1 JUAN 4:2 - Chatino Tataltepec

² Ndi'ya̱ ca cuayá' ti' na ñi'ya̱ laca ñati̱ nu cua ndyanu Xtyi'i ycui' Ndyosi ne' cresiya ji'i̱: lcaa ñati̱ nu nchcui' cha' chañi cha' nu sca ti Sñi' ycui' Ndyosi laca Jesucristo lo'o ngula yu chalyuu cha' ngua yu ñati̱, lcaa ñati̱ bi' cua ntsu'u Xtyi'i ycui' Ndyosi ne' cresiya ji'i̱ ngu';

1 JUAN 4:2 Iomraidhean Croise

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

1 CORINTIOS 12:3

Bi' cha' nti' tsa na' cha' caca cuayá' ti' ma̱ cha' re. Si'i Xtyi'i ycui' Ndyosi ndu'ni cha' ñacui̱ ngu': “Cuiñaja laca nu Jesús bi'”. Ná taca ñacui̱ ngu' jua'a̱ xqui'ya Xtyi'i ycui' Ndyosi. Lo'o ñacui̱ ngu': “Xu'na na laca Jesús”, Xtyi'i ycui' Ndyosi laca nu ndu'ni cha' ñacui̱ ngu' jua'a̱ li'.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

1 JUAN 1:2

Ngula Jesucristo nde lo yuu chalyuu su ndi'i̱ ya, lo'o jua'a̱ cua na'a̱ ya ji'i̱ ycui' yu; bi' laca cha' nu ndacha' ya ji'i̱ ma̱ juani, cha' chañi tsa laca cha' bi'. Nclyu'u ya ji'i̱ ma̱ ñi'ya̱ laca cha' tyucui tyempo lu'ú Jesucristo, cha' ntucua yu ca slo ycui' Ndyosi Sti na clyo; jua'a̱ nclyu'u ya ñi'ya̱ ngua cha' na'a̱ ya ji'i̱ yu nde chalyuu re.

1 JUAN 2:23

Si ñacui̱ na ji'i̱ ñati̱ cha' si'i Sñi' ycui' Ndyosi laca Jesucristo, ná ntsu'u cha' ji'na lo'o ycui' Ndyosi Sti Jesucristo, jua'a̱ ndyu'u cha' bi' li'; pana lo'o xñi na cha' ji'i̱ Sñi' ycui' Ni, cua ntsu'u cha' ji'na lo'o ycui' Ndyosi Sti yu, jua'a̱ ndyu'u cha' bi' li'.

1 JUAN 4:15

Ñati̱ nu tyaja'a̱ cacha' ji'i̱ tya'a ñati̱ cha' nu sca ti Sñi' ycui' Ndyosi laca Jesucristo, stu'ba ntsu'u tyiquee ycui' Ni lo'o ngu' bi' li'; jua'a̱ stu'ba ntsu'u tyiquee ngu' bi' lo'o ycui' Ni.

1 JUAN 4:3

pana ñati̱ nu nacui̱ cha' si'i Sñi' ycui' Ndyosi laca Jesucristo lo'o ngula yu chalyuu ñi'ya̱ nu nclya ñati̱, ná ntsu'u Xtyi'i ycui' Ni ne' cresiya ji'i̱ ngu' bi'. Cha' ji'i̱ nu cuiñi nu nti' tyiji̱loo ji'i̱ Jesucristo laca cha' nu ntsu'u ne' cresiya ji'i̱ ngu' bi'; jua'a̱ cua ngua cuayá' ti' ma̱ cha' cua lijya̱ ti nu cuiñi bi', cha' masi juani cua laca ndi'i̱ bi' chalyuu.

1 JUAN 5:1

Lcaa ñati̱ nu jlya ti' ji'i̱ Jesús, cha' laca yu Cristo nu cua nda ycui' Ndyosi ji'i̱ ya̱a̱ chalyuu, chañi cha' laca ngu' bi' sñi' ycui' Ndyosi. Ycui' Ndyosi laca Sti na, lo'o jua'a̱ ntsu'u tsa tyiquee na ña'a̱ na ji'i̱ Ni, bi' cha' ntsu'u tyiquee na ña'a̱ na ji'i̱ xa' la sñi' ycui' Ni, tya'a ngusñi na cha' ji'i̱ Jesús.

2 JUAN 1:7

Ntsu'u tsa ñati̱ cuiñi nu nchcui' cha' ná chañi cha' ngua Jesús ñati̱ lo'o ya̱a̱ yu chalyuu. Tyucui ña'a̱ lo yuu chalyuu ndya'a̱ ñati̱ nu nchcui' cha' cuiñi bi'; na nñilo'o ngu' bi' ji'i̱ tya'a ñati̱ na, jua'a̱ tya'a cusu̱u̱ ji'i̱ Cristo laca ngu' bi'.