1 JUAN 2:4 - Chatino Tataltepec

⁴ Cuiñi tsa ñati̱ nu nacui̱ cha' ntsu'u cha' ji'i̱ ngu' lo'o Jesucristo, si ná ndaquiya' ngu' ji'i̱ cña nu nclyo Ni ji'i̱ ngu'; ná liñi cha' nu ntsu'u tyiquee ngu' bi'.

1 JUAN 2:4 Iomraidhean Croise

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

TITO 1:10

Cua ntsu'u tyu̱u̱ tya'a ngu' nu ná ntaja'a̱ taquiya' ngu' ji'i̱ cha' nu nchcui' ngu' nu laca loo, ntsu'u quiña'a̱ tsa ngu' judío nu ndyu'ni jua'a̱; cuiñi tsa cha' nu nchcui' ngu' bi', cha' jua'a̱ cñilo'o ngu' ji'i̱ tya'a ngu'.

TITO 1:16

Ñati̱ ji'i̱ ycui' Ndyosi laca ngu' bi', nacui̱ ycui' ngu', pana ná ndyu'ni ngu' tsiya' ti ñi'ya̱ nu nti' ycui' Ndyosi; bi' cha' caca cuayá' ti' na cha' cuiñi ngu' bi'. Cuxi tsa ndyu'ni ngu' bi', cha' ná ntaja'a̱ ngu' taquiya' ngu' ji'i̱ cha' nu liñi ca; ni sca cha' tso'o ná ca cua'ni ngu' bi' tsiya' ti.

1 JUAN 1:10

Ñi'ya̱ si cua nacui̱ na cha' na cuiñi ycui' Ndyosi, jua'a̱ ndyu'u cha' si ñacui̱ na cha' ná ntsu'u qui'ya ji'na tsiya' ti; ná ngusñi su̱u̱ cha' ji'i̱ ycui' Ndyosi ne' cresiya ji'na, si tya ñacui̱ na jua'a̱.

1 JUAN 1:6

Cha' cuiñi laca nu nda na si ñacui̱ na cha' stu'ba ntsu'u tyiquee na lo'o ycui' Ndyosi, lo'o li' ña'a̱ ti tya ndiya ti' na cha' cuxi; ndi'i̱ na chalyuu ñi'ya̱ laca si talya tsa ña'a̱ su ndi'i̱ na li', cha' ná tso'o ndu'ni na.

1 JUAN 1:8

Si ñacui̱ na cha' ná ntsu'u qui'ya ji'na tsiya' ti, na ñilo'o na ji'i̱ ycui' ca ti na li', cha' ná nchca chcui' na cha' liñi.

1 JUAN 2:3

Nu lo'o nti' na taquiya' na cua ña'a̱ ca cña nu nti' Ni cha' cua'ni na, li' taca jlo ti' na cha' chañi cha' ntsu'u cha' ji'na lo'o Jesucristo.

1 JUAN 2:9

Ñati̱ nu ñacui̱: “Cua ngusñi ya cha' ji'i̱ Jesucristo, lubii tsa cresiya ji'i̱ ya juani”, ñacui̱ ngu', pana tya ti'í ti' ngu' bi' ña'a̱ ngu' ji'i̱ tya'a ñati̱ ngu', ña'a̱ ti tya ntsu'u tsa cha' cuxi ne' cresiya ji'i̱ ngu' bi', ñi'ya̱ laca sca se'i̱ su talya tsa ña'a̱.

1 JUAN 3:6

Ni sca ñati̱ nu nxñi tso'o cha' ji'i̱ Jesucristo lcaa tsa̱, nga'aa nscua cha' cua'ni ngu' bi' cha' cuxi. Nu ñati̱ nu ndu'ni cha' cuxi lcaa tsa̱, ndu'ni ngu' cha' cuxi xqui'ya cha' bilya tyu'u cha' ji'i̱ ngu' bi' lo'o Jesucristo, bilya xñi ngu' cha' ji'i̱ Ni.

1 JUAN 4:20

Ngu' nu ñacui̱ ndi'ya̱: “Ntsu'u tsa tyiquee na' ña'a̱ na' ji'i̱ ycui' Ndyosi”, lo'o li' ña'a̱ ti tya liye' ti' ngu' bi' ña'a̱ ngu' ji'i̱ tya'a ngu', cha' cuiñi ti laca nu nchcui' ngu' bi'. Ndi'ya̱ ndyu'u cha' bi': taca ña'a̱ na ji'i̱ tya'a ñati̱ na, pana ycui' Ndyosi ni, bilya ña'a̱ na ji'i̱ Ni tsiya' ti; bi' cha' lacua, si ná ntsu'u tyiquee na ña'a̱ na ji'i̱ tya'a ngusñi na cha' ji'i̱ Jesucristo, li' ná taca ñacui̱ na cha' ntsu'u tyiquee na ña'a̱ na ji'i̱ ycui' Ndyosi Sti na.

1 JUAN 4:7

Cu'ma̱ ngu' tya'a na nu tyaca'a tsa ma̱ 'na, nga'a̱ cha' tyu'u tso'o tyiquee na ña'a̱ na ji'i̱ tya'a ñati̱ na; ycui' Ndyosi laca nu nclyo cña cha' xcui' tso'o ti tyu'u tyiquee na ña'a̱ na ji'i̱ tya'a ñati̱ na. Lcaa ñati̱ nu ntsu'u tyiquee ña'a̱ ji'i̱ tya'a ñati̱, sñi' ycui' Ndyosi laca ngu' bi', lo'o jua'a̱ tyu'u cha' ji'i̱ ngu' bi' lo'o ycui' Ni.