1 JUAN 1:10 - Chatino Tataltepec

¹⁰ Ñi'ya̱ si cua nacui̱ na cha' na cuiñi ycui' Ndyosi, jua'a̱ ndyu'u cha' si ñacui̱ na cha' ná ntsu'u qui'ya ji'na tsiya' ti; ná ngusñi su̱u̱ cha' ji'i̱ ycui' Ndyosi ne' cresiya ji'na, si tya ñacui̱ na jua'a̱.

1 JUAN 1:10 Iomraidhean Croise

SAN JUAN 3:33

Si taquiya' na ji'i̱ cha' nu nda Jesús, li' ndu'ni na lo'o tya'a na cha' liñi tsa laca cha' nu nda ycui' Ndyosi lo'o na.

COLOSENSES 3:16

Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.

1 JUAN 1:8

Si ñacui̱ na cha' ná ntsu'u qui'ya ji'na tsiya' ti, na ñilo'o na ji'i̱ ycui' ca ti na li', cha' ná nchca chcui' na cha' liñi.

1 JUAN 2:14

Cu'ma̱ ngu' cusu', cua ngusñi ma̱ cha' ji'i̱ Jesucristo, la cui' Cristo nu cua lu'ú lo'o ycui' Ndyosi Sti yu tya clyo, bi' cha' nscua na' quityi re cha' ca̱a̱ ca slo ma̱. Cu'ma̱ ngu' cuañi', nguula ti ti' ma̱ ndi'i̱ ma̱, cha' cua ndyanu tso'o cha' ji'i̱ ycui' Ndyosi ne' cresiya ji'i̱ ma̱; cua ntiji̱loo ma̱ ji'i̱ nu xña'a̱, bi' cha' laca nscua na' quityi re cha' ca̱a̱ slo ma̱.

1 JUAN 2:4

Cuiñi tsa ñati̱ nu nacui̱ cha' ntsu'u cha' ji'i̱ ngu' lo'o Jesucristo, si ná ndaquiya' ngu' ji'i̱ cña nu nclyo Ni ji'i̱ ngu'; ná liñi cha' nu ntsu'u tyiquee ngu' bi'.

1 JUAN 4:4

Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.

1 JUAN 5:10

Ñati̱ nu jlya ti' ji'i̱ yu cha' laca yu nu sca ti Sñi' ycui' Ndyosi, ycui' ca ngu' jlo ti' ngu' ne' cresiya ji'i̱ ngu' cha' chañi tsa laca cha' bi'; ñati̱ nu ná ntaja'a̱ tucuá cha' ji'i̱ Ni, cha' laca Jesucristo Sñi' ycui' ca Ni, bi' ngu' laca nu ná jlya ti' tsiya' ti cha' cua nchcui' ycui' Ndyosi cha' ji'i̱ Sñi' ycui' ca Ni. Ñati̱ cuiñi laca ycui' Ndyosi nti' ngu' bi'.

2 JUAN 1:2

Cua ndyanu tso'o cha' liñi bi' ne' cresiya ji'na, jua'a̱ ná nga'a̱ cha' tye cha' nu cua ndyuna na bi'; bi' cha' tso'o tsa ntsu'u tyiquee na' ña'a̱ na' ji'i̱ ma̱.