Sofonías 2:9 - Chuj San Sebastian Bible

⁹ Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Chuj San Mateo Bible

⁹ Yuj chi', a in Jehová in tic svala', a Moab yed' Amón chi', lajan ol aj icha ajnac Sodoma yed' Gomorra, aton meltzajnacoch b'aj sq'uib'q'ue te' q'uiix yed' pax b'aj sb'o atz'am atz'am. Tz'inini ol ajcan d'a juneln̈ej. Axo eb' man̈ ol cham d'a in chon̈ab', a eb' ol ic'anelta tastac ay d'a eb', a eb' ol macb'enancan slum eb' chi', xchi Jehová.

Sofonías 2:9 Iomraidhean Croise

Is 11:14

'Oj yi' chan̈ sb'a eb' schac'ajil, ax 'at ya'nc eb' owl yet' eb' filisteo 'ay 'a stojlal 'aj tz'em c'u. 'Oj 'em eb' filisteo chi yuj eb'. Ax smol 'i'n 'ec' eb' smasnil tas 'ay 'a eb' 'anma 'ay 'a stojlal 'aj tzq'uel c'u. 'Oj c'och yi'n 'ec' eb' lum lum chi 'a chon̈b' Edom yet' lum chon̈b' Moab, ax ya'n eb' yajlil 'a yib'n̈ eb' 'aj Amón.

Is 25:10

A Jehová, a 'oj tan̈wnoc lum tzaln Sión, ya' sb'a ax chon̈b' Moab, wan ste'x can 'ejm 'icha tz'aj ste'x 'at te 'ac 'a scal stza no noc' 'a yol junc jul.

Is 49:18

'Ixc q'ueln 'a smasnil a tz'ey, wan laj syamnc pax sb'a smasnil eb' 'ijxnac 'at 'icha presoal, yic tzjapx eb' 'ayach. An Jehová in, mun tzin loc in b'i, tzwac' in ti 'ayach, to caw 'oj a b'an̈ a b'a yuj eb' a chon̈ab', atn eb' wan sjapx 'aych cha. 'Icha wal swach'l yilx tz'aj junc 'ix cob's 'ix yuj yixtal spichul yic tznupni, 'ixta wal 'oj aj yuj eb'.

Jeremías 46:18

An ton rey in, 'aynn̈ej 'eq'ui. Tzin cuch Jehová tztac' wuj smasnil, tzwac' in ti', to 'icha lum witz Tabor caw yel xo chan̈ yajb't 'a yib'n̈ jun tzo'n̈ xo eb' lum witz, 'icha pax lum witz Carmelo, yel xo chan̈ yajb't 'a yib'n̈ a mar, 'ixta wal yip jun 'ajc'ojl tzjaw 'ayex.

Jeremías 48:1

A Jehová tztac' yuj smasnil, atn sDiosal Israel, a 'ix aln 'ixtc 'a yib'n̈ chon̈b' Moab: ¡'Oltac wal chon̈b' Nebo, caw 'ix lan̈chj 'ejmi! An̈jtona pax chon̈b' Quiriataim, tox 'ix 'ajx ganar, caw 'ix 'ijx 'ejmi. Tox 'ix ma'x 'ejm lan̈chjoc smuroal 'a sat lu'um.

Jeremías 49:1

A spaxti Jehová yaljnac can 'a yib'n̈ chon̈b' Amón yic yaln can 'ixtic: ¿Tom may yunnal Israel tztac' yi'n can smacl lum tic? ¿Tas yuj a jun tzo'n̈ 'anma tz'och 'emmquilal 'a dios Milcom, a eb' tzcajn lum slum eb' yin̈tl Gad? ¿Tas yuj a eb' amonita cajn 'ec' 'a jun tzo'n̈ schon̈b' eb' cha?

Jeremías 49:18

An Jehová in, an tzwala: To caw lajn 'oj 'aj satl Edom 'icha 'ajnc satl Sodoma yet' Gomorra yet' pax jun tzo'n̈ xo eb' chon̈b' 'ay 'a stz'ey. Man̈x 'a junc mach 'oj c'ochx cajn ta', man̈x 'a pax mach 'oj b'eyc'oc 'a 'a.

Jeremías 49:33

A chon̈b' Hazor, 'oj can 'a cusltacl 'a smasnil tiempo, cojxn̈ej no 'ocs 'oj cajnoc. Man̈x 'a xon mach 'oj cajnoc, man̈x 'a pax junc mach 'oj b'eyc'oc ta', xchi Dios.

Jeremías 50:40

An Jehová in, an tzwala, to lajn 'oj wutc can Babilonia 'icha Sodoma yet' Gomorra, yet' pax jun tzo'n̈ chon̈b' 'ay 'a stz'ey, c'uxn 'ix in satcn 'el 'a jun 'ejmn̈ej. Man̈x 'a mach 'oj cajnoc.

Am 1:13

A Jehová tzaln 'ixtic: A wal eb' 'aj Amón, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Yujn̈ej snib'n eb' yi' jacx slum, yuj cha, xlaj stecnc 'elt eb' yolsc'ojl eb' 'ix 'ix yet'x yune cajn 'a yol yic Galaad.

Am 2:1

A Jehová tzaln 'ixtic: A wal eb' 'aj Moab, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Sn̈usjnac eb' sb'acl eb' sreyl Edom, masnto 'ochnc tan̈il yuj eb'.

Sofonías 2:14

'Oj lan̈chjoc can 'ejm yatut eb'. Axn̈ej no cajb'en noc' yet' no calte'al noc' 'oj laj 'ec' 'a 'a. A no cujub' yet' no tonton, a no 'oj laj way 'a sjolmctac yoyl yatut eb', ax 'a swentnual, ata 'oj laj 'oc' 'elt no'. 'Oj 'em lan̈njoc yol sti spuertail. A te c'ute 'ay q'ue ya'ntelc yojol, 'oj can jacn yet'l te'.

Sofonías 2:7

A eb' 'oj can to 'a eb' yin̈tl Judá, 'oj yic' eb' smacl lum ta'. Ata 'oj stan̈wc wa eb' scalnelu, ax 'a 'ac'wal, a 'a eb' te n̈a 'ay 'a Ascalón, ata 'oj way eb', yujto a Jehová sDiosal eb', a 'oj tan̈wnoc eb', ax yi'n pax q'ue'ch eb'.

Sofonías 3:13

A eb' israel 'oj can to, man̈x 'oj sb'o eb' tas maysch'olnil, man̈x 'oj yac' eb' 'es. Man̈x 'a mach 'oj yixtc paxti eb', 'oj wa eb', ax yilj eb', man̈x 'a mach 'oj xib'tnoc eb', xchi Dios.

Zacarías 2:13

Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.

Nm 14:21

Caw yel pitzn in, checl pax in tzictznil 'a smasnil yolyib'n̈q'uinal.

Ro 14:11

Yujto tzyal 'ixtc 'a Ch'an̈ U'un̈: An Yajl in tic, an tzwac' in ti', caw 'oj 'em cumn smasnil 'anma 'a wojltac, ax yaln eb' smasnil, chajtlto cojxn in Dios in, xchi.

Dt 29:22

A eb' eyin̈tl b'aq'uin̈ yet' eb' chuc chon̈b'al 'oj cot 'a najat, 'oj yil eb' smasnil jun tzo'n̈ yailal cha, yet' jun tzo'n̈ yab'il 'oj ya' cot Jehová 'a yib'n̈ lum lum cha,

Dt 29:23

'oj yil eb', chajtlto a jun lum cha, c'uxn tz'anc smasnil, cojn azufre, yet' 'atz'm 'ay 'a 'a. Man̈x 'a tas tztac' yawx 'a lu'um, man̈x 'a xon tas 'oj yac'a. Man̈x 'a sc'ultcal 'oj pac'oc 'icha wal 'ajnc slajw 'el chon̈b' Sodoma, Gomorra, Adma yet' Zeboim. Atn jun tzo'n̈ chon̈b' chi 'ix yac' Jehová lajwc 'el yet' yowl sc'ojol.