Rt 4:6 - Chuj San Sebastian Bible

⁶ Ax yic xyab'n winac to 'ixta yaji, 'ix yaln winac: —Toto 'ixta yaj jun cha, ma'oj stac' in mann lu'um, xjuwt 'el in macl tic yu'uj. Palta toto tza nib'j tza mancn lum ach tic, tztac' tza mancni. An tzwac' 'ayach, xchi winac.

Chuj San Mateo Bible

⁶ Ayic ix yab'an jun chi' vin̈, ix yalan vin̈: —Tato icha chi' yaji, max yal-laj in manan luum. Ay talaj tz'ic'an in macb'en yuuj. Tato tza nib'ej tza mancanel lum a ach tic, syal a manan luum, svac' in derecho tic d'ayach, xchi vin̈.

Rt 4:6 Iomraidhean Croise

Gn 38:8

Yuj cha, xyaln Judá 'a win Onán 'ixtic: —'Ij a b'a yet' 'unx yistzil win o'tac 'ix cham tic, sec tza yiclj pax qui leyal, to yowlal tzej a b'a yet' 'unx a mu tic, sec ach 'oj ac' junc 'unn 'icha to yunnal win o'tac chi tz'aji, xchi winac.

Lv 25:25

Toto 'ay junc eyit chon̈b' tzlajw 'ejm jac tas 'a 'a, yuj cha, tzchon̈n 'och slum 'ayex, to 'ixta', ax junc yican la'nto scal yet'oc, a tztac' smann can pax 'ec' lum lum cha.

Dt 25:7

Palta toto a win winc chi matz yal sc'ojl tzyij 'ix smu cha, tztac' s'at 'ix 'at yal 'a eb' yichm wincal chon̈ab'. Tzyaln 'ix 'ixtic: A win in mu tic, matz yal sc'ojl win tzb'inax yu'tac 'a scal eb' quit chon̈b'ec; matz nib'j win tzwij in b'a yet'oc, 'icha yaln sleyal, xchi cab' 'ix.

Dt 25:8

Tzlajw cha, tz'awtx win yuj eb' yichmtac wincal chon̈b' cha, tzc'anb'n eb' 'a winac, tas yuj matz nib'j win tzyij sb'a yet' 'ix. Toto tzte'wtzej sb'a winac, matz nib'j win tzyij 'ix smu cha,

Dt 25:9

toto 'ixta', tzjaw 'ix 'a stz'ey winac, wal 'a sat eb' yichmtac wincal chon̈b' cha, tzyi'n 'el 'ix junc xan̈b' winac, tzupn 'och 'ix stzup 'a sat winac, tzyaln 'ix 'ixtic: 'Ixtc wal tz'aj eb' winc matz nib'j tzya'l yin̈tl yu'tac, xchi cab' 'ix.

Rt 2:20

'Ix yaln pax 'ix Noemí: —Ya' cab' Jehová syaxilal 'a yib'n̈ jun winc cha, yujto caw wal wach' xyutj snab'en 'ayon̈, 'ixtnta pax yutjnac snab'en 'a win wichmil chamnac. A jun winc cha, 'ayt cuj qui b'a yet'oc, yuj cha, to 'ay yaln yic on̈ scolni, xchi 'ix.

Rt 3:13

Cann̈ 'a tic 'a jun 'ac'wl tic. At q'ui'n 'oj wila', toto 'oj yal sc'ojl win chi ach yi'n 'icha yaln sleyal, to 'ixta', caw wach' b'i'an; palta toto matz yal sc'ojl winac, tzwac' in ti 'a yojltac Jehová ach wi'ni. Wayn̈ ticnec, at tzsacb'eli, tzach 'ati, xchi winac.

Rt 3:9

—¿Mach ach? xchi winac. Xlajw cha, 'ix ta'w 'ix: —An Rut in, an a checb' in. Ach tic smoj tzach colwj 'ayin, yujto 'ayt yuj sb'a win wichmil can et'oc, yuj cha, tzin nib'j tzach wi'aj, xchi 'ix.