Salmos 102:11 - Chuj San Sebastian Bible

¹¹ A 'in q'uinal, lajn wal yec' 'icha junc wewen, wan in tacj chan̈ 'icha te c'ultac.

Chuj San Mateo Bible

¹¹ Icha junoc en̈ul vanxo satemi, icha val chi' in q'uinal. Van in tacjiem icha val an̈ an̈c'ultac svab'i.

Salmos 102:11 Iomraidhean Croise

Job 14:2

Lajn on̈ 'icha junc nichte wanto cob' spojli, ax tz'aji, tztacj pax 'el muc'uc; 'ixta yec' qui q'uinl on̈, lajn pax tz'aj yec' 'icha junc wewen.

Job 19:10

In yac' lajwc 'ejm wal si'mb'il, ax tas 'aych yipc in c'ojol, c'uxn xlajw 'el 'icha tzyac' junc te te tztacj yet' sch'an̈lyib'.

Salmos 109:23

Wan in lajw 'ec' 'icha tzyac' wewen, a 'ic' tzin ma'n chan̈ 'icha tzyac' no c'ulub'.

Salmos 144:4

An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Ec 6:12

May junc on̈ec cojtac tas junc tz'och qui wach'loc, yic 'ayn̈ec 'ec' 'a yolyib'n̈q'uinl tic. A qui q'uinlec may jac yel'chi, lajn yec' 'icha junc wewen. ¡Toc 'ayt mach 'oj alnc cab'ec tas tzb'o 'a yolyib'n̈q'uinl tic yic chamnc on̈c xo!

Lm 3:1

An tic, caw niwn xwab' syal yuj yowl sc'ojl Dios.

Santiago 1:10

Palta ax xo rico ex, toto tznachj 'el eyu'uj, to may eyel'ch 'a yol eyico', 'oj e tzalj jun xo. Yujto a eb' rico, 'icha yel snichte', 'ixta 'oj 'aj 'el'ch eb'.

Santiago 4:14

Palta 'in man̈ cojcoquec tas cajc q'uic'an. A qui q'uinlec 'a yolyib'n̈q'uinl tic, yajn̈ej tz'eq'ui. Lajn 'icha xob' lu'um, junn̈j rato tzlajw q'ue wa'an.

A Sb'ab'el Carta San Pedro 1:24

'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.