Salmos 101:5 - Chuj San Sebastian Bible

⁵ A eb' tzc'ultac aln tu paxti 'a yib'n̈ junc xo yit 'anma'il, 'oj in satl eb'. Ma'oj wac' sgana eb' yi'n chan̈ sb'a yet' scomn nab'en.

Chuj San Mateo Bible

⁵ Ol in satel eb' c'ub'eltac tz'alan specal eb' anima. A eb' ac'umtac yed' eb' syic'chaan̈ sb'a, man̈ ol techajlaj eb' vuuj.

Salmos 101:5 Iomraidhean Croise

Salmos 138:6

Wach'xam chan̈ 'aj 'ayach, palta tzel 'emt eb' 'emmquilal yeq'ui. Ax eb' b'an̈quintac, caw najt yajl eb' 'a a stz'ey.

Salmos 15:3

Eb' matz pitzn chan̈ paxti 'a spatc junc xo mach, eb' matz yixtj yit 'anma'il, eb' may tas tu tzb'o 'a eb' cajn 'a stz'ey.

Salmos 18:27

Yujto ach tza col eb' 'emmquilal yeq'ui, ax pax eb' b'an̈quintac, ach tzejcan 'ejm eb'.

Salmos 50:20

Tzc'ac'b' 'och e c'ojl 'a eyit 'anma'il. Tze nachan̈ e b'on tas tu 'a eb' eyu'tac to junn̈j e nun yet'oc.

Ex 20:16

Man̈ eya'ch 'es 'a yib'n̈ eyit 'anma'il.

Ex 23:1

Man̈ eya'ch e b'a eyaln speclal eyit 'anma'il, man̈ eya'ch e b'a yet' junc mach tu snab'en, yic tzeya'n 'och e b'a testigoal 'a tas man̈ yeloc.

Pr 10:18

A eb' 'a'm 'es, tzc'ub'j 'el eb' schichnc'ojlal, ax eb' alm peclal, may snab'en eb'.

Pr 20:19

A junc alm peclal, man̈ yojcoc sc'ub'n 'el junc paxti c'ultac yaji, yuj cha, man̈ junc tzex 'ec' yet' jun alm peclal cha.

Pr 21:4

A eb' tzb'an̈ sb'a, chan̈ yaj't sat eb' yic tz'ec' eb'; caw maysch'olnil jun nab'en cha, caw wal tu'.

Pr 25:23

A tu paxti tzalxi, a tz'a'n owxoc 'el qui satec, lajn wal 'icha 'ic' tz'i'n cot n̈ab' 'a stojlal norte.

Pr 30:13

'Ay mach tznani to caw wal niwn yel'chi, yuj cha, niwquil cob' tzyutj sb'a 'a yit 'anma'il.

Is 2:11

A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.

Ez 22:9

An Jehová in, an tzwala, a 'a scal eb' cha, til wal eb' tz'a'n 'och 'es 'a yib'n̈ junc xo mach sec tzchami. 'Ay pax eb' tzlaj xit'c 'a jolmctac witz wa'oc yic tzya'n eb' 'emmquilal 'a jun tzo'n̈ yechl comn dios, caw yajb'entac tas tzlaj sb'o eb'.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Lv 19:16

Man̈ ex alwoc peclal 'a scal 'anma'. An Jehová in, an tzwala. Man̈ locnoc ex tzeyala yic tzma'x cham junc eyit 'anma'il.

Lc 18:14

An tzwal 'ayex, a win tecm 'el tumn cha, yic mantzac pax win 'a yatut, yajn̈j cha, xyaln Dios to wach' win 'a sat. Palta ax win fariseo cha, ma'ix yal Dios to wach' win 'a sat. Yujto a eb' tzyij chan̈ sb'a, man̈x 'a jac yel'ch 'oj 'aj eb'. Ax eb' tzyij 'ejm sb'a, caw niwn yel'ch 'oj 'aj eb', xchi Jesús.

1 Co 5:11

Palta a jun waljnacx 'at 'ayex, tzyal 'el'chi, toto 'ay eb' tzalni, to creyente eb', palta maysch'olnil sb'eyb'al eb', man̈xtzac stac' jun tzon̈ 'e'c yet' eb'. Atn eb' tic tzwala: Eb' 'ajmul, eb' tznib'n 'och tas 'ay 'a junc xo mach, eb' tzyal sb'a 'a jun tzo'n̈ tzalx 'och diosal, eb' b'ajwjum, eb' 'u'm 'an̈, yet' pax eb' 'elc'um. A eb' 'ixta sb'eyb'al cha, toto tzyal eb', to creyente eb', wach'xam ton̈j tzon̈ wac jac yet' eb', caw wal matz tac'a.

1 Ti 3:11

'Ixta pax eb' 'ix 'ix tz'och yopiso, yowlal caw wach' tzyutj eb' sb'eyb'al 'a sat eb' yit 'anma'il. Matz tac' yalw peclal eb'. Yowlal caw te'n tzyutj eb' snab'en. An̈jtona', caw yiclum tzyutj sb'a eb' sb'on smasnil tas.

Tito 2:3

Yet' pax 'a eb' chichmtac 'ix, tzal 'a eb', to yowlal wach' tzyutj eb' sb'eyb'al 'icha tznib'j Dios. Man̈ comnoc tzyal eb' speclal eb' yit 'anma'il. Caw matz tac' yu'n pax eb' 'an̈. Yowlal tzch'ox eb' swach' b'eyb'al,

A Ch'an̈ B'ab'el Libro Samuel 2:3

Yuj cha tztac' tzwal 'ixtc 'a eb' tzyij chan̈ sb'a: Man̈ e b'an̈ e b'a, yujto a Jehová yojc smasnil, a Dios tzon̈ b'eyc'ojlanec yuj tas tzqui b'o'ec, 'oj in chic 'a eb'.