Sofonías 2:6 - Chuj San Sebastian Bible

⁶ A jun chon̈b' 'ay 'a sti a mar cha, 'oj 'ochcn swalab'oc no cajb'en noc'. Ata 'oj sb'o chan̈ eb' 'ilm calnelu spat, yet' scol-l scalnelu eb', xchi Dios.

Chuj San Mateo Bible

⁶ Masanil chon̈ab' d'a stitac a' mar, axon̈ej noc' calnel ol va d'ay. Axon̈ej ta' ol sb'oq'ue slech pat eb' tan̈vum calnel yed' smacte' noc' scalnel eb' chi'.

Sofonías 2:6 Iomraidhean Croise

Is 17:2

Ax jun tzo'n̈ chon̈b' 'a Aroer, 'oj can eb' 'a cusltacl 'a jun 'ejmn̈ej. 'Oj 'ochcn swalab'oc no cajb'en noc'. 'Oj wa e no noc' chi 'a tzaljc'ojlal ta', man̈x 'a tas 'oj xib'tn eb'.

Is 5:17

A eb' lum chon̈b' 'oj sat 'ejm cha, swalab' calnelu, swalab' chiwo xoj 'oj 'ajcn eb' lu'um.

Is 7:25

Ax eb' lum tzaln tz'awx 'a yic yalan̈, tzt'ocx lum yet' 'asaron, ax 'oj 'ajoc, 'oj q'uib'x chan̈ sc'ultcal sat lu'um. Nab'a q'uix 'oj 'ajoc, man̈x 'a mach 'oj stac' yawn lu'um. 'Oj 'ochcn lum swalab'oc wacax, swalab'oc calnelu.

Jeremías 33:12

A 'a jun lum lum sictac yajcn tic, man̈x 'a 'anma', man̈x 'a pax no noc' 'a sat smasnil. Palta ax 'oj 'ajoc, a 'a spatquil 'el jun tzo'n̈ chon̈b' tic, ata 'oj tan̈wxoc wa no calnelu yuj eb' yilmal jun 'ejm xo.

Ez 25:5

A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.