Tito 1:4 - Chuj San Sebastian Bible

⁴ Ach Tito, tic tzwa't jun in carta tic 'ayach. Yel 'icha wunnal ach, yujto wu'uj, tza'n 'och a c'ojl 'a Cristo wet'oc. Ya' cab' qui Mam Dios yet' Cajlil Jesucristo qui Colmal, swach'c'ojlal yet' sjunc'ojlal 'ayach. ['O'ch cab' sc'ojl 'aych ta'].

Chuj San Mateo Bible

⁴ Tic svac'b'at jun in carta tic d'ayach ach Tito. Yel ichato vuninal ach, yujto junn̈ej scutej cac'anoch Cristo d'a co c'ool. Aocab' co Mam Dios yed' Cajalil Jesucristo co Columal syac' svach'c'olal yed' sjunc'olal d'ayach ta'.

Tito 1:4 Iomraidhean Croise

Lc 2:11

A 'a Belén, 'a schon̈b' can win rey David, ata x'alj jun e Colmal q'uiq'ui, atn CRISTO Cajlil.

Jn 4:42

Yuj cha, xyaln eb' 'a jun 'ix chi 'ixtic: —A 'a b'ab'el, 'ix ca'ch qui c'ojl 'a Jesús oj on̈, yuj tas 'ix al 'ayn̈ on̈. Ax ticnec, caw a Jesús 'ix aln 'ayn̈ on̈. Yuj cha, xqui wach' 'a'n 'och qui c'ojl 'a ticnec on̈. Caw cojc on̈, to a Jesús cha, caw yel qui Colmalec qui masnil 'a yolyib'n̈q'uinl tic, atn jun tan̈b'il sjaw cujec, xchi eb' 'a 'ix.

Ro 1:12

Tzin nib'ej, a yic 'oj in c'och eyet' ta', 'oj laj qui mol jucb'tzoquec qui b'a 'a tzaljc'ojlal. Yujto jun lajnn̈ej tzcutjec ca'n 'och Cristo 'a qui c'ojol.

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

2 Co 12:18

'In tewnacn 'och 'a Tito, yic 'at ex yilnoc, in checjnac 'at jun cu'tac yet'oc. ¿Tom 'ixtxnacx paxti yuj Tito chi jun? Caw lajnn̈ej 'ec' cutjnac qui b'eyb'al 'a e cal on̈, lajnn̈ej 'ec' cutjnac pax qui nab'en on̈.

2 Co 2:13

Palta x'och jab' in somc'ojlal, yujto ma'ix 'ilchj cu'tac Tito wuj ta'. Yuj cha, waln can in b'a 'a eb', in cotx ta', in jaw 'a Macedonia tic.

2 Co 4:13

A 'a Ch'an̈ U'un̈, ata 'ay jun aljnac can 'ixtic: 'Ix wa'ch Dios 'a in c'ojol, yuj cha, 'ix waln 'el spaxti', xchi. An̈ xo tic on̈, lajnn̈ej tzcutj ca'n 'och 'a qui c'ojl yet' on̈. Tzcaln 'el on̈, yujto tzca'ch pax 'a qui c'ojl on̈.

2 Co 7:6

Palta a Dios, a tz'a'n sniwnal sc'ojl jantcn̈ej mach 'aych 'a scusc'ojlal. A x'a'n sniwnal qui c'ojl on̈, yujto xjaw Tito 'a tic.

2 Co 8:16

Tzwac' yuj diosal 'a Dios, yujto a tz'a'n jawc 'a sc'ojl Tito, yic tzex sya'ilni, 'icha tzwutj ex wiln an tic.

2 Co 8:23

Toto 'ay mach 'oj c'anb'noc 'ayex, tas yaj Tito tic, toto xchi eb', tzeyal 'ixtc 'a eb': Yitb'eym sb'a yet' Pablo, to 'ayl munljoc 'a qui calc tic, xe chi. Toto 'ay mach 'oj c'anb'noc pax 'ayex, tas yaj eb' ajun yet' Tito tic, toto xchi eb', tzeyal 'ixtc 'a eb': A eb' tic, checb'il cot eb' yuj eb' creyente 'a jun tzon̈ xo iglesia, caw tzcheclj 'el swach'l Cristo yuj sb'eyb'al eb', xe chi 'a eb'.

2 Co 8:6

Yuj cha, on̈ tew 'och 'a Tito on̈, sec tz'atx 'ayex. Ax 'at swach' chanc eyofrenda 'oj eyac' yuj e wach'c'ojlal, yujto a x'i'n 'el yich yic tzeya'ni.

Gl 2:3

Ax Tito cha, ajun wet'oc. Wach'xam man̈ israeloc, palta man̈ 'ajxnacoc pural yajx circuncidar.

Gl 3:26

Yujto tzca'c 'och 'a qui c'ojol, yuj cha, yunnaln̈ec xo Dios, junxn̈ej cajc yet' Cristo Jesús qui masnil.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

Ef 1:2

Tzin nib'ej, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

A Scarta San Pablo D'a Eb' Aj Colosas 1:2

tzin tz'ib'j 'at jun in carta tic 'ayx ex yic xo Dios 'a chon̈b' Colosas. Caw 'aych e c'ojl 'a Cristo si'mb'il. Tzin nib'j tzyac' qui Mam Dios swach'c'ojlal yet' sjunc'ojlal 'ayx ta'.

1 Ti 1:12

A Cajlil Jesucristo, caw 'aych wet' 'a wopiso tic. Caw tzwac' yuj diosal 'a 'a, yujto xyala chajtlto yiclum in 'a sat. Yuj cha, xya'n wopiso wa'n servil.

2 Ti 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. A Dios ya'jnac can sti', to 'oj yac' qui q'uinl 'a jun 'ejmn̈ej, yujto junxn̈ej caj yet' Cristo Jesús.

2 Ti 1:2

Ach Timoteo, tic tzwa't jun in carta tic 'ayach. Caw tzach in chamc'ojlej, 'icha to wunnal ach. Ya' cab' qui Mam Dios yet' Cajlil Jesucristo swach'c'ojlal yet' sjunc'ojlal 'ayach. 'O'ch cab' sc'ojl 'aych ta'.

2 Ti 4:10

Yujto a Demas, in yactj can in ch'ocoj. 'Ix 'at 'a Tesalónica, yujto cojn tas 'ay 'a yolyib'n̈q'uinl tic tznib'j 'ochi. Ax cu'tac Crescente, 'ix 'at 'a Galacia. Yet' cu'tac Tito, 'ix 'at pax 'a Dalmacia.

Tito 1:3

A ticnec, 'ix jaw stiempoal ya'n 'ojcaxc 'el spaxti'. Yuj cha, a Dios qui Colmal, a x'a'n wal-l spaxti tic.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

A Schab'il Carta San Pedro 1:1

An tic Simón Pedro in, ya'mal in servil Jesucristo. Schecb' in paxi. Tic tzin tz'ib'j 'at jun in carta tic 'ayx tzeya'ch e c'ojl 'a Dios quet' on̈. Caw niwn swach'l eyic quet' on̈, yujto 'aych qui c'ojlec 'a 'a. 'Ixta tzon̈ 'ajec, yujto a qui Diosalec, atn qui Colmal Jesucristo, caw tojl snab'en.

A Schab'il Carta San Pedro 1:11

Toto 'ixta', caw yelc'ojlal 'oj qui chaxec 'och 'a yol sc'ab' Cajlil Jesucristo, atn qui Colmalec. Ata 'oj qui canc 'a jun 'ejmn̈ej.

A Schab'il Carta San Pedro 2:20

A 'a yic ca'nec 'och qui c'ojl 'a Cajlil Jesucristo qui Colmal, ata colchjnacn̈ec 'elt 'a yol sc'ab' jun tzo'n̈ maysch'olnil 'a yolyib'n̈q'uinl tic. Palta toto tzat ca'c 'och qui b'a 'a yol sc'ab' jun tzo'n̈ chi jun 'ejm xo, toto tzon̈ canc 'a yaln̈ yu'uj, yel xo wal caw maysch'olnil quiquec 'icha 'a yic yaln̈taxi.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

A Schab'il Carta San Pedro 3:2

Yuj cha, yowlal tze na cot jun tzo'n̈ tas stz'ib'jnac can eb' schecb' Dios pecti', atn eb' sic'b'il 'el yu'uj. An̈jtona', tze na cot pax schecnb'il Cajlil qui Colmal. A schecnb'il cha, alb'ilx can 'ayx cuj an̈ schecb' on̈ tic on̈.

1 Jn 5:14

Yuj cha, matz on̈ xiwc qui leslwi 'a Dios, yujto cojquec, tzann̈j tas tzqui c'anc 'a 'a, 'oj yab'i', toto tzqui c'anc tas 'a 'icha tznib'ej.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.