo'o ngu' ji'i̱ quiña'a̱ ñati̱ nu jlya ti' cha' bi'.

1 JUAN 2:18

Cu'ma̱ sñi' na', cua ndyalaa hora cha' tye lcaa cha' nu ntsu'u chalyuu. Cua jlo ti' ma̱ cha' cua lijya̱ sca ñati̱ tlyu nu cñilo'o ji'i̱ tya'a ñati̱ na cha' Cristo laca ycui' yu; xu̱u̱ tya'a yu bi' lo'o lcaa na nu ntsu'u cha' ji'na lo'o Cristo. Masi tyempo juani, quiña'a̱ tsa ngu' cuiñi ntsu'u chalyuu, nu nti' xu̱u̱ tya'a lo'o ñati̱ ji'i̱ Cristo; bi' cha' cua ngua cuayá' ti' na cha' cua ngulala ti tye lcaa cha'.

1 JUAN 2:22

¿Tilaca laca nu cuiñi lacua? Ñati̱ cuiñi bi' laca nu ñacui̱ cha' si'i Cristo laca Jesús, la cui' Cristo nu cua nda ycui' Ndyosi ji'i̱ cha' ya̱a̱ yu chalyuu. Nxu̱u̱ tya'a ngu' bi' lo'o ñati̱ nu ntsu'u cha' ji'i̱ lo'o Cristo, cha' ñacui̱ ngu' bi' cha' si'i nu sca ti Sñi' ycui' Ndyosi laca Jesucristo, cha' si'i ycui' Ndyosi laca Sti Jesucristo.

2 JUAN 1:7

Ntsu'u tsa ñati̱ cuiñi nu nchcui' cha' ná chañi cha' ngua Jesús ñati̱ lo'o ya̱a̱ yu chalyuu. Tyucui ña'a̱ lo yuu chalyuu ndya'a̱ ñati̱ nu nchcui' cha' cuiñi bi'; na nñilo'o ngu' bi' ji'i̱ tya'a ñati̱ na, jua'a̱ tya'a cusu̱u̱ ji'i̱ Cristo laca ngu' bi'.