Li' nguxtyacui Jesús cha' lo'o ngu': ―Tya xi ca tsa̱ tya tyi'i̱ na' slo cu'ma̱, na' nu ta̱ xee nu tyu'ú ne' cresiya ji'i̱ ñati̱ ―nacui̱ Jesús―. Bi' cha' juani yaa ma̱ su nga'a̱ cha' tsaa ma̱ lo'o tya xee ti, cha' ná cua'ni nu cuxi ngana ji'i̱ ma̱, nu cuxi nu nda talya chalyuu. Nu lo'o talya ña'a̱ su ndya'a̱ na, ná jlo ti' na ma nde ndya'a̱ na li'.
1 JUAN 2:11 - Chatino Tataltepec11 Ñati̱ nu ti'í ti' ji'i̱ tya'a ñati̱ ni, tya ntsu'u tsa cha' cuxi ne' cresiya ji'i̱ ngu' bi'; ñi'ya̱ nti' ngu' lo'o ndi'i̱ ngu' su talya ña'a̱, jua'a̱ ti nti' ngu' bi' ndi'i̱ ngu' chalyuu, cha' ná nchca quije tyucui̱i̱ liñi su tsaa ngu', cha' lye tsa ndacu̱' talya xee nu ña'a̱ ngu' bi' li'. Faic an caibideil |
1 JUAN 2:11
16 Iomraidhean Croise
Cua ndacu̱' ycui' Ndyosi hique ngu' bi', ngua'ni Ni cha' cu'u̱ ti hique ngu' bi'. Jua'a̱ ngua cha' ná ña'a̱ ngu' ni cha' laca bi', cha' ná caca cuayá' ti' ngu' cha' bi'. Lo'o jua'a̱ ná ntaja'a̱ ngu' culochu̱' ngu' ji'i̱ cha' cuxi nu ntsu'u tyiquee ngu', bi' cha' ná nchca cui'ya na' cha' clyu ti' ji'i̱ ngu' ji'i̱ cha' cuxi bi' li', nacui̱ ycui' Ni.
Ndyacu̱' tsa cha' hique ngu' Israel nu ngua li', cha' ná ngua cuayá' ti' ngu' cha' ji'i̱ ycui' Ndyosi tsiya' ti. Masi chalyuu juani, jua'a̱ laca lo'o quityi cha' jo'ó nu nguscua jyo'o Moisés, la cui' cña nu ngulo ycui' Ndyosi ji'i̱ ñati̱ nu ngua sa'ni bi'; nu lo'o chcui' ti ngu' judío lo quityi cha' jo'ó bi', ña'a̱ ti ná nchca ca'ya cha' bi' hique ngu' bi'. Tsiya' ti taca ca'ya cha' bi' hique ngu' lo'o xñi ngu' bi' cha' ji'i̱ Jesús; li' saala Ni hique ngu' cha' cuna tso'o ngu' cha' ji'i̱ Ni.
Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.
Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.
Pana si ná ndu'ni ma̱ lcaa lo cha' bi', si ná ndi'i̱ tso'o ma̱ jua'a̱, laca ma̱ ñi'ya̱ laca sca nu cuityi̱' nu ndacu̱' ycui' ca ti yu cloo yu. Nga'aa nti' yu cuityi̱' bi' tyi'u ti' yu ñi'ya̱ ngua'ni lubii ycui' Ndyosi ne' cresiya ji'i̱ yu, nu lo'o ngüityi̱ Ni cha' cuxi nu ntsu'u ne' cresiya ji'i̱ yu.
Ngu' nu ñacui̱ ndi'ya̱: “Ntsu'u tsa tyiquee na' ña'a̱ na' ji'i̱ ycui' Ndyosi”, lo'o li' ña'a̱ ti tya liye' ti' ngu' bi' ña'a̱ ngu' ji'i̱ tya'a ngu', cha' cuiñi ti laca nu nchcui' ngu' bi'. Ndi'ya̱ ndyu'u cha' bi': taca ña'a̱ na ji'i̱ tya'a ñati̱ na, pana ycui' Ndyosi ni, bilya ña'a̱ na ji'i̱ Ni tsiya' ti; bi' cha' lacua, si ná ntsu'u tyiquee na ña'a̱ na ji'i̱ tya'a ngusñi na cha' ji'i̱ Jesucristo, li' ná taca ñacui̱ na cha' ntsu'u tyiquee na ña'a̱ na ji'i̱ ycui' Ndyosi Sti na.
Quiña'a̱ tsa cha' ntsu'u ji'i̱ ya, nacui̱ ma̱. Cua ngujui sca chalyuu tso'o ji'i̱ ya, bi' cha' nga'aa ntsu'u cha' nu lyiji ji'i̱ ya, nacui̱ ma̱. Pana ná nda ma̱ cuentya cha' tya'na tsa ma̱ nti' na' ña'a̱ na' ji'i̱ ma̱. Tso'o la si ca tyuju'u ti' ma̱, nti' na', cha' nga'aa ntsu'u cha' ji'i̱ ma̱ tsiya' ti; ntsu'u tsa cha' nu lyiji ji'i̱ ma̱ nti' na' ña'a̱ na' ji'i̱ ma̱, bi' cha' ná nchca culacua tso'o ti' ma̱ tsiya' ti.
Sanasan