Tito 3:8 - Chuj San Sebastian Bible

⁸ A jun tzo'n̈ tic, caw yel. Tzin nib'j caw te'n tzotj a b'a aln 'el jun tzo'n̈ cuynb'il tic, sec wach' a eb' tzya'ch sc'ojl 'a Dios, 'oj ya'ch wal eb' snab'en sb'on jun tzo'n̈ tas wach'. A jun tzo'n̈ cuynb'il tic, caw wach'. Caw 'ay yopiso 'ayon̈ yet' 'a smasnil 'anma'.

Chuj San Mateo Bible

⁸ A juntzan̈ c'ayb'ub'al tic, te yel. In gana tec'an tzutej a b'a alaneli, yic vach' a eb' tz'ac'anoch Dios d'a sc'ool, ol yac' val och spensar eb' sc'ulan juntzan̈ tas vach'. A juntzan̈ lolonel tic, te vach'. Te ay yopisio d'ayon̈ co masanil.

Tito 3:8 Iomraidhean Croise

Job 22:2

Toc 'ay tas 'oj yic' Dios 'a spatc junc 'anma', toxn̈ej to caw jelan.

Salmos 78:22

Yujto ma'ix ya'ch eb' sc'ojl 'a Dios, ma'ix ya'ch eb' yipc sc'ojl scolwal.

Pr 21:28

A mach tzya'ch sb'a testigoal 'a tas man̈ yeloc, 'oj lajwc 'eli; palta a mach tzcham wal yab'n junc tas, 'oj chaxocn̈ej tas tzyala.

Mt 20:4

Yuj cha, xyaln win 'ixtc 'a eb': Toto tze nib'j tzex munlji, 'ixquec munljoc jac 'ayn 'a in lu'um. Yaln̈ej jantcto 'oj e munloc, tz'acn 'oj wac' e tojol, xchi win 'a eb'. Yuj cha, x'at eb' munljoc 'a winac.

Jn 12:44

Ax Jesús, caw 'ip xyal 'elt 'ixtc 'a scal eb' 'anma': —A eb' tzya'ch sc'ojl 'ayin, man̈ocn̈ej 'ayn tzya'ch eb' sc'ojol, tzya'ch pax eb' sc'ojl 'a in Mam checjnacn coti.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

A Tas Sc'ulejnac Eb' Schecab' Jesús Hechos 12:15

Yuj cha, xyaln eb' 'a 'ix 'ixtic: —Tecn to tzcot 'a a jolom, xchi eb'. Palta xyaln pax 'ix, chajtlto caw yel a Pedro 'ayq'ui. Yuj cha, xyaln eb' 'ixtic: —Man̈oc Pedro. Tecn a jun ángel 'aych stan̈maloc, tecn a xjawi, xchi eb' 'a 'ix.

Ro 4:5

Palta ax Dios, wach'xam matz on̈ munljec 'a 'a, cojn toto tzca'c 'och 'a qui c'ojol, to 'ixta', wach'n̈ec 'a sat. 'Ixta tz'aj junjn mach to tz'och smul 'a sat Dios, toto tzya'ch wal sc'ojl 'a 'a.

2 Co 4:13

A 'a Ch'an̈ U'un̈, ata 'ay jun aljnac can 'ixtic: 'Ix wa'ch Dios 'a in c'ojol, yuj cha, 'ix waln 'el spaxti', xchi. An̈ xo tic on̈, lajnn̈ej tzcutj ca'n 'och 'a qui c'ojl yet' on̈. Tzcaln 'el on̈, yujto tzca'ch pax 'a qui c'ojl on̈.

Ef 4:28

Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.

1 Ti 1:15

'Ay jun tas 'oj wala', caw yel. Smoj tzqui chaj cab'i'. Wulnc 'ec' Cristo Jesús 'a yolyib'n̈q'uinl tic, yic wul scolnc 'el eb' 'ajmul. An tic, yel xo wal 'ec'b'al 'ajmul in 'a yib'n̈ smasnil 'anma'.

1 Ti 2:8

Yuj cha, tzin nib'ej, tzleslwi eb' winc 'a junjn lugar. A eb' tzyij chan̈ sc'ab' sleslwi cha, yowlal caw wach' sb'eyb'al eb' 'a sat Dios. May cab' schichnc'ojlal eb'. Man̈ 'a'moc owl eb'.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

2 Ti 1:12

Yujn̈ej wal cha, tzwab'n syal jun tzo'n̈ tas tzlaj jaw 'a wib'n̈ tic. Palta matz in q'uixwi, yujto caw wojtac, mach 'aych yipc in c'ojol. Wojtac a tas tzwac' 'ab'enal 'a Dios, a 'ay spoder smolb'tzani, masnto 'oj jawc sc'ul sjaw Cristo.

Tito 1:9

Yowlal tzya'ch eb' snab'en 'a jun cuynb'il caw yel, atn jun 'ajxnac scuy eb'. Yowlal 'ixta tzyutj sb'a eb', sec tztac' ya'n eb' snab'enoc jaywn̈ocx eb' yet' jun cuynb'il caw wach'. Ax ya'n ganar eb' yaln 'a eb' 'anma tzchichn 'ayon̈.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Tito 2:7

Ach xo, caw wach' tzotj a b'eyb'al yil eb' ta'. Cojn jun tzo'n̈ cuynb'il caw yel tzal 'a eb'. Man̈toc ton̈j tzach molamani, yic tza cuyn eb'.

Tito 3:1

Caw tzlaj ec sna cot eb' creyente chi ta', chajtlto yiclum tzlaj yutc sb'a eb' 'a ewin yajl smasnil. Yowlal tzyiclj eb' tas tzyal ewinac. Tzann̈j junc munljel wach', tzchajn̈ej cab' sc'ojl eb' sb'oni.

Tito 3:14

Caw tzach cuywj 'a eb' quit creyenteal ta', chajtlto caw tzb'o eb' jun tzo'n̈ tas wach', tzlaj colwj pax eb' 'a eb' 'ay tas 'ay sc'a'l tz'och yu'uj, sec wach' 'ay yopiso eb' 'a sat Dios.

Filemón 1:11

A 'a yic yalan̈, may jac yopiso 'ayach, yic ya'n ach servil. Al ticnec, caw 'ay yopiso 'ayach, yet' 'ayin.

A Ch'an̈ Carta D'a Eb' Hebreo 10:24

Yowlal tzqui sayec tas tzlaj cutquec qui jucb'tzan qui b'a, sec 'oj laj niwtj qui chamc'ojlalec, ax swach' b'o qui b'eyb'alec.

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.