Tito 1:5 - Chuj San Sebastian Bible

⁵ Cannc ach wuj 'a lugar Creta cha, sec tza wach' b'oj jun tzo'n̈ tas 'ayt sb'o'i. Tza si'n pax 'elt eb' tz'och ancianoal 'a eb' creyente 'a junjn chon̈ab'. Tza sic' 'elt eb' 'icha yaj waln can 'ayach.

Chuj San Mateo Bible

⁵ Vac'nac ach can d'a yol yic Creta chi', yic tza vach' b'oej juntzan̈ tas ayto sb'oi. Tza sic'anpaxelta eb' tz'och ancianoal d'a junjun chon̈ab'. Tza siq'uelta eb' icha vutejnac valancan d'ayach.

Tito 1:5 Iomraidhean Croise

1 Cr 6:32

A eb' cha, 'ix b'itnn̈ej eb' 'a yojltac mantiado 'aj tzchaj sb'a eb' 'anma yet' Dios, masnto yic 'ix sb'on chan̈ Salomón yatut Jehová 'a Jerusalén. 'Ix b'eyn̈j eb' yet' yopiso ta', 'a 'icha xon sb'eyb'al eb'.

Ec 12:9

A yic in jelnb'i, til wal tas wach' xwac' yojcoc 'el eb' wit 'anma'il. An̈jtona', til wal jun tzo'n̈ xo paxti xlaj in cuyu', xlaj wa'n 'och eb' 'a stzolil.

Is 44:7

¿Mach wal junc lajn wet'oc? Paxtin cab'i', yal cab' 'ayin tas yaji. ¿Toc 'ay junc mach 'ix alni tas ujnc 'a yictax pecti', yet' tas 'oj ujc 'a yic b'aq'uin̈? Toto 'ay, yal cab' tas jab'xoj 'oj ujoc.

Lv 14:42

Tzlajw cha, chucx q'uen q'uen tz'ochx can sjelc q'uen tzlipx 'elt cha, chucx pax lum lum tz'ochx can spixloc, sec tzmacchj can pax 'el yich te n̈a cha.

A Tas Sc'ulejnac Eb' Schecab' Jesús Hechos 11:30

'Ixta xyutj sb'a eb'. 'Ix ya'n 'at eb' yofrenda 'a eb' anciano 'aj Judea cha. Ax Bernabé yet' Saulo 'ix 'i'n 'at jun ofrenda cha.

A Tas Sc'ulejnac Eb' Schecab' Jesús Hechos 14:23

A yic x'ec' Pablo yet' Bernabé 'a junjn iglesia, 'ix ya'n can 'och yopiso eb' tz'och ancianoal. 'Ix leslwi eb' 'a Dios, 'ix 'och pax eb' 'a c'ajb'c'ojlal. Xlajw cha, x'ajx can 'ab'enal eb' creyente 'a yol sc'ab' Cajlil yuj eb', atn 'a 'ajtil 'aych sc'ojl eb'.

A Tas Sc'ulejnac Eb' Schecab' Jesús Hechos 2:11

'Ay pax mach 'aj Creta, yet' eb' 'aj Arabia. Qui masnilec, xlaj cab' yaln eb' creyente qui ti junjn chon̈b'aln̈ec. 'Ix laj yalnc eb', jantcn̈ej tas tzb'o Dios yet' spoder, xchi eb'.

A Tas Sc'ulejnac Eb' Schecab' Jesús Hechos 27:12

Ax 'a jun lugar cha, may 'aj wach' tzcan te barco yic tz'ec' n̈ab'lq'uinal. Yuj cha, jab'xoj man̈ smasnilc eb' 'ix nani, to wach' tz'at eb'. Snan eb', toq'ue wach' 'oj c'och eb' 'a chon̈b' Fenice. An̈jtona jun chon̈b' cha, ata 'ay 'a yol yic Creta. Ata snib'j eb' stan̈wj yec' n̈ab'lq'uinal yujto man̈ owc yec' 'ic' ta'.

A Tas Sc'ulejnac Eb' Schecab' Jesús Hechos 27:13

Ax yic 'ix cot jun 'ic' 'a stojlal sur, c'ojnc'ojnil scoti. Yuj cha, xcob' snanc eb', to wach' tzon̈ 'atx on̈. Yuj cha, on̈ 'at b'i'an, on̈ 'ec' 'a sla'nil stitc Creta cha.

A Tas Sc'ulejnac Eb' Schecab' Jesús Hechos 27:21

Niwn tiempo man̈xtoc on̈ wa 'on̈, ax Pablo xq'ue lin̈n 'a qui cal on̈, 'ix yaln 'ixtic: —Ex wit 'anma'il, octom wal xe chaj eyab' 'ayin tas 'ix wala. Octom ma'on̈ cotc 'a lugar Creta cha, to 'ixta', ma'ix jaw jun tic 'a quib'n̈ec, may pax jac tas 'ix satli.

A Tas Sc'ulejnac Eb' Schecab' Jesús Hechos 27:7

Yic on̈ 'atxi, caw niwn sc'ul on̈ b'eyi, yujto c'ojnc'ojnil xb'ey te barco cha. Caw teb'il on̈ c'och 'a yojltac cot chon̈b' Gnido. Xlajw cha, on̈ 'ec' 'a sla'nil chon̈b' Salmón, 'a lugar Creta 'ay 'a snan̈l a', yujto a jun 'ic' cha, an̈ja man̈ tojloc sb'eyi.

1 Co 11:34

Toto 'ayx caw 'ay e wejel, yowlal tzex wacn 'a eyatut. Toto 'ixta', wach' 'oj eyutc e b'eyb'al, yic tzeyamn e b'a ta'. Ax Dios, ma'oj ya' cot yailal 'a eyib'an̈. Ax jun tzo'n̈ xo tas tzat yac' palta 'ayex, 'ojt in b'oyaji, yic 'oj in c'och 'ayx ta'.

1 Co 14:40

Caw wach' tzeyutj e b'on smasnil tas, sec tz'och 'a stzolil.

1 Co 4:17

Yuj wal jun tic, tzin checn 'at Timoteo tic 'ayex. A Timoteo tic, 'icha to wunnal yaj 'a sat Cajlilec. Caw chamc'ojlb'il wu'uj, caw yiclum pax tzyutj sb'a. A 'oj 'at alnoc 'ayex, ax e nan coti, tas xwutj in b'eyb'al 'a yic wa'n 'och in nab'en 'a Cristo. 'Icha tzwutj in cuyn eb' creyente 'a junjn iglesia, 'ixta 'oj yutc ex scuyn jun xo.

A Scarta San Pablo D'a Eb' Aj Colosas 2:5

Wach'xam man̈ in 'ayc 'ec' eyet' ta', palta 'icha to caw 'ayn 'ec' eyet'oc. Yuj cha, caw tzin tzalji, yic tzwab'ni to junn̈j tzeyutj e b'a ta', te'n tzeyutj eya'n 'och e c'ojl 'a Cristo.

1 Ti 1:3

Caw tzin nib'j tzach wach' can 'a chon̈b' Éfeso cha, 'icha wutj in tew 'ayach, yic in 'at 'a Macedonia. Yujto tzin nib'ej, tzcham wal aln 'a eb' tzcuywj 'a jun tzo'n̈ chuc cuynb'ilal, to caw yowlal tzyactj eb' yalni.

2 Ti 2:2

'Ay jun tzo'n̈ cuynb'il ab'jnac waln 'el 'a scal nan̈l eb' creyente. A jun tzo'n̈ cuynb'il cha, tzac' scuy eb' yiclum, eb' tztac' scuywj 'a eb' yit creyenteal.

Tito 1:12

'Ay jun 'aj Creta cha, sat yaj 'a scal eb'. 'Ix yal 'ixtic: A eb' wit chon̈b' 'aj Creta tic, caw yes eb'. Caw lajn eb' 'icha junc noc' caw ow. Caw 'isj eb', cojn snib'n wa sb'a eb', xchi winac.