1 JUAN 4:16 - Chatino Tataltepec

¹⁶ Ngua cuayá' ti' na li', cha' ntsu'u tsa tyiquee ycui' Ndyosi ña'a̱ Ni ji'na; jua'a̱ jlya ti' na li', cha' xcui' ntsu'u tsa tyiquee ycui' Ni ña'a̱ Ni ji'i̱ ñati̱ chalyuu. Lo'o ñati̱ nu jua'a̱ tso'o nti' ña'a̱ ngu' ji'i̱ tya'a ñati̱, nu xcui' jua'a̱ ndu'ni ngu' laja lo'o ndi'i̱ ngu' chalyuu, cua stu'ba ntsu'u tyiquee ngu' bi' lo'o ycui' Ndyosi; la cui' jua'a̱ stu'ba ntsu'u tyiquee ycui' Ndyosi lo'o ngu' bi' li'.

1 JUAN 4:16 Iomraidhean Croise

SAN JUAN 6:69

Jlya ti' ya jinu'u̱. Cua jlo ti' ya cha' ycui' Ndyosi laca nu cua ngusubi jinu'u̱, cha' sca ti nu'u̱ nu chañi cha' laca nu'u̱ Sñi' ycui' Ndyosi nu lijya̱ chalyuu.

SAN JUAN 9:3

―Si'i xqui'ya yu cua, si'i xqui'ya ngu' cusu' ji'i̱ yu ―nacui̱ Jesús ji'i̱ ngu'―. Na cuityi̱' yu lo'o ngula yu cha' taca ña'a̱ ngu' ñi'ya̱ laca cña tonu nu cua'ni ycui' Ndyosi lo'o cua'ni Ni cha' tyaca tso'o yu.

1 CORINTIOS 2:9

Ñi'ya̱ nu nscua cha' lo quityi cusu', jua'a̱ laca cha' bi'. Ndi'ya̱ nchcui' quityi bi': Cua ngua'ni cho'o ycui' Ndyosi cha' tso'o nu tyacua ji'i̱ ñati̱ nu ntsu'u tyiquee ji'i̱ ycui' Ni; laca bi' cha' nu bilya ña'a̱ ñati̱ chalyuu ji'i̱, cha' nu bilya cuna ñati̱ ji'i̱, ni ná ngulacua ti' ngu' cha' caca cha' bi'.

1 JUAN 3:1

Tlyu tsa cha' tso'o laca cha' ntsu'u tsa tyiquee ycui' Ndyosi Sti na ña'a̱ Ni ji'i̱ ca ta'a ngu' tya'a ntsu'u cha' ji'na lo'o Jesucristo; bi' cha' laca cha' nchcui' ycui' Ndyosi ji'na cha' sñi' ycui' Ni laca na, lo'o jua'a̱ chañi laca cha' bi'. Ná ntaja'a̱ ñati̱ chalyuu tyuloo ji'na cha' sñi' Ni laca na; la cui' jua'a̱ lo'o nguti'i̱ Jesucristo chalyuu, ná ntaja'a̱ ngu' tyuloo ngu' ji'i̱ yu li'.

1 JUAN 3:16

Nu lo'o cube ti' na cha' cuentya ji'na ntaja'a̱ Cristo ngujuii yu lo crusi, cha' ntsu'u tsa tyiquee Ni ña'a̱ Ni ji'na, li' ca cuayá' ti' na ña'a̱ cha' nu tso'o la cua'ni na, si ntsu'u tyiquee na ña'a̱ na ji'i̱ tya'a ngusñi na cha' ji'i̱ Ni. Tso'o si tyaja'a̱ na xtyucua na ji'i̱ tya'a na jua'a̱, masi hasta cajaa ycui' na cuentya ji'i̱ ngu' tya'a na.

1 JUAN 3:24

Nu lo'o taquiya' na ji'i̱ cña nu cua ngulo ycui' Ndyosi ji'na cha' cua'ni na, li' cua ntsu'u cha' ji'na lo'o ycui' Ndyosi, lo'o jua'a̱ ntsu'u cha' ji'i̱ Ni lo'o na li'. Jlo ti' na cha' bi', xqui'ya cha' cua nda ycui' Ndyosi Xtyi'i ycui' Ni cha' tyanu ne' cresiya ji'na.

1 JUAN 4:7

Cu'ma̱ ngu' tya'a na nu tyaca'a tsa ma̱ 'na, nga'a̱ cha' tyu'u tso'o tyiquee na ña'a̱ na ji'i̱ tya'a ñati̱ na; ycui' Ndyosi laca nu nclyo cña cha' xcui' tso'o ti tyu'u tyiquee na ña'a̱ na ji'i̱ tya'a ñati̱ na. Lcaa ñati̱ nu ntsu'u tyiquee ña'a̱ ji'i̱ tya'a ñati̱, sñi' ycui' Ndyosi laca ngu' bi', lo'o jua'a̱ tyu'u cha' ji'i̱ ngu' bi' lo'o ycui' Ni.