Sofonías 1:2 - Chuj San Sebastian Bible

² 'Oj in satl smasnil tas 'ay 'a sat lum lu'um.

Chuj San Mateo Bible

² A Jehová ix alan d'ayin icha tic: Ol in satel masanil tas ay d'a sat luum tic.

Sofonías 1:2 Iomraidhean Croise

Gn 6:7

Caw wal tztac in c'ojl yuj eb' 'anma xin b'o tic. Yuj cha, 'oj in satl eb' 'a sat lum lum tic, yet' no cajb'en noc', no calte'al noc', no tzjuc sb'a 'a sat lu'um, yet' pax no ch'ic, xchi.

2 Cr 24:24

Jaywn̈ej eb' soldado sirio 'ix jaw yac' owl yet' eb' 'aj Judá, palta a Jehová 'ix 'a'n 'och eb' soldado to niwn sb'isl chi 'a yol sc'ab' eb', yujto 'ix yactj can eb' Jehová, atn sDiosal eb' yet' smam yicham. 'Ixtnta x'aj Joás yab'n syal yuj tas tu x'el sb'oni.

2 Cr 36:21

'Ixta 'ix 'aj yel'ch tas ya'jnac Jehová yal-l win Jeremías. 'Ixta x'aj yilj lum lu'um, yujto niwn tiempo may munljel xb'o 'a sat lu'um, masnto stz'acw 70 ab'il.

Is 6:11

Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.

Jeremías 34:22

An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Jeremías 36:29

Tzaln jun tzo'n̈ paxti tic 'a win rey cha: 'Ixtc wal yaln Jehová: Ach tic 'ix 'a n̈us tz'a ch'an̈ u'un̈, 'ix a tenn 'och wan Jeremías yujto stz'ib'j 'a ch'an̈ un̈ cha, chajtlto 'oj jawc win sreyl Babilonia wul satl jun nacion̈ tic, man̈x 'a junc 'anma', man̈x 'a pax junc no noc' 'oj can 'a 'a.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Lm 2:17

A Jehová, 'ix 'el'ch tas nab'il yu'uj, 'ix 'el'ch tas alb'il can yuj 'a yic pecti'. On̈ ya'c lajwoc, ma'ix yac' niwnc'ojlal 'a quib'n̈ec. 'Ix 'el wal 'a sc'ojl ya'n tzewjoc eb' 'ajc'ojl yajch 'ayn̈ec, 'ix yi'n q'ue'ch yopiso eb' 'ajc'ojl cha.

Miqueas 7:13

Caw cusltac 'oj 'ajcn yolyib'n̈q'uinal, smulyujoc eb' cajn 'a 'a, 'ixta 'oj 'ajoc.