Salmos 99:3 - Chuj San Sebastian Bible

³ Alx cab' wach' paxti 'ayach, yujto caw niwn el'chi, 'ay pax smay a b'inaxi, Dios Cojxn̈ej Ach Toni.

Chuj San Mateo Bible

³ Alchajocab' vach' lolonel d'ay, yujto nivan ton yelc'ochi, te ay smay, Axon̈ej Ochi.

Salmos 99:3 Iomraidhean Croise

Nehemías 1:5

Xwaln 'a 'ixtic: Tzin tew 'aych Mamin Jehová, Dios ach, ach 'ay ec satcha'an̈, caw 'ay ep, niwn el'chi, smoj tzxiw eb' 'anma 'ayach, tzac' 'el'choc a trato, caw tz'o'ch a c'ojl 'a eb' tzach chamc'ojlani, eb' tzyiclni a checnb'il.

Nehemías 4:14

A yic xwilni to tzxiw eb', xin te'wtzan in b'a waln 'ixtc 'a eb' yichm wincal chon̈ab', 'a eb' yajl yaj 'a yib'n̈ eb' chon̈b' cha, yet' 'a smasnil eb' 'anma': Man̈ ex xiwoc. Nac cot qui Diosalec to caw niwn yel'chi, smoj a 'a tzon̈ xiwec. Yuj cha, qui colc qui chon̈ab', eb' cunnalec, eb' 'ix quislec, eb' 'ix quistlec yet' catutec, xin chi 'a eb'.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Nehemías 9:5

atn Josué yet' Cadmiel, Binuy, Hasabnías, Serebías, Hodías, Sebanías, yet' Petahías, 'ix yaln eb' 'ixtic: Q'uen̈ec wa'an, calc wach' paxti 'a Jehová qui Diosalec 'a smasnil tiempo. Qui b'itquec sb'i yuj calnec wach' paxti 'a 'a, wach'xam matz q'ue'ch qui b'inanec sb'i 'a 'icha wal smoj sb'inaxi, xchi eb'.

Salmos 100:4

'Och coyc 'a spuertail yatut Dios yic tzcalnec yuj diosal 'a 'a. A yic 'ayn̈ec 'ec' 'a yamq'uil yatut cha, qui b'itnoquec b'it yic tzcalnec qui wach' paxti 'a 'a.

Salmos 103:1

Wal 'a smasnil in c'ojol, 'oj wal in wach' paxti 'a Jehová.

Salmos 111:9

'Ix yac' colchjoc 'el schon̈ab', sb'on can strato yet' eb' 'a smasnil tiempo, yel xo wal 'ay smay sb'inaxi.

Salmos 145:17

Mamin Jehová, caw wal tojl a b'eyb'al, 'ay a chamc'ojlal 'a smasnil tas b'ob'il o'oj.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Salmos 76:1

'Ojcab'il Dios 'a Judá, caw niwn yel'ch sb'i 'a smasnil yol yic Israel.

Salmos 76:12

Yujto a tz'i'n 'ec' sq'uinl eb' yajal, caw tzxiw eb' rey yic yolyib'n̈q'uinl tic 'a 'a.

Is 6:3

Xlaj yal-lanc eb' 'a junjn 'ixtic: A Jehová tzta'n̈j yuj smasnil, Dios caw Cojxni, checl stzictznil 'a smasnil yolyib'n̈q'uinal, xchi eb'.

Jeremías 20:11

Palta ach tic Mamin Jehová, 'aych 'ec'n̈ej wet'oc, 'icha junc soldado may tz'aj yejm xoni. A eb' tzin pechn b'eyc'oc, 'oj telwc eb', palta an xo, ma'oj wejm yuj eb'. Caw 'oj q'uixwc can 'el eb' 'a jun 'ejmn̈ej, ma'oj sat sc'ojl eb' 'a sq'uixwelal cha.

Jn 17:11

Jab'xoj wal 'ayn 'ec' 'a yolyib'n̈q'uinl tic, ax in pax q'ue et'oc. Ax eb' tic, 'oj laj can eb' jacx 'a yolyib'n̈q'uinl tic. Mamin, caw tojln̈ej a nab'en. A eb' xac' 'ayn tic, tza tan̈wj eb' yet' a poder, sec junxn̈ej tz'aj snab'en eb' 'icha waj et'oc.

Dt 28:58

Toto ma'oj eyiclc jun tzo'n̈ checnb'il tz'ib'b'il can 'a ch'an̈ un̈ tic, may pax yel'ch Jehová qui Diosalec 'ayex, atn jun man̈x jantcoc swach'c'ojlal tzyac' 'ayex.

Dt 7:21

Yuj cha, man̈ ex xiw xon 'a eb' 'anma cha, yujto a Jehová qui Diosalec, a 'ayc' 'a e cal, caw niwquil spoder, caw wal 'ay smay.

Josué 24:19

Yuj cha, xyaln Josué 'a eb' chon̈b' chi 'ixtic: —Ax tic, ma'oj stac' eya'n servil Jehová, yujto caw matz techj yu'uj yic tzyiln 'och tas man̈ wach'oc. Caw wal ow toto tzex 'och 'emmquilal 'a jun tzo'n̈ comn dios, matz yac' niwnc'ojlal jun tzo'n̈ mul cha.

Apoc 4:8

A chan̈wn̈ eb' cha, waque sc'axl junjn eb'. Ax sniwnal eb', nab'a yol sat sb'a. Sc'ual yac'wlil yaln eb' 'ixtic: A Cajlilec, atn qui Diosalec, caw Cojxni, smasnil tas tzta'n̈j yu'uj. 'Ayc'n̈ej tax 'a yic pecti', 'ayc' ticnec, atn jun 'oj jawoc, xchi eb'.

A Ch'an̈ B'ab'el Libro Samuel 2:2

Mamin Jehová, may junc xo mach wach'. May junc xo mach wach' scolwj 'icha ach tic. Ach qui Diosal on̈, cojn ach colwjum ach.