1 JUAN 2:7 - Chatino Tataltepec

⁷ Cu'ma̱ tya'a ngusñi na cha' ji'i̱ Jesús, cua nscua cha' lo quityi re cha' tyaja'a̱ ma̱ tyu'u tso'o tyiquee ma̱ ña'a̱ ma̱ ji'i̱ tya'a ñati̱ ma̱. Si'i sca cha' nu bilya cuna ma̱ laca cha' bi'; cua ndyuna ma̱ cha' bi' tya lo'o ngusñi ma̱ cha' ji'i̱ Jesucristo tya clyo la, cha' la cui' ti cha' bi' laca nu cua nscua cua sa'ni.

1 JUAN 2:7 Iomraidhean Croise

SAN MATEO 5:43

’Cua ndyuna ma̱ cha' nu nchcui' jyo'o cusu' sa'ni. Ndi'ya̱ nacui̱: “Cua'ni tyaca'a ma̱ ji'i̱ ngu' tya'a ma̱, lo'o jua'a̱ ca ti'í ti' ma̱ ji'i̱ tya'a cusu̱u̱ ma̱”.

SAN JUAN 13:34

Nde chcui' na' sca cña cucui lo'o ma̱ cha' cua'ni ma̱: Nga'a̱ cha' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱; ñi'ya̱ ntsu'u tsa tyiquee na' ña'a̱ na' ji'i̱ ma̱, la cui' jua'a̱ nga'a̱ cha' tyu'u tyiquee ma̱ ña'a̱ ma̱ ji'i̱ tya'a ñati̱ ma̱.

LOS HECHOS 17:19

Li' ngusñi ngu' ya' Pablo cha' tsaa lo'o ngu' ji'i̱ ca su ndyu'u ti'i̱ ngu' cusu' quichi̱ bi', sca yuu laja ti nu naa Areópago. ―Nti' ya cha' caca cuayá' ti' ya, ¿ñi'ya̱ ndyu'u cha' nu nclyu'u nu'u̱ ji'i̱ ya? ―nacui̱ ngu' ji'i̱ Pablo―. Sca cha' cucui laca cha' nu nchcui' nu'u̱ re;

HEBREOS 6:9

Cu'ma̱ tya'a tso'o na, nu ntsu'u tsa tyiquee ya ña'a̱ ya ji'i̱ ma̱, nga'aa ntsu'u cha' culacua ti' ya cha' ji'i̱ ma̱ jua'a̱, masi nchcui' ya ñi'ya̱ nu cua nchcui' ca ti ya. Cua jlo ti' ya cha' tso'o ti ndyaca ji'i̱ ma̱ juani, tya lo'o ngua'ni lyaá Jesús ji'i̱ ma̱ ji'i̱ nu cuxi.

1 JUAN 2:24

Bi' cha' nga'a̱ cha' tyanu tachaa cha' bi' ne' cresiya ji'i̱ ma̱, cha' nu cua ndyuna ma̱ ji'i̱ Jesús tya lo'o ngusñi ma̱ cha' ji'i̱ yu tya clyo. Si tya ndyanu cha' bi' ne' cresiya ji'i̱ ma̱, stu'ba tsa ntsu'u tyiquee ma̱ lo'o Jesucristo masi tya ndi'i̱ ma̱ chalyuu, lo'o jua'a̱ stu'ba ntsu'u tyiquee ma̱ lo'o ycui' Ndyosi Sti na li'.

1 JUAN 3:11

Nde nscua la cui' cha' nu cua ndyuna ma̱ lo'o ngusñi ma̱ cha' ji'i̱ Jesús tya clyo: nga'a̱ cha' tyu'u tyiquee na ña'a̱ na ji'i̱ tya'a ñati̱ na.

1 JUAN 3:2

Cu'ma̱ ngu' tya'a na nu tyaca'a tsa ma̱ 'na, nu juani ti laca na sñi' ycui' Ndyosi; pana bilya caja cha' ji'na ñi'ya̱ nu tso'o la ña'a̱ na, nu lo'o tyi'i̱ na lo'o ycui' Ni nde loo la. Ñi'ya̱ laca ycui' Jesucristo, jua'a̱ caca na lo'o culu'u loo Jesucristo ji'na lo'o cua ndye chalyuu re; li' taca ña'a̱ na ji'i̱ Jesucristo ñi'ya̱ nu laca ycui'. Tsa bi' ti cha' nchca cuayá' ti' na juani.

1 JUAN 3:21

Cu'ma̱ ngu' tya'a na nu tyaca'a tsa ma̱ 'na, si jlo ti' na cha' ná ntsu'u qui'ya ji'na, tyucui tyiquee na taca chcui' na lo'o ycui' Ndyosi li';

1 JUAN 3:23

Nde laca cña nu cua nda ycui' Ndyosi cha' cua'ni sa scaa na: nga'a̱ cha' xñi tso'o na cha' ji'i̱ Jesucristo Sñi' ycui' Ni; la cui' jua'a̱ tso'o ti tyu'u tyiquee na ña'a̱ na ji'i̱ tya'a ñati̱ na, ñi'ya̱ nu cua nacui̱ ycui' Ni ji'na.

1 JUAN 4:1

Cu'ma̱ tya'a ngusñi na cha' ji'i̱ Cristo nu tyaca'a tsa ma̱ 'na, ná xñi ma̱ cha' ji'i̱ cua ña'a̱ ca ñati̱ nu ñacui̱ cha' cua nda ycui' Ndyosi Xtyi'i ycui' Ni ji'i̱ ngu' bi'. Cua'ni cuayá' ma̱ ji'i̱ ngu' bi' clyo, cha' quijeloo cha' ji'i̱ ma̱ lo'o ngu' si chañi cha' cua ndyanu Xtyi'i ycui' Ndyosi ne' cresiya ji'i̱ ngu' bi', si cha' cuiñi ti laca nu nchcui' ngu' bi'. Cua ndu'u tucua tyu̱u̱ tsa tya'a ngu' cuiñi chalyuu juani, nu nñilo'o ji'i̱ ñati̱ cha' cuentya ji'i̱ ycui' Ndyosi nchcui' ngu'.

1 JUAN 4:11

Cu'ma̱ ngu' tya'a na nu tyaca'a tsa ma̱ 'na, nga'a̱ cha' tso'o ti tyu'u tyiquee na ña'a̱ na ji'i̱ tya'a ñati̱ na, cha' jua'a̱ ntsu'u tsa tyiquee ycui' Ndyosi ña'a̱ Ni ji'na.

1 JUAN 4:21

Cua ngulo Ni cña bi' ji'na ndi'ya̱: Tso'o ti tyu'u tyiquee ma̱ ña'a̱ ma̱ ji'i̱ ycui' Ndyosi, lo'o jua'a̱ xcui' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱.

1 JUAN 4:7

Cu'ma̱ ngu' tya'a na nu tyaca'a tsa ma̱ 'na, nga'a̱ cha' tyu'u tso'o tyiquee na ña'a̱ na ji'i̱ tya'a ñati̱ na; ycui' Ndyosi laca nu nclyo cña cha' xcui' tso'o ti tyu'u tyiquee na ña'a̱ na ji'i̱ tya'a ñati̱ na. Lcaa ñati̱ nu ntsu'u tyiquee ña'a̱ ji'i̱ tya'a ñati̱, sñi' ycui' Ndyosi laca ngu' bi', lo'o jua'a̱ tyu'u cha' ji'i̱ ngu' bi' lo'o ycui' Ni.