Sofonías 3:3 - Chuj San Sebastian Bible

³ A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Chuj San Mateo Bible

³ A eb' sreyal eb', lajan eb' icha noc' choj tz'el yav yuj vejel. Axo eb' sjuezal eb', lajan eb' icha noc' oques man̈xo junoc sb'aquil schib'ej syactejcani yic schi d'a junxo c'u.

Sofonías 3:3 Iomraidhean Croise

Pr 28:15

Toto a junc maysch'olnil snab'en 'aych yajlil 'a junc meb'a chon̈ab', lajn 'icha wal junc no león tz'el yaw, mto 'icha junc no oso 'ay swejel.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Is 5:29

A yol sjaj eb', lajn wal sn̈il-li 'icha yic no león, yic tzyamn no schib'ej, tzyi'n 'at no a 'aj 'ay yet'ul, toc 'ay mach tztac' yi'n 'ec' 'a no'.

Jeremías 22:17

Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.

Jeremías 23:11

A Jehová tzaln 'ixtic: A wal eb' tzyalch sb'a in checb'oc, yet' eb' tz'a'n 'och sti eb' 'anma 'ayin, caw may wel'ch 'a sat eb'. An̈jtona 'a watut, tzwil wal sb'on eb' maysch'olnil ta'.

Jeremías 5:6

Yuj ton wal cha, 'oj 'eltoc no león 'a scal niwc te', ax smiln cham no eb'. Ax no 'ocs 'a lum cusltac lu'um, a no 'oj ch'iychtanc eb'. 'Oj c'och no leopardo 'a sti schon̈b' eb'. Toto 'ay eb' 'oj 'eltoc, caw choc' 'oj yutc no sch'iychtan can 'at eb', yujto caw niwn smul eb' x'ochi. Caw niwn 'ejm xyactj can eb' Dios, xin chi 'a in nab'en.

Ez 22:6

Ax eb' syajlil chon̈ab', yaln̈ej tas yopiso eb', tzyac' eb' yip smilw 'anma'.

Ez 33:26

Til wal 'anma tze xib'tj yet' eyespada; tze b'on tas caw yajb'entac, tzlaj e b'on 'ajmulal yet' eb' 'ix 'ix 'ay yichmil, tzlajw cha, tzcob' e nib'nc eyico'oc lum lum cha, xchi Dios, xa chi 'a eb'.

Habacuc 1:8

Ax schej eb' tzc'ana, yel xo wal jeln sb'ey no 'a yib'n̈ no leopardo. Ax eb' soldado 'ay q'ue 'a yib'n̈ no', yel xo wal ow eb' 'a yib'n̈ no 'ocs tz'ec' 'a 'ac'wal. Caw man̈x yalnb'ilc sb'isl schej eb' cha, najtto 'ay e no', tz'at lemnjoc e no 'a owl cha, 'icha wal s'at lemnjoc no c'uc'um yic tzyamn no schib'ej.