Salmos 102:2 - Chuj San Sebastian Bible

² Man̈ e'l a sat 'ayin, yic 'ayn 'och 'a in cusc'ojlal. Comnoc tz'el 'a a c'ojl ab'n tas tzwala. A yic tzach wawtni, tza pacn pax 'ayn muc'uc.

Chuj San Mateo Bible

² Man̈ ach b'at mican d'ayin ayic ay in och ilc'olal. Elocab' d'a a c'ool ab'an in lesal. Comonoc elan̈chamel tzach tac'vi d'ayin ayic tzach vavtani.

Salmos 102:2 Iomraidhean Croise

Job 34:29

Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.

Job 7:21

¿Tom wal matz tac' in a'n niwnc'ojlal yuj in mul? ¿Tom matz tac' in a'n niwnc'ojlal yuj tas maysch'olnil tzin b'o'o? 'In to jab'xoj in 'atcn 'a scal pococ, 'oj in a sayq'ui, palta man̈x 'oj wilchji, xchi Job.

Salmos 104:29

Toto tzej 'el a sat 'a e no', wal xiw chan̈ e no cha; toto tzej 'ec' sq'uinl e no', 'oj cham e no', ax yochx can e no poccal.

Salmos 13:1

Mamin Jehová, ¿b'a'n̈ wal 'oj in a na coti? ¿Toc wal 'oj in 'atcn satc'ojlal oj 'a smasnil tiempo? ¿B'a'n̈ wal 'oj a ch'ox a b'a 'ayin?

Salmos 143:7

Mamin Jehová ta'wj in muc'uc, yujto wan yel wip tzwab'i. Man̈ e'l a sat 'ayin, colwjan̈ wet'oc, sec man̈ lajnoc tzin 'ajcn 'icha eb' chamnac.

Salmos 17:1

Mamin Jehová 'ab' wal tas tzwal 'ayach, 'ochn̈ wal q'ueln 'ayin, yic tzwaln in b'a 'ayach. Maclj wal ab' in lesal, yujto man̈ in c'ayncoc wa'n 'es.

Salmos 22:19

Mamin Jehová man̈ ach 'at 'a najat, caw yipc'ojlal aj wu'uj, cotn̈ mu'c wul in a colo'.

Salmos 27:9

Ach in Diosal, man̈ a c'ub'c 'el a b'a 'ayin. Man̈ in a patquilc can 'el yet' yowl a c'ojol, yujto cojxn̈ej ach in Colmal aji. Man̈ in actc can in ch'ocoj, colwjan̈ 'ayin.

Salmos 31:2

Chaj ab' tas tzwala, caw coln muc'uc, wojtac to 'icha in n̈aq'uen aji, in cuartel ach, a 'aych tzin col in b'a.

Salmos 40:13

'O'ch cab' a c'ojl 'ayn Mamin Jehová, coln muc'uc, cotan̈ wul coln 'eli.

Salmos 69:17

Man̈ in a patquilc can 'el an a checb' in tic, ta'wj in muc'uc, yujto 'ayn 'ec' 'a scal tas 'ay smay.

Salmos 70:1

Mamin Jehová in Diosal ach, colwjan̈ wet' muc'uc, cotn̈ mu'c wul in a colo'.

Salmos 71:2

Caw colwjan̈ wet' muc'uc, coln 'el yet' a tojlal, maclj wal ab' tas tzwala.

Ex 2:23

Niwn xo tiempo x'eq'ui, 'ix cham win sreyl Egipto cha. Ax eb' israel an̈j 'ijnoc yab'n eb' sya'il, mosoaln̈ej yajch eb', man̈ yico'oc sb'a eb', caw tz'el yaw eb'. 'Ix yiln Dios scusc'ojlal eb' yet' syailal eb',

Ex 2:24

'ix yab'n pax yoc' eb', yuj cha, 'ix snan cot strato yet' Abraham, Isaac yet' Jacob.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Is 8:17

Wach'xam tzc'ub'j 'el sb'a Jehová 'a 'ayn̈ an̈ yin̈tl on̈ Jacob tic, palta an tic, tzwa'ch 'a in c'ojol, to a yipc'ojlal yaj wu'uj.

1 Co 10:13

Jantcn̈ej jun tzo'n̈ prowal tzjaw 'a quib'n̈ec, lajnn̈ej yet' jun tzo'n̈ tzjaw 'a yib'n̈ eb' 'anma smasnil. Palta a Dios tz'a'n 'el'choc tas tzyala. Matz on̈ schaj 'ajxoc prowal yuj junc tas matz techj cujec. A yic tzjaw junjn prowal cha, a tz'a'n qui na'ec, tas tzcutjec qui coln qui b'a 'a 'a, sec wach' tztechj cujec.