1 JUAN 1:9 - Chatino Tataltepec

⁹ Pana taca jlya ti' na ji'i̱ ycui' Ndyosi cha' cua'ni clyu ti' Ni ji'na ji'i̱ qui'ya nu ntsu'u ji'na, nu lo'o ñii na ji'i̱ Ni cha' ntsu'u qui'ya ji'na. Tso'o tsa ndu'ni Ni lo'o na li'; hasta cuityi̱ Ni lcaa cha' cuxi nu ntsu'u ne' cresiya ji'na, xqui'ya cha' ngujuii Jesús lo crusi.

1 JUAN 1:9 Iomraidhean Croise

SAN MATEO 3:6

Li' ntyucuatya Juan ji'i̱ ngu' nu ndya'a̱ slo yu nde lo hitya Jordán, ntyucuatya yu ji'i̱ lcaa ngu' nu nchcui' cha' ngua tyuju'u ti' ngu' ji'i̱ cha' cuxi nu ndyu'ni ngu'.

SAN MARCOS 1:5

Ndyu'u ti'i̱ quiña'a̱ tsa ñati̱ slo Juan; ñaa ngu' quichi̱ sube ti nu ndi'i̱ loyuu su cuentya Judea slo yu, lo'o jua'a̱ ñaa ngu' Jerusalén nu quichi̱ tonu bi' slo yu. Nu ñati̱ nu ngua tyuju'u tsa ti' ji'i̱ cha' cuxi nu ntsu'u ji'i̱ ngu' ni, ngüijña ngu' ji'i̱ ycui' Ndyosi cha' cuityi̱ Ni cha' cuxi bi', lo'o li' ntyucuatya Juan ji'i̱ ngu' bi' lo hitya sta'a̱ Jordán.

SAN LUCAS 22:57

Hora ti nguxacui̱ Pedro cha' ji'i̱ nu cuna'a̱ bi': ―Ma' cusu', ná nslo na' ji'i̱ yu jua ―nacui̱ Pedro li'.

SAN JUAN 17:25

Sti na' ―nacui̱ Jesús―, xcui' cha' liñi ndu'ni nu'u̱. Nslo na' jinu'u̱, masi ná nslo ñati̱ chalyuu jinu'u̱. Pana jlo ti' ñati̱ nu ngusñi cha' jna' cha' nu'u̱ laca nu nda 'na lijya̱a̱ nde chalyuu.

LOS HECHOS 19:18

Lo'o li' ya̱a̱ tyu̱u̱ tya'a ngu' nu cua ngusñi cha' ji'i̱ Jesús, nu ntyuju'u tsa ti' ji'i̱ lcaa cha' cuxi nu ngua'ni ngu';

ROMANOS 3:26

Nu juani ngulu'u Ni ji'na cha' liñi tsa ndu'ni ycui' Ni; jua'a̱ taca ji'i̱ Ni cua'ni lubii cresiya ji'i̱ scaa na, si tyaja'a̱ na xñi na cha' ji'i̱ Jesús.

1 CORINTIOS 1:9

Ycui' Ndyosi ndu'ni cña, lcaa cña nu cua nacui̱ Ni cha' cua'ni Ni; bi' laca nu ngusubi ji'i̱ ma̱ cha' caca stu'ba cha' ji'i̱ ma̱ lo'o Jesucristo nu Xu'na na, nu sca ti Sñi' ycui' Ndyosi.

1 CORINTIOS 6:11

Lo'o jua'a̱ ntsu'u xi cu'ma̱ nu ngua'ni ma̱ la cui' tya'a cha' cuxi bi' tya sa'ni la; pana cua xa' ña'a̱ ndu'ni ma̱ juani, cha' cua ngüityi̱ Jesús lcaa qui'ya nu ntsu'u ji'i̱ ma̱ tya li', cua ndyatí̱ ma̱ cuentya ji'i̱ ycui' Ndyosi li'. Cua ngüiñi cha' ji'i̱ ma̱ lo'o ycui' Ndyosi nu lo'o ngusñi ma̱ cha' ji'i̱ ycui' Jesucristo nu Xu'na na, lo'o li' cua nda Ni Xtyi'i ycui' Ni cha' tyanu ne' cresiya ji'i̱ ma̱.

EFESIOS 5:26

Ngujuii yu cha' caja ñi'ya̱ cua'ni lubii yu ji'i̱ ñati̱ nu xñi cha' ji'i̱ yu; ngua ti' Jesús cha' cuna ngu' lcaa cha' ji'i̱ ycui' yu, cha' taca cuityi̱ Ni qui'ya nu ntsu'u ji'i̱ ngu', cha' ta Ni chalyuu cucui ji'i̱ ngu'. Jua'a̱ ngua'ni Ni cha' sca ti quiya' laca ngu' bi' ñati̱ ji'i̱ Ni. Lo'o li' taca tyucuatya ngu' ji'i̱ ngu' bi' cuentya ji'i̱ Jesús.

1 TIMOTEO 1:15

Taca xñi tso'o ngu' cha' nu nchcui' ndi'ya̱: Cua ya̱a̱ Jesucristo nde chalyuu cha' cua'ni lyaá Ni ji'i̱ ñati̱ chalyuu nu ntsu'u qui'ya ji'i̱. Lo'o na', tlyu la xqui'ya na' que xa' la ñati̱, cha' cuxi tsa cña nu ngua'ni na' lo'o ñati̱ ji'i̱ Jesucristo nu ngua sa'ni la.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

HEBREOS 10:23

Cua'ni na cha' jlya tso'o ti' na cha' nu cua ngusñi na tya clyo lacua, ná tya'a̱chu̱' na ji'i̱ cha' bi' tsiya' ti. Taca jlya ti' na ji'i̱ ycui' Ndyosi, cha' chañi cha' cua'ni Ni lcaa cha' nu cua nacui̱ Ni ji'na.

HEBREOS 11:11

Lo'o ycui' Sara clyo'o yu ni, jlya ti' ma' ji'i̱ ycui' Ndyosi, bi' cha' ngua tana ma', masi cusu' tsa ma', masi bilya caja sñi' ma' tsiya' ti. Ngujui sñi' ma' lacua, xqui'ya cha' jlya ti' ma' ji'i̱ ycui' Ndyosi, cha' chañi cua'ni Ni lcaa ña'a̱ cha' nu cua nacui̱ Ni ji'i̱ ma'.

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.

1 JUAN 1:7

Pana si lubii cresiya ji'na ñi'ya̱ lo'o lubii cresiya ji'i̱ ycui' Ni, ndu'ni na cha' tso'o li'; stu'ba ti caca tyiquee na lo'o tya'a ngusñi na cha' ji'i̱ Jesús li'. Lo'o jua'a̱ cuityi̱ Ni qui'ya nu ntsu'u ji'na, xqui'ya cha' cua ndyalú tañi Jesús Sñi' ycui' Ni lo'o ngujuii yu lo crusi.

APOCALIPSIS 15:3

Ndyula tu'ba ngu' sca ji̱i̱ nu cua ndyula tu'ba jyo'o Moisés nu ngua sa'ni, la cui' Moisés nu ngua'ni cña ji'i̱ ycui' Ndyosi; lo'o nu ñi'ya̱ ña'a̱ xlya' bi' ndyula tu'ba la cui' ji̱i̱ bi'. Ndi'ya̱ nchcui' ji̱i̱ bi': Ndyosi Xu'na ya, lcaa cña nchca jinu'u̱; tlyu tsa cña ndu'ni nu'u̱, hasta ndube tsa ti' lcaa ñati̱ ji'i̱ cña bi'. Xcui' ndu'ni liñi nu'u̱ lo'o ñati̱ chalyuu, chañi tsa laca lcaa cha' nu nchcui' nu'u̱ lo'o ñati̱. Sca ti nu'u̱ laca Xu'na lcaa ñati̱ tyucui ña'a̱ chalyuu.