Salmos 102:8 - Chuj San Sebastian Bible

⁸ A eb' 'ajc'ojl yajch 'ayin, 'a junjn c'u tzyac' cus eb' in c'ojol, tzc'anlb'an eb' in b'i yic tzcatb'tzan can eb'.

Chuj San Mateo Bible

⁸ A eb' ayoch ajc'olal d'ayin, junjun c'u stzuntzej cus in c'ool eb'. Tzin yac'anpax b'inaj eb' d'a scatab'.

Salmos 102:8 Iomraidhean Croise

Salmos 2:1

¿Tas yuj caw tzq'ue 'awjoc eb' chuc chon̈b'al? ¿Tas yuj a jun tzo'n̈ may jac yel'ch 'aj tzya'ch eb' snab'en?

Salmos 41:5

A eb' 'ajc'ojl yajch 'ayin, caw tu tzyal eb' 'a in patic; tzyaln eb' 'ixtic: ¿B'a'n̈ wal 'oj chamoc, sec man̈x 'a mach 'oj nanc coti? xchi eb'.

Salmos 55:3

Caw tzin 'ib'x chan̈ yuj sjaj eb' 'ajc'ojl yajch 'ayin, tz'el yaw eb' yet' smaysch'olnilal. 'Ix ya'ch eb' yailal 'a wib'an̈. Tzin spechn b'eyc'oc eb' yet' yowl sc'ojol.

Salmos 69:20

Yuj wal jun tzo'n̈ b'uchwal paxti cha, yuj cha, a tzwutj wab'ni to xjat in pixn yab'n syail; man̈x in 'anma'oc, man̈x 'a pax wip. Nab'an̈ej 'ix in say mach tz'a'n sniwnal in c'ojol, yet' mach tz'o'ch sc'ojl 'ayin.

Salmos 77:5

Tzin na cot jun tzo'n̈ sc'ual, yet' yab'lilal tas 'e'nc 'a yaln̈taxi.

Salmos 89:51

An sic'b'iln 'el oj tic, caw ya jun tzo'n̈ paxti tic tzwab'i: atn schichnc'ojlal eb' 'ajc'ojl yajch 'ayach, caw ya yaln eb' 'a in patquil.

Is 65:15

A eb' sic'b'il 'el wu'uj, 'oj sc'anlb'oc eb' e b'i yic tzcatb'an eb' junc xo 'anma', an Jehová in, an 'oj ex wac' milxoc chamoc. Palta ax eb' in checab', 'oj in jel-l sb'i eb', 'oj wac' junx 'ac' b'i 'a eb'.

Jeremías 29:22

Yuj cha, ex 'aj Judá, ex to 'ijxnac 'at 'a Babilonia, toto 'ay junc ex tze nib'j tze catb'tzej can junc xo mach, 'ixtc cab' tzeyutj eyalni: Sb'o cab' Jehová et' 'icha yutjnac win Sedequías yet' win Acab, a ewin tic, 'ix yac' win Nabucodonosor n̈usxoc eb', xchi cab'i'.

Lc 6:11

Palta ton̈j xwach' cot yowl ewin fariseo cha, yuj cha, 'ix slajtin sb'a ewinac, tas 'oj yutc ewin Jesús.

A Tas Sc'ulejnac Eb' Schecab' Jesús Hechos 26:11

Til wal 'ejm cob' wa'jnac 'och syailal eb', sec man̈xtzac ya'ch eb' sc'ojl 'a Jesús. 'Ixta 'ec' wutjnac in b'a 'a junjn scapiya eb' wit israelal, caw niwn in chichnc'ojlal 'a eb'. Xit'nc in 'a jun tzo'n̈ chon̈b' 'a najat, xit' wa'nc 'och syailal eb'.

A Tas Sc'ulejnac Eb' Schecab' Jesús Hechos 7:54

Ax yic 'ix yab'n ewin jun tzo'n̈ tic, caw xcot yowl eb' 'a Esteban cha. Xcaw xjuch'ch'i ye eb' scot yowal.

Ro 15:3

Yujto a Cristo, man̈toc mun sb'ojnac 'icha snib'ej. Palta caw jawnac 'a yib'n̈ 'icha tzyal 'a Ch'an̈ U'un̈, 'a 'aj tzyal 'ixtic: A yic sb'uchwj eb' 'anma 'ayach, caw locn in tzwab' syail, xchi.