Salmos 102:1 - Chuj San Sebastian Bible

¹ Mamin Jehová, chaj wal in lesl tic, comnoc wal tzc'och yel waw 'ayach.

Chuj San Mateo Bible

¹ Mamin Jehová, ab' val jun in lesal tic. In gana to sc'och vav d'ayach.

Salmos 102:1 Iomraidhean Croise

2 Cr 30:27

Xlajw cha, 'ix q'ue wan lin̈n eb' ya'mal 'och sti eb' 'anma 'a Dios yet' eb' yit levitail, yic tzc'ann eb' syaxilal Jehová 'a yib'n̈ eb' chon̈ab'. Caw 'ix 'ab'x slesl eb' chi 'a satcha'an̈, atn 'a 'aj cajn Dios.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 143:4

Man̈x 'anmac yaj in nab'en tzwab'i, caw wal tzsomchj chan̈ in c'ojol.

Salmos 143:7

Mamin Jehová ta'wj in muc'uc, yujto wan yel wip tzwab'i. Man̈ e'l a sat 'ayin, colwjan̈ wet'oc, sec man̈ lajnoc tzin 'ajcn 'icha eb' chamnac.

Salmos 145:19

A eb' yiclum 'ayach, tzac' tas tznib'j eb'. A yic tzc'ann eb' a colwal, yajn̈j cha, tzach colwj 'a eb'.

Salmos 18:6

A yic 'ayn 'ec' 'a scal in somc'ojlal, xwaln in b'a 'a 'aych Jehová, xin c'ann a colwal ach in Diosal. 'Ix ab'n yel waw yic 'aych 'ec' 'a yol atut, 'ix c'och waw 'a a chiquin.

Salmos 39:12

Mamin Jehová, 'ab' wal in lesal, 'a' cot wal a chicn 'ayin yic tzwaln in b'a 'ayach. Man̈ ton̈joc tzach 'och q'ueln 'ayin yic tz'el yal in sat, yujto 'e'lb'a wec' 'a a sat, 'icha 'e'nc eb' in mam wicham.

Salmos 42:4

A wal yic tzin nan cot jun tzo'n̈ tic, caw tz'och pitzn syal 'a in c'ojol. Tzin nan cot yic 'ayn 'och 'a scal eb' 'anma', yic tzin jucb'tzan eb' 'a yic tzin c'och 'a atut yet' eb' 'a yic tz'och q'uin̈. Til wal 'aw yic tzaljc'ojlal yet' alj yuj diosal tz'och ta'.

Salmos 61:2

'Ayn 'ec' 'a 'aj tzlajw wul sti lum lum tic yic tzin 'awj 'ayach, yujto caw tz'el yip in pixn tzwab'i. 'Ij in 'at 'a 'aj 'ay junc niwquil q'ue'en, 'a'n can q'ue 'a yib'an̈, sec tzin colchji.

Salmos 62:8

Ex wit chon̈ab', ca'c 'och Dios yipc qui c'ojl 'a smasnil tiempo. Yet' wal smasnil qui c'ojlec, tzon̈ leslwiec 'a 'a, yujto cojn 'a 'aj wach' tzqui colc qui b'a.

Salmos 77:3

A yic tzin nan cot Dios caw tzin 'oq'ui, tzin yamn 'och in b'eyc'ojlan in b'a, ax tz'aji tzjaw chab'c'ojlal 'ayin.

Ex 2:23

Niwn xo tiempo x'eq'ui, 'ix cham win sreyl Egipto cha. Ax eb' israel an̈j 'ijnoc yab'n eb' sya'il, mosoaln̈ej yajch eb', man̈ yico'oc sb'a eb', caw tz'el yaw eb'. 'Ix yiln Dios scusc'ojlal eb' yet' syailal eb',

Lm 3:44

'Icha to xa c'ub'j 'el a b'a 'a scal 'asun, sec man̈x tzac ab' qui lesl on̈.

Lm 3:8

Wach'xam tzat cob' 'el waw in c'ann scolwal, man̈xtzac schaj xon in lesal.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.

A Ch'an̈ B'ab'el Libro Samuel 9:16

Yab'n wal 'ixtc q'uic'an, ax in checn cot jun win winc 'ayach. Ata 'oj cot win 'a scal eb' yic Benjamín. Tzac' q'ue aceite 'a sjolom yic tza si'n can 'och syajlilc in chon̈b' Israel. A win 'oj colnc 'el in chon̈b' tic 'a yol sc'ab' eb' filisteo, yujto tzcus in c'ojl yaln sb'a eb' 'anma tic, xchi 'a Samuel cha.