Sofonías 1:10 - Chuj San Sebastian Bible

¹⁰ An Jehová in an tzwala: A 'a yic jun c'ul cha, til wal 'oj 'ab'xoc yoch 'aw 'a spuertail yic no chay, yet' pax 'a junx stz'acb' chon̈b' tot b'ob'il. 'Oj 'ab'xoc pax yel yaw eb' 'anma yuj c'acp 'oj laj cot lan̈njoc 'a lum tzalctac.

Chuj San Mateo Bible

¹⁰ A d'a jun c'ual chi', ol ab'chaj yel yav anima d'a puerta b'aj tz'och eb' chon̈um chay d'a schab'il macan̈ chon̈ab'. Ol ab'chaj sc'an̈ yel c'acap d'a lum tzalquixtac.

Sofonías 1:10 Iomraidhean Croise

A Ch'an̈ Schab'l Libro Samuel 5:7

A 'a yic jun tiempoal cha, ata xyal David 'a eb' soldado 'ixtic: E masnil ax 'oj eyoch a owal, b'eyn̈ec 'och 'a yojl 'aj tzb'ey a a tz'o'ch 'a yol chon̈ab'. Tzlajw cha, tze miln cham eb' cob' tzyalch sb'a to matz uj yilni, yet' smasnil eb' tz'em sb'eyi. A jun tzo'n̈ eb' cha, caw wal tzin yajl eb', xchi. Yuj cha, yalx can jun paxti 'ixtic: A eb' matz 'uj yilni, yet' eb' tz'em sb'eyi, matz tac' yoch eb' 'a yol sdespacho win rey, xchi. Ax x'aji, x'ejm jun niwquil cuartel 'a Sión chi yuj David, yuj cha, scuchn can Schon̈b' David.

A Ch'an̈ Schab'l Libro Samuel 5:9

Xlajw cha, sb'on chan̈ David jun smuroal sdespacho masnto tzc'och 'a 'aj 'ay cuartel cha, xya'n scuch Schon̈b' David. Sb'on chan̈ jun tzo'n̈ n̈a 'a spatquil, x'eln̈j yich 'a 'aj lan̈b'il jun tzo'n̈ ch'oltac masnto xc'och 'a sdespacho eb' rey.

A Ch'an̈ Schab'il Libro Yic Yab'ixal Eb' Rey 22:14

Xlajw cha, 'ix 'at Hilcías chi yet' eb' tic, atn Ahicam, Acbor, Safán, yet' Asaías yic tz'at sc'umnoc eb' 'ix schecb' Dios, atn 'ix Huldá yistzil Salum, win yunnal Ticva, yixchicn Harhas. A Salum cha, a scuenta smoln pichl 'a yatut Jehová. Ax 'ix Hulda cha, ata cajn 'ix 'a jun macn xo q'ue'ch chon̈b' tot b'onc 'a Jerusalén cha. A yic 'ix paxtin eb' 'a 'ix,

2 Cr 3:1

'Ix 'el yich sb'on eb' munljum yatut Jehová 'a Jerusalén, yic schab'l xo c'u yoch schab'l 'uj yic schan̈l ab'il yoch Salomón reyl 'a Israel. Ata xb'o 'a lum jolm witz Moriah, 'a 'aj sch'oxjnac sb'a Jehová 'a David. Atn jun lum chi yic yatut Dios yajcn yuj David cha, atn 'a ste'lab' trigo win Ornán 'aj Jebús.

2 Cr 32:22

'Ixtnta xyutj Jehová scoln 'el Ezequías yet' smasnil eb' cajn 'a Jerusalén 'a yol sc'ab' Senaquerib cha, yet' 'a yol sc'ab' jun tzo'n̈ xo nacion̈. Junc'ojlal xoj xcan eb' yet' jun tzo'n̈ nacion̈ 'ay 'a sla'nil cha.

2 Cr 33:14

Xlajw xoj cha, 'ix sb'on chan̈ smuroal spatquil Schon̈b' David 'a stojlal 'aj tz'em c'u 'a Guihón, tz'ec' jun muro chi 'a pan̈n 'a'lic, masnto tzc'och 'a puerta yic no chay, sb'on pax smuroal Ofel. Caw wal niwquil x'aj ste'il. An̈jtona', xya'n 'och eb' capitan̈ 'a smasnil chon̈b' 'aych smuroal 'a yol yic Judá.

2 Cr 34:22

Xlajw cha, 'ix 'at Hilcías yet' jun tzo'n̈ xo eb' xchecx 'at yuj win rey, yic tz'at sc'umnc eb' 'ix Hulda 'ix schecb' Dios, yistzil Salum, yunnal Ticva, yixchicn Harhas, atn scuenta smoln smasnil pichl 'a yatut Jehová. Ata cajn 'ix 'a jun schamacn̈il chon̈b' 'a Jerusalén.

Nehemías 12:39

On̈ 'ec' 'a jun puerta yic Efraín, 'a jun puerta tzcuch Jesaná, 'a spuertail yic no chay, 'a jun torre tzcuch Hananel yet' 'a jun torre tzcuch Hamea, masnto 'a spuertail yic no calnelu; on̈ 'och wan 'a spuertail yic no calnelu, on̈ 'och pax wan 'a spuertail yic eb' tztan̈wni puerta cha. Ata xqui chaj qui b'a qui chac'ajil.

Nehemías 3:3

Ax eb' yin̈tl Senaa, a eb' xb'on sjel 'aj tz'och spuertail yic no chay. Xya'ch eb' sjolm puerta, xya'n 'och eb' spuertail, ax q'uen hierro x'och yipnub'oc.

Is 59:11

'Ay cob' 'aj tzcotc cowal, tzcob' n̈il-li yol qui jajc 'icha no oso, mto tzon̈ cob' c'acwec 'icha sc'acw no parama; cob' tan̈b'il qui b'ocyaj 'a stojlal, palta may b'a'n̈ tzon̈ b'ocyaji, 'icha to najt yajcn 'el colnb'il 'a qui tz'eyec.

Jeremías 39:2

Ax 'a yic sb'aln̈il c'u yoch schan̈l 'uj, yic yuxlchil ab'il yoch Sedequías yajlil, a yic cha, 'ix yoln eb' soldado yic Babilonia jun oln 'a smuroal chon̈b' cha.

Jeremías 4:31

A eb' 'aj Sión tz'el yaw cha. Caw tzwab' yel yaw eb' 'icha wal yel yaw junc 'ix 'ix 'a yic tz'alj junc sb'ab'l 'une'. Caw tzc'acw eb', tzlaj sjilnc 'at eb' sc'ab', tzyaln eb' 'ixtic: ¡'Ay, 'oltacn̈ec wali! ¡Caw 'oj on̈ smilc cham eb' milm cham 'anma'! xchi eb'.

Ez 6:13

A yic 'oj yilnc eb', t'occtac yaj eb' 'anma chi scham 'a scal jun tzo'n̈ yechl comn dios cha, 'a stz'ey yet'l xajmb'al eb', 'a lum tzalctac, 'a lum jolmctac witz, 'a yich eb' te ma'ach', atn 'aj tzlaj sn̈us eb' incienso 'a sdiosal cha, ata 'oj yojcoc 'el eb' to an Jehová in tic, to cojn in ton Dios in.

Am 8:3

A wal yic 'oj wa'nc 'och syailal 'a jun c'ul cha, a b'it tz'och xon 'a yol yatut Dios, a 'oj meltzjoc 'och 'a 'o'lal. Caw niwn 'anma 'oj chamoc. T'occtac xoj 'oj 'ajcn sniwnal eb', ax scan jun lugar tic 'a sictaquil, xchi Jehová.

Sofonías 1:15

A jun c'u cha, yic ton wal yowl sc'ojl Dios, yic yailal yet' cusc'ojlal. A yic cha, 'oj ma'xoc can 'ejm lan̈chjoc chon̈ab', cusltac xoj 'oj 'ajcni. 'Oj 'och q'uic'q'uinal, 'oj 'och q'ui'l 'asun, caw q'uic'q'uinl 'oj 'ajcni.

Sofonías 1:7

Sictac tzex 'aj 'a wojltac an Jehová Yajl in tic, yujto jab'xoj sjaw jun c'u yic 'oj wa'nc yowl in c'ojol. Tox 'ix wac' lista jun tzo'n̈ xajmb'al. Tox 'ix in si'l pax eb' 'awtb'il cot wac wet'oc.