Sofonías 1:13 - Chuj San Sebastian Bible

¹³ Yuj cha, a smasnil sricoal eb', 'oj 'ijxoc 'eq'ui, ax sma'x lan̈chjoc can yatut eb'. 'Oj cob' sb'o chan̈ eb' yatut, palta man̈xtoc a eb' 'oj cajnoc. 'Ojt cob' yawc eb' te uva, palta man̈xtoc a eb' 'oj 'u'nc yalil te', xchi Dios.

Chuj San Mateo Bible

¹³ Yuj chi' a masanil jantac sb'eyumal eb', ol ic'chajec'oc yed' spat eb' ol juchajemoc. Ol sb'oq'ue spat eb', palta man̈oc eb' ol cajnaj d'a yool. Ol yavej yuva eb', palta man̈oc eb' ol uc'an svinoal, xchi Jehová.

Sofonías 1:13 Iomraidhean Croise

Is 6:11

Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.

Jeremías 15:13

Yuj smasnil e mul, yuj cha, ax wa'n e ricoal 'a eb' 'ajc'ojl yajch 'ayex. A smasnil tas 'ay 'a sat e lum tic, ton̈j 'oj yi'c eb' 'ayx 'a nab'an̈ej.

Jeremías 17:3

yet' 'a lum jolmctac witz 'ay 'a sti 'el chon̈ab'. Yuj wal maysch'olnilal tzlaj e b'o 'a jun tzo'n̈ lugar yic 'emmquilal 'ay 'a 'aj chan̈ yaj chan̈ 'a yol e nacion̈, yuj cha, ax wa'n 'elc'xoc 'at smasnil e ricoal, yet' jun tzo'n̈ tas molb'il eyu'uj.

Jeremías 4:20

Caw tzoltzni sjaw yab'xil yailal tzlaj uji. Smasnil jun nacion̈ tic, caw tox 'ix 'ixtx 'eli. Wal 'a yajn̈ej xma'x 'ejm lan̈chjoc watut, caw x'ixtx 'el 'aj tzin 'ec' cajan.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Jeremías 5:17

'Oj sc'ux 'ejm eb' sat smasnil eyawb'en, yet' tas tze c'uxu. 'Oj smil eb' eyunnal yet' eb' eyisil. 'Oj schi 'ejm eb' e no e calnelu yet' e no e wacax. 'Oj slo 'ejm eb' sat eyuva yet' e higo. Ax syamc'ab' eb' yic owal, a 'oj yac' eb' ma'nc 'ejm lan̈chjoc e chon̈b' 'aych smuroal, jun to 'aych yipc e c'ojol, xchi Dios.

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Jeremías 9:19

A 'a chon̈b' Sión, caw tz'ab'x yoch 'oc'l yuj cusc'ojlal, yal cab' eb' 'ixtic: Caw wal 'oltacn̈ec, tox on̈ lajwec 'eli, caw wal tzcab'c syal q'uixwc'ojlal. A ticnec yowlal 'oj cactquec can jun qui chon̈b'ec tic, yujto tox 'ix lajw slan̈chj 'ejm catutec, xchi cab' eb' tz'oc' cha, xchi Jehová.

Lm 5:2

Smasnil tas 'ay 'ayn̈ on̈, yol sc'ab' eb' chuc chon̈b'al xo 'aj 'ayq'ui. A catut on̈, yic xo eb' chuc 'anmal yaji.

Ez 22:31

Yuj wal cha, 'oj wa' cot yowl in c'ojl 'a yib'an̈. 'Oj wac' lajwc 'el eb' 'anma yuj in c'a'lc'ojlal. 'Ixta 'oj 'aj sjaw yailal 'a yib'n̈ eb' yuj sb'eyb'al cha, xchi Dios, xa chi 'a eb', xchi 'ayin.

Ez 7:19

'Oj sjul-l eb' q'uen plata mto q'uen oro 'a yol caye, man̈x 'a yel'ch 'oj yutc eb'. A q'uen plata cha, mto q'uen oro, ma'oj stac' scoln 'el q'uen junc mach 'a yol sc'ab' yowl in c'ojl an Jehová in. Ma'oj 'ec' swejl eb', ma'oj b'ut'joc pax sc'ojl eb' yuj q'ue'en, yujto a q'uen x'a'n 'ejm eb' 'anma chi 'a maysch'olnil.

Ez 7:21

'Oj cot eb' 'anma yel xo tu 'a chuc chon̈b'al, ax wul sto'nc 'ec' eb' jun tzo'n̈ chi 'a eb'. A yic 'oj yi'noc 'ec' eb' chuc chon̈b'al jun tzo'n̈ chi 'a eb', man̈x 'a yel'ch 'oj yutc eb' jun tzo'n̈ cha.

Ez 7:24

Yuj cha, 'oj wi' cot eb' 'anma yel xo maysch'olnil 'a jun tzo'n̈ xo nacion̈, ax yica'an eb' jun tzo'n̈ tas 'ay 'a jun nacion̈ tic. 'Ixta 'oj 'aj wi'n 'ejm eb' tzb'an̈ sb'a yet' tas 'ay 'a 'a; man̈x 'a yel'ch 'oj 'ajcn jun tzo'n̈ 'aj tzyal sb'a eb' cha.

Am 5:11

Caw tzeyixtj eb' meb'a', tzeyi'n 'ec' strigo eb' 'anma 'a nab'an̈ej. Yuj cha, ma'oj stac' eyaj cajn 'a eyatut to nab'a q'uen xeyutj e b'oni. Man̈x 'oj eyuc' pax yalil te uva man̈x jantcoc sja'l yaj eyawni.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Miqueas 6:15

'Oj eyawc eyawb'en, palta may tas 'oj e jach'a'. 'Oj e te'l yalil sat e olivo, palta man̈oc ex 'oj e c'ana'. 'Oj e te'l yalil sat e uva, palta man̈oc ex 'oj eyuc' yal uva cha.

Sofonías 1:9

An̈jtona', 'oj wa'ch pax syailal eb' cob' tz'a'n 'emmquilal 'ayin, 'icha tzyutj eb' chuc chon̈b'al ya'n 'emmquilal 'a sdiosal, to tz'och eb' 'a yol yet'l sdiosal chi yet' siylab', atn tas tzyij eb' 'a spatquil 'elc'al yet' 'a 'ixtj 'anma'il.

Dt 28:30

'Oj eyac' e ti cob' e nupn yet' junc 'ix 'ix, palta chucx win 'oj way yet' 'ix. 'Oj cob' e b'o eyatut, palta ma'oj e caja'. 'Oj cob' e b'o e munljel, palta ma'oj e c'ux sat eyawb'en cha.

Dt 28:39

'Oj eyawc cob' te uva, ax e tan̈wni yel-l cob'i', palta may xon sat te uva chi 'oj e molo', may xon yal uva 'oj eyuc', yujto an̈j sc'ocholal sat lum lum chi 'oj c'uxnc 'ejmi.

Dt 28:51

'Oj schi eb' yune smasnil e cajb'en noc', ax sc'uxn eb' sb'al sat e lu'um, masnto 'oj e lajw 'el yuj eb'. Man̈x 'a e trigo 'oj yactc can eb', e yal uva, yet' eyaceite. Man̈x 'a pax e cotc wacax, e cotc calnelu mto e chiwo 'oj can yuj eb'. Yuj cha, 'oj e cham yuj wejel.