1 JUAN 3:4 - Chatino Tataltepec

⁴ Si ndu'ni na cha' cuxi, laca cha' ná ntaja'a̱ na cua'ni na cña nu ngulo ycui' Ndyosi ji'na; ntsu'u qui'ya ji'na xqui'ya cha' ná ntaja'a̱ na taquiya' na ji'i̱ cha' nu nchcui' Ni lo'o na.

1 JUAN 3:4 Iomraidhean Croise

SAN MATEO 5:19

Bi' cha' juani, nga'aa ta Ni su tyi'i̱ ñati̱ slo ycui' Ni si ná taquiya' ngu' ji'i̱ cua ña'a̱ ca cña̱ nu nda ycui' Ni ji'i̱ ngu' cha' cua'ni ngu', si culu'u ngu' ji'i̱ tya'a ñati̱ ngu' cha' nga'aa ntsu'u cha' taquiya' ngu' ji'i̱ cña bi'. Lo'o jua'a̱ ta Ni su tyi'i̱ ñati̱ ca slo ycui' Ni si taquiya' ngu' ji'i̱ lcaa cña bi', si culu'u ngu' cña bi' ji'i̱ tya'a ñati̱ ngu'.

LOS HECHOS 23:3

―La cui' jua'a̱ quiji'i̱ ycui' Ndyosi jinu'u̱ tu'ni ―nacui̱ Pablo ji'i̱ xu'na sti jo'ó bi' li'―. Cuiñi nu'u̱. ¿Ha liñi tsa ndu'ni nu'u̱ nti'? Nde ndyu'ni cuayá' ma̱ jna' cuentya ji'i̱ chacuayá' nu ntsu'u ji'na, pana cua ngulo nu'u̱ cña cha' quiji'i̱ ya' ngu' tu'ba na', masi ná ntsu'u chacuayá' cua'ni nu'u̱ jua'a̱.

ROMANOS 3:20

Masi cua'ni na lcaa ca cha' nu nguscua ngu' lo quityi cusu' bi', ná caca ca tso'o tyiquee na cuentya ji'i̱ ycui' Ndyosi lo'o ndyu'ni ti na jua'a̱; tsa bi' ti cña ndu'ni quityi bi', cha' caca cuayá' ti' na cha' ntsu'u tsa qui'ya ji'na cuentya ji'i̱ ycui' Ndyosi.

ROMANOS 4:15

Xcui' na xcube' ti Ni ji'na, nu lo'o caca cuayá' ji'na slo ycui' Ndyosi cuentya ji'i̱ cha' cusu' bi'; pana ná caja ñi'ya̱ nu sta Ni qui'ya ji'na si ná nscua sca cha' nu ndaca'a ji'na jua'a̱.

2 CORINTIOS 12:21

Nu lo'o tyalaa na' chaca quiya' ca slo ma̱ juani ti, si quije cha' jna' cha' jua'a̱ ndu'ni ma̱, ná tyiquee' quiña'a̱ tsa cha' tyuju'u ti' caca 'na cuentya ji'i̱ ycui' Ndyosi nu laca Xu'na na', nu lo'o ña'a̱ na' ji'i̱ cu'ma̱. Xi'ya tsa na' li', ña'a̱ cuayá' xñii hitya cloo na'; xi'ya na' xqui'ya ngu' nu ngua'ni cha' cuxi bi' tya tsubi' la, cha' bilya ca tyuju'u ti' ngu' bi' ji'i̱ cha' suba' nu ngua'ni ngu', cha' ntsu'u tsa cha' cuxi nu ndyu'ni ngu' lo'o tya'a ngu', cha' ná lubii cresiya ji'i̱ ngu' bi' tsiya' ti.

SANTIAGO 5:15

Tyaca tso'o nu ñati̱ quicha bi' li', xqui'ya cha' jlya ti' ma̱ cha' nu cua nchcui' ma̱ lo'o ycui' Ndyosi; tya ta Ni chalyuu ji'i̱ nu quicha bi' chaca quiya', lo'o jua'a̱ cui'ya Ni cha' clyu ti' ji'i̱ yu ji'i̱ qui'ya nu ntsu'u ji'i̱ yu.

1 JUAN 5:17

Chañi cha' sta ycui' Ndyosi qui'ya ji'i̱ lcaa na lo'o tya'a na xqui'ya cha' cuxi nu ndyu'ni na. Pana ntsu'u sca lo qui'ya nu ná taca cui'ya Ni cha' clyu ti' ji'i̱ tsiya' ti.