Sofonías 1:4 - Chuj San Sebastian Bible

⁴ 'Oj wa'ch syailal eb' 'aj Judá yet' smasnil eb' cajn 'a Jerusalén. Man̈x 'a eb' 'oj yal sb'a 'a jun comn dios tzcuch Baal. 'Oj in satl eb' ya'mal 'och sti eb' 'anma 'a sdiosal cha, man̈x 'a 'aj 'oj b'inaxc eb' 'a jun chon̈b' tic.

Chuj San Mateo Bible

⁴ Ol vac'och yaelal d'a yib'an̈ chon̈ab' Judá yed' pax d'a yib'an̈ masanil eb' cajan d'a Jerusalén. Ol in satel juntzan̈ b'aj tz'och eb' ejmelal d'a comon dios scuchan Baal d'a jun chon̈ab' tic. Man̈xa b'aj ol checlajcanoc yed' pax sb'i eb' sacerdote ol in sucsatoc.

Sofonías 1:4 Iomraidhean Croise

A Ch'an̈ Schab'il Libro Yic Yab'ixal Eb' Rey 21:13

'Oj wa'ch yailal 'a yib'n̈ Jerusalén tic, 'icha 'ix wutj chon̈b' Samaria yet' eb' yin̈tl Acab. 'Oj wi'l eb' 'anma 'ay 'a 'a, lajn 'oj 'ajcn 'icha junc plato, a yic tzlajw sb'icxi tzn̈ojltax cani.

A Ch'an̈ Schab'il Libro Yic Yab'ixal Eb' Rey 23:12

An̈jtona', 'ix ya'n win ma'xoc poj jun tzo'n̈ yet'l xajmb'al b'ob'il can yuj eb' sreyl Judá 'a span̈nil yib'n̈ yatut can Acaz, yet' pax jun tzo'n̈ yet'l xajmb'al b'ob'il can yuj Manasés, 'a schab'l yamq'uil yatut Jehová. Caw choc' 'ix 'aji, 'ix sjuln can 'at sc'ajl chi 'a yojl a Cedrón.

2 Cr 34:4

Caw q'ueln 'ochi, 'ix ya'n ma'xoc poj jun tzo'n̈ yet'l xajmb'al yic Baal. An̈jtona', 'ix ya'n ma'xoc poj jun tzo'n̈ yet'l xajmb'al 'aj tz'a incienso to 'ay q'ue 'a cha'an̈. Xya'n pax ma'x poj jun tzo'n̈ sch'oxnb'il Aserá cha, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc. Pococ x'aji, 'ix ya'n tzicxoc 'at spoccal chi 'a yib'n̈ 'aj mucn eb' xyac' xajmb'al 'a 'a.

Ex 15:12

'Ix a'n cot yowl a c'ojl 'a yib'n̈ eb' 'anma yet' a poder, ax lum lum 'ix b'u'n 'ejm eb'.

Jeremías 15:6

An Jehová in, an tzwala, tox in eyactj cani, yel xo wal tzex juw 'eli. Caw in c'unb' c'och ex wa'n niwnc'ojlal, yuj cha, 'oj ex in satli.

Jeremías 6:12

A yatut eb', slum eb', yet' yistzil eb', chucx mach 'oj 'ica'anoc. An Jehová in, an tzwala, to 'oj wi' chan̈ in c'ab', ax wa'n 'och syailal eb' 'anma cajn 'a jun chon̈b' tic.

Ez 25:7

Yuj cha, 'oj wi' chan̈ in c'ab', ax wa'n 'och eyailal. 'Oj ex wac' 'a yol sc'ab' jun tzo'n̈ xo nacion̈, sec 'oj 'ijxoc 'ec' smasnil tas 'ay 'ayx yuj eb'. Ax ex in satn 'el 'a scal jun tzo'n̈ xo chon̈ab', 'oj e lajw 'el 'a jun 'ejmn̈ej, sec 'oj eyojcoc 'eli, to an Jehová in, an 'ixta tzex wutej.

Ez 6:14

'Oj wi' chan̈ in c'ab', ax wa'n 'och syailal eb' 'aj cajn cha. Tzann̈j 'aj cajn eb' 'anma cha, 'oj can yet'l eb' chi 'a cusltaquil, 'oj 'el yich 'a lum cusltac lum 'a stojlal sur, masnto 'oj c'och 'a lum Ribla 'ay 'a stojlal norte. 'Ixta to b'i'an, ax yojcan 'el eb' to an Jehová in tic, to cojn in ton Dios in, xchi Dios.

Os 10:5

A eb' 'aj Samaria, 'oj 'ib'xoc eb' yuj xiwlal. 'Oj 'oc' eb' yujto 'oj 'ijxoc 'at jun q'uen yechl quelm wacx 'ayc' 'a chon̈b' Bet-avén. Caw wal 'oj cus eb' 'anma chi yuj jun cha, yet' pax eb' ya'mal 'och sti eb' 'anma', yujto a swach'l yilx jun cha, 'oj sat 'ejmi.

Miqueas 5:13

'Oj in satl jun tzo'n̈ e diosal, yet' jun tzo'n̈ q'uen q'uen 'aj tzex leslwi, sec wach' man̈x 'oj eyac' 'emmquilal 'a jun tzo'n̈ e diosal xe b'o cha.

Sofonías 2:11

Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Sofonías 2:13

Ax ya'n 'at yailal 'a yib'n̈ eb' 'ay 'a stojlal norte yuj satn 'el eb' cajn 'a Asiria. A chon̈b' Nínive, caw cusltac xoj 'oj 'ajcn yu'uj, 'oj 'ochcn cusltac lumal.