Tito 3:5 - Chuj San Sebastian Bible

⁵ Yuj cha, on̈ colchj yu'uj. Man̈ yujoc junc tas wach' xqui b'o'o, on̈ colchji. Palta yujn̈ej to a Dios, 'ix 'o'ch sc'ojl 'ayon̈. A yic on̈ sacb'tzan yuj qui mul, 'icha to on̈ 'alj pax 'a scha'ejmal. Yuj Yespíritu 'ix jelmj qui nab'en.

Chuj San Mateo Bible

⁵ Yuj chi', ix on̈ scolo'. Man̈ yujoc junoc tas vach' ix co c'ulej ix on̈ colchaji, palta yujn̈ej to ix oc' sc'ool Dios d'ayon̈. Ayic ix yic'anel co mul, ichato ix on̈ aljixi d'a schaelal. Yuj Yespíritu ix q'uexmaj co pensar.

Tito 3:5 Iomraidhean Croise

Job 15:14

Toc 'ay junc 'anma to caw wach', yic may jac smul tz'ochi.

Job 25:4

Toc 'ay junc 'anma may smul 'a sat Dios, toxn may xon mach wach'.

Job 9:20

Q'uinloc cob' tzwala to caw wach' in, palta mun an tzwixtj 'el in b'a yuj tas tzwala. Toto tzwala to caw tojl in nab'en, palta a tas tzwal cha, a 'oj ch'oxnc 'el in paltail.

Salmos 130:7

Ex wit israelal, qui tan̈wquec scolwal Jehová, yujto caw tz'o'ch sc'ojl 'ayn̈ec, yelc'ojlal pax tzcolwj quet'ec.

Salmos 143:2

Man̈ in a b'eyc'ojloc an a checb' in tic, yujto may junc 'anma tojl 'a ojltac.

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Is 57:12

Palta ax ticnec jun, 'oj wal-l jun e b'eyb'al tic 'a scal 'anma', a cob' eyu'uj to wach' e b'eyb'al, palta may jac tas 'oj eyic' 'a spatc jun tzo'n̈ cha.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Mt 3:11

An tic, wal yel tzex wac' bautisar 'a a a', sec chequel to xe na e b'a. Palta 'ay wal junx tza'n to sjaw wu'uj, a 'oj eya'n bautisar yet' Yespíritu Dios mto pax c'ac'. A jun 'oj jawc cha, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzwij 'el xan̈b' 'a yoc.

Lc 1:50

Smasnil tiempo tz'o'ch sc'ojl 'a jantcn̈ej mach 'ay xiwc'ojlal 'a 'a.

Lc 1:54

'Ix 'och quet' an̈ israel on̈c tic, to ya'maln̈ec servil. Caw tz'o'chn̈ej sc'ojl 'ayn̈ec,

Lc 1:72

Yaln can paxi, to 'oj 'o'ch sc'ojl 'a eb' qui mam quichmec. Ma'oj sat sc'ojl 'a jun strato ya'jnac 'a eb', yujto a jun strato cha, yicn̈ej yaji.

Lc 1:78

A qui Diosalec caw tz'o'ch sc'ojl 'ayn̈ec. 'Icha tz'aj sq'uel c'u tzya'n sacq'uinl 'ayn̈ec, 'ixta 'oj 'aj sjaw jun checb'il cot yu'uj.

Ro 11:14

Yujto tzin nib'ej to tzyil eb' wit chon̈b' cha, to wan e colchji, ax stz'a sc'ojl eb' eyu'uj. To 'ixta', toq'ue 'ay eb' 'oj colchjoc paxi.

Ro 11:6

Yuj wal swach'c'ojlal cha, si'n can 'el eb', man̈ yujoc junc tas tzb'o eb'. Q'uinloc yuj tas tzb'o eb', si'n 'el eb', to 'ixta', man̈ yujoc swach'c'ojlal Dios tzcolchj eb'.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Ro 3:20

May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

Ro 3:28

'Ixta tzcutjec cojcan 'eli, to yujn̈ej tzca'c 'och qui c'ojl 'a Jesús, wach'n̈ec 'a sat Dios, man̈ yujoc qui yiclni tas tzyal jun ley cha.

Ro 4:5

Palta ax Dios, wach'xam matz on̈ munljec 'a 'a, cojn toto tzca'c 'och 'a qui c'ojol, to 'ixta', wach'n̈ec 'a sat. 'Ixta tz'aj junjn mach to tz'och smul 'a sat Dios, toto tzya'ch wal sc'ojl 'a 'a.

Ro 9:11

A chawn̈ 'unn cha, yic mantzac 'alj eb', mant 'a xon tas tzb'o eb'. Palta yaljnac can Dios 'ixtc 'a 'ix Rebeca: A jun 'oj b'ab'l 'aljoc, a 'oj 'a'nc servil jun tza'n to 'oj 'aljoc, xchi. Tz'ib'b'il can pax junx tic 'a Ch'an̈ U'un̈, 'a 'aj tzyal 'ixtic: A Jacob chamc'ojlb'il wu'uj. Ax Esaú chacb'il 'el wu'uj, xchi Dios. A jun tzo'n̈ tic tzch'oxni, to 'ay yaln Dios yic si'n 'el junjn mach 'icha tznib'ej. Man̈ yujoc tas tzqui b'o'ec, tzon̈ yawtnec yico'oc.

Ro 9:16

Wach'xam tzqui nib'j tzon̈ colchjec, wach'xam caw tzca'c 'ip, man̈ yujoc cha, tzon̈ colchjec. Palta yujto tz'o'ch sc'ojl Dios 'ayn̈ec.

Ro 9:30

Al ticnec 'oj walb't 'ayex, tas tzyal 'el'ch jun tzo'n̈ tzwal tic: A eb' man̈ israeloc, matz na eb' tas tzyutj eb' yoch wach'l 'a sat Dios. Palta 'ay eb' tzyal Dios to wach' 'a sat. 'Ixta tzyal Dios yuj eb', yujto tzya'ch eb' sc'ojl 'a 'a.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Ef 2:4

Palta a Dios, caw niwn x'o'ch sc'ojl 'ayn̈ec. Man̈x jantcoc schamc'ojlal 'ayn̈ec.

Ef 4:23

Yuj cha, yowlal tzwach' b'o e nab'en 'a junjn c'u.

Ef 5:26

yic on̈ yi'nec 'och yico'oc. A yic on̈ 'emc 'a yol a', 'ix 'ijx 'el qui mulc yuj spaxti'.

Dt 9:5

Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.

A Scarta San Pablo D'a Eb' Aj Colosas 3:10

A ticnec, caw xjelmj qui nab'enec. Wan swach' b'o qui nab'enec tic, sec lajn tzon̈ 'ajc yet' jun b'ojnacn̈ec, sec wach' 'oj qui wach' 'ojcoc 'el jun b'ojnacn̈ec cha.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.

Tito 3:4

Palta a Dios qui Colmal, 'ix yac' swach'c'ojlal yet' schamc'ojlal 'a smasnil 'anma'.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.

A Ch'an̈ Carta D'a Eb' Hebreo 6:6

Yuj cha, toto tzquijec 'el qui nab'en 'a Cristo, ¿tast wal 'oj cutquec qui meltzj pax jun 'ejm xo, yic tzqui nan qui b'a? Yujto a yic tzqui'nec 'el qui nab'en 'a 'a, tzyal 'el'chi, caw an̈ wan ca'nec 'och Yunnal Dios 'a spenc culs jun 'ejm xo. Wan ca'nec sq'uixwloc 'a sat eb' 'anma'.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.

A Sb'ab'el Carta San Pedro 2:10

A 'a yic yalan̈, man̈ on̈ schon̈b'oc Dios. Palta ax ticnec, schon̈b' on̈c xo. A 'a yic yaln̈ cha, may mach x'o'ch sc'ojl 'ayn̈ec. Palta ax ticnec, atn Dios tz'o'ch sc'ojl 'ayn̈ec.

A Sb'ab'el Carta San Pedro 3:21

A jun a cha, ch'oxnb'il yaji. Yujto a jun a yic bautismo, tzon̈ colchjec yuj ticnec. A jun bautismo tic, man̈ yopisooc yi'n 'el slumal qui niwnal. Palta yu'uj, tzqui c'annec 'a Dios to tzwach' b'o qui nab'en. Tzon̈ colchjec, yujto pitzwnac pax Jesucristo,