1 JUAN 1:4 - Chatino Tataltepec

⁴ bi' cha' nscua ya quityi re, cha' lcaa tsa̱ tso'o ti tyi'i̱ tyiquee na.

1 JUAN 1:4 Iomraidhean Croise

SAN JUAN 15:11

’Nchcui' na' jua'a̱ lo'o cu'ma̱, cha' lo'o ña'a̱ ma̱ cha' chaa ti' na' ndu'ni na' cña ji'i̱ ycui' Ndyosi Sti na', la cui' jua'a̱ cu'ma̱, ná nga'a̱ cha' tye cha' caca chaa ti' ma̱.

SAN JUAN 16:24

Si'i chacuayá' 'na ngüijña ma̱ cha' ji'i̱ ycui' Ndyosi Sti na' sa'ni la; pana jua'a̱ jña ma̱ cha' ji'i̱ Ni juani, cha' caja cha' bi' ji'i̱ ma̱, cha' xcui' na caca chaa ti' ma̱ su ndi'i̱ ma̱ li'.

SAN JUAN 3:29

Ñi'ya̱ nu laca lo'o ngujui clyo'o ngu', sca ti nu cutsii bi' ngujui clyo'o lo'o nu cuxi̱i̱; pana lcaa tya'a tso'o cutsii nu ndi'i̱ ca bi', tso'o tsa ntsu'u tyiquee ngu'. Ñi'ya̱ lo'o chaa ti' ngu' ndi'i̱ ngu' lo'o ngujui clyo'o ngu', jua'a̱ na' tso'o tsa ntsu'u tyiquee na' cha' ña'a̱ na' ji'i̱ ngu' nu ndya'a̱ lo'o Jesús ―nacui̱ Juan―.

2 CORINTIOS 1:24

Pana tso'o la masi si'i xqui'ya cuare ti taquiya' ma̱ cha' ji'i̱ ycui' Ndyosi, cha' ne' tyiquee ycui' ca ma̱ cua ngusñi tso'o ma̱ cha' ji'i̱ Jesús. Na cua nti' ya xtyucua ya ji'i̱ ma̱ cha' ca chaa la ti' ma̱ laja lo'o ndyu'ni tlyu ycui' ca ma̱ ji'i̱ Jesús.

EFESIOS 3:19

Bi' cha' nti' tsa na' cha' ca cuayá' tso'o ti' ma̱ cha' ntsu'u tsa tyiquee Cristo ña'a̱ Ni ji'na, masi sca cha' tlyu tsa nu ná nchca ca cuayá' tso'o ti' na ji'i̱ laca cha' bi'. Lo'o jua'a̱ nti' na' cha' tyi'i̱ ycui' Ndyosi lo'o lcaa ma̱, cha' ná tyu'u tyiquee ma̱ ji'i̱ xa' la cha' tsiya' ti.

1 JUAN 2:1

Ñi'ya̱ nti' na' ña'a̱a̱ ji'i̱ sñi' na', jua'a̱ nti' na' ña'a̱a̱ ji'i̱ cu'ma̱, cha' tyaca'a tsa ma̱ 'na; bi' cha' nscua na' quityi re cha' ca̱a̱ ca slo cu'ma̱, cha' ná nti' na' cha' sta ycui' Ndyosi qui'ya ji'i̱ ma̱. Pana si ntsu'u cha' sta Ni qui'ya ji'na lo'o cua ngusñi na cha' ji'i̱ Jesucristo, la cui' Jesucristo laca nu cua nchcube' yu cña loo na. Sca ñati̱ nu lubii tsa laca nu Jesucristo bi'.

2 JUAN 1:12

Tya ntsu'u tsa cha' nu nti' na' chcui̱' lo'o ma̱, pana tso'o la masi ná lo'o cha' bi' scua na' lo quityi re. Tiya' la nti' na' ca̱a̱ na' ca su ndi'i̱ cu'ma̱, lo'o li' ycui' ca na' taca ta na' cha' bi' lo'o ma̱; li' chañi cha' tso'o ti taca tyu'u tyiquee na ña'a̱ na ji'i̱ tya'a na.