Tito 3:2 - Chuj San Sebastian Bible

² Man̈ comnoc tzb'uchwj eb' 'a eb' yit 'anma'il. Matz tac' scomn 'a'n pax eb' owl yet' junc xo mach. Yowlal wach' tzyutj eb' snab'en, 'emmquil tzyutj sb'a eb' 'a smasnil 'anma'.

Chuj San Mateo Bible

² Mocab' comon b'uchvaj eb' d'a eb' anima. Max yal scomon ac'an oval eb' yed' junocxo mach. Yovalil vach' syutej spensar eb', yovalil emnaquil syutej sb'a eb' d'a eb' anima smasanil.

Tito 3:2 Iomraidhean Croise

A Ch'an̈ Schab'l Libro Samuel 22:36

Ach tzin a molo, tzin a coln paxi; a 'a wach' c'ab', a tzin yamn 'och wa'an, yuj a wach' nab'enal, wach' tzin 'el'chi.

Salmos 140:11

A eb' alm peclal, sat cab' 'el eb' 'a sat lum lum tic, a cab' maysch'olnil chi tzsatn 'el eb' tu snab'en cha.

Pr 19:19

A mach c'un scot yowal, scha cab' spac 'icha wal tas smoj schani; toto tzqui col 'a yol sc'ab' syailal cha, 'oj sb'eylb'ocn̈ej yowl cha.

Pr 25:24

Yel xo wach' yic win winc cajn 'a junc pat, 'a yib'n̈ to cajn 'a junc niwquil n̈a yet' junc 'ix 'ix to yowln̈ej 'a smasnil tiempo.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Mt 11:29

Cuchc junx 'icha 'ictz 'oj wac' 'ayex. Cuywan̈c 'ayin, yujto an tic manso in, 'emmquil in, toto 'ixta', 'oj ex wac' 'iljoc.

A Tas Sc'ulejnac Eb' Schecab' Jesús Hechos 23:5

Yuj cha, xyaln pax Pablo 'ixtic: —Ex wit chon̈ab', man̈ wojcoc, toto a win tic, caw sat ya'mal 'och qui ti 'a Dios, to tzyal 'ixtc 'a Ch'an̈ U'un̈: Man̈ eyal tu paxti'al 'a win yajl 'a chon̈ab', xchi 'a Ch'an̈, xchi Pablo.

1 Co 6:10

An̈jtona', eb' 'elc'um, eb' tznib'n 'och tas 'ay 'a junc xo mach, eb' 'u'm 'an̈, eb' b'ajwjum, yet' pax eb' tzcomn to'n 'ec' junc tas 'a junc xo mach. Atn eb' tic, toxn ma'oj c'och 'a yol sc'ab' Dios.

1 Co 9:19

Wach'xam may mach 'ay yaln yic 'ayin, palta tzwa'ch in b'a ya'malc servil smasnil 'anma', sec wach' caw niwn eb' tzmontchj 'och yico'oc Cristo wu'uj.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

2 Co 12:20

Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Gl 6:1

Ex wu'tac, ex wanab', toto 'ay junc mach tz'och smul tzeyila, ax xo yiclum ex 'a Yespíritu Dios, caw tzeyac' snab'enoc 'a 'emmquilal, sec 'oj b'oxc snab'en. Caw tzeyac' cuenta e b'a junjn ex, sec ma'oj eyajx prowal yoch e mul yet'oc.

Gl 6:10

A ticnec, ya' sb'a tztac' qui colwjec 'a eb' quit 'anma'il, yowlal wach' tzcutjec qui nab'en 'a eb'. Ax 'a eb' quit creyenteal, yel xo cab' wach' tzcutj qui nab'enec 'a eb'.

Ef 4:2

'Emmquilal tzlaj eyutc e b'a, wach' tzeyutj e b'a. Tzlaj eyac' techjoc 'a eb' tz'och smul 'ayex. Niwn tzlaj eyutc e c'ojl 'ayx junjn ex. An̈jtona', tzlaj e chamc'ojloc pax e b'a.

Ef 4:31

Caw tzeyactj can smasnil e chichnc'ojlal, e c'a'lc'ojlal. Man̈ comnoc tzchacb' e sat scot eyowal. An̈jtona', man̈ comnoc tzq'ue eyaw e tumwji. Caw tzeyactj can e b'on jantcn̈ej tas maysch'olnil.

A Scarta San Pablo D'a Eb' Aj Filipos 4:5

Yowlal caw wach'n̈j tzcutjec qui nab'en yil eb' 'anma smasnil, yujto jab'xoj 'oj jawc Cajlilec.

1 Ts 2:7

Caw 'emmquilal 'ec' cutjnac qui b'a 'ayx on̈. 'Icha junc 'ix, tzya'ilj sq'uib'tzan yune', 'ixta cutjnac qui b'a 'ayx on̈.

1 Ti 3:11

'Ixta pax eb' 'ix 'ix tz'och yopiso, yowlal caw wach' tzyutj eb' sb'eyb'al 'a sat eb' yit 'anma'il. Matz tac' yalw peclal eb'. Yowlal caw te'n tzyutj eb' snab'en. An̈jtona', caw yiclum tzyutj sb'a eb' sb'on smasnil tas.

1 Ti 3:3

Caw matz tac' yu'n eb' 'an̈. Matz tac' sma'wj pax eb'. [Matz tac' snib'n eb' yac' ganar stumn 'a spatc maysch'olnil.] Yowlal niwn tzyutj eb' sc'ojol. Matz tac' ya'n eb' owl yet' junc xo mach. Man̈ pec' tumnoc eb'.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.

A Sb'ab'el Carta San Pedro 2:1

Yuj cha, yowlal tze wach' 'actj can jantcn̈ej tas maysch'olnil. Man̈x eyixtc paxti junc 'anma'. Man̈x chab'satoc tzeyutj e b'a. Man̈ ex chichnc 'och 'a junc mach yuj tas 'ay 'a 'a. Man̈ ex b'uchwjc 'a spatc junc xo mach.

A Sb'ab'el Carta San Pedro 3:10

Yujto 'ixtc tzyal 'a Ch'an̈ U'un̈: Toto tze nib'j tznajtxb'i e q'uinal, mto tze nib'j tzaljc'ojlal tz'aj yec' junjn c'u eyu'uj, 'actjec can eyaln jun tzo'n̈ tu paxti'al, may cab' b'a'n̈ tzeyac' 'es.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

A Sb'ab'el Carta San Pedro 4:4

Ax eb' man̈ 'ojtnacoc Dios, tzsat sc'ojl eb' ticnec, yujto man̈xtzac e mol b'oj jun tzo'n̈ caw maysch'olnil chi yet' eb'. Yuj cha, tzb'uchwj eb' 'ayex.

A Schab'il Carta San Pedro 2:10

'Ay eb' caw tzya'ch snab'en sb'on jun tzo'n̈ maysch'olnil tznib'j 'och yet' sniwnal. May jac yel'ch Cajlilec 'a sat eb', yujto matz chaj eb' 'ajxc mandar sb'a yu'uj. Atn eb' chi 'oj wach' 'ajx can 'och 'a syailal. Man̈xtzac xiw eb' jac sb'on jun tzo'n̈ maysch'olnil cha. Toxn̈ej tzcomn b'oj eb' 'icha tznib'ej. 'In matz xiw eb' sb'uchwj 'a jun tzo'n̈ caw niwn spoder.

San Judas 1:10

Ax eb' tic, ton̈j tzcomn b'uchwj eb' 'a junc man̈ yojcoc. 'Ay jun tzo'n̈ tas yojc eb', atn tas yojc xon junc noc' may snab'en. A 'a jun tzo'n̈ tic tzwach' 'a'j juwc 'el sb'a eb'.

San Judas 1:8

Palta ax eb' 'aych 'a qui calc ticnec, ton̈j tzcob' sna eb', to niwn yel'ch eb'. Yuj cha, caw tzya't eb' sniwnal 'a scal maysch'olnil, may jac yel'ch spoder Cajlilec 'a sat eb'. Ton̈j tzb'uchwj pax eb' 'a jun tzo'n̈ xo caw niwn yel'ch 'a satcha'an̈.